AC-fuldmægtigi Meeqqanut Ilaqutariinnullu Ingerlatsivimmi

Meeqqanut Ilaqutariinnullu Politikki piviusunngortitseqataaffigerusuppiuk aammalu meeqqat ilaqutariillu immikkut ittumik pisariaqartitsisut atugassarititaasa pitsaanerulersinnissaat peqataaffigerusuppiuk?

Meeqqanut Ilaqutariinnullu Aqutsisoqarfimmi stabi AC-fuldmægtigimik pimoorussisumik inuiaqatigiinni sullissinermut soqutigisaqartumik ujartuivoq. Atorfik isumaqatigiissuteqarnikkut inuttalerneqassaaq.

AC-fuldmægtigitut ingerlatsiviup iluani meeqqanut ilaqutariinnullu tunngasuni ineriartortitsinermut misissueqqissaarnermullu atatillugu pingaarutilimmik inissisimassaatit. Suliatit politikkikkut innuttaasunullu qanittumik sullissinerup iluani ingerlanneqassapput, aammalu stabi-mi suleqatit aammalu immikkoortortami pisortat qanimut suleqatigissavatit. Suliassat assigiinngitsut amerlasuut naammassisinnaanissaat naatsorsuutigineqarpoq.

Atorfik Meeqqanut Ilaqutariinnullu Politikkip piviusunngortinneqarnissaanut tapertaavoq, politikkimi ilaatigut siusissukkut suliniuteqarnermut, suleqatigiissinnaanermut aammalu tapersersuinermut tunngatillugu pitsaassutsimik qulakkeerinermut pingaartitsisoqarpoq. Suliatit meeqqanut ilaqutariinnullu amerlanerusunut piffissaq eqqorlugu pisariaqartitaannik ikiorneqarnissaannut sinaakkutinik pilersitseqataassapput.

Atorfik pillugu

AC-fuldmægtigitut ingerlatsiviup ineriartortinneqarneranut, aqunneqarneranut aammalu ilisimasaqarnermut tunngasunik suliassanik isumaginnissaatit.

Suliassat ilaatigut makkuupput:

·Misissueqqissaarnernik suliaqarneq, tusarniaanermut akissutinik aammalu killiffimmik nalunaarusiorneq

·Ineriartortitsinermut suliniutinut malinnaatitsineq, pingaartumik immikkut suliniutinut ukkataqarnermi

·Aningaasaqarnermut tunngasunik misissueqqissaarnerit aammalu kisitsisit ingerlatsivimmi pingaarutillit

·Isumasioqatigiinnernik, sammisaqarnernik aammalu ataatsimoorussanik aaqqissuussinermut tapersersuineq

·Ingerlariutsinik aammalu pitsaassutsimik qulakkeerinermut allattorsimaffinnik suliaqarneq

·Immikkoortut akimorlugit kiisalu ingerlatsivinni suleqatigiinnermut atatillugu suliniutinik ataqatigiissaarineq

·Ingerlatsiviup iluani suliassanik aallartisartunik attaveqaqatigiinnermullu suliassanik piareersarneq, soorlu nittartakkamut allagaatit, tusagassiuutinut nalunaarutit aammalu nutaarsiassanik allagaqarneq

·Ataatsimiititaliamut aammalu suliffiita iluani allatsitut piareersaaneq ataatsimiititaliamut ingerlasusanik kiisalu ataatsimiititaliamiik anngunneqatunik suliaqarneq

Namminersorluni sulineq aamma aallussisinnaaneq

AC-fuldmægtigimik namminersorluni sulisinnaasumik aammalu aallussisinnaasumik ujartuivugut. Tamanna qulakkeerniarlugu aqutsisoqarfiup ingerlanerani ataavartumik paasissutissinneqartassaatit aammalu pingaarnerutitamik aalajangiinerit pillugit ilisimatinneqartassaatit. Tamanna periarfissiivoq nammineq ilisimasaqarnerulernissaannut meeqqanut ilaqutariinnullu tunngasunik inerikkiartortitsinissamik kiisalu pisinnaasannik qaffassaanissamik matumani naliliisinnaanerit kiisalu suliap ingrlanneqarnerani tulleriiaarisinnaanermik ingerlatsiviuk ineritikkiartornerani.

Naatsorsuutigaarput:

·Inuiaqatigiilerinermut sammisumik ilinniagaqartutit, allaffissornermik assingusumilluunniit tunngasumik ilinniagaqartutit

·Inuiaqatigiinni sullissinermut ilisimasaqartutit – pingaartumik meeqqanut ilaqutariinnullu tunngasumik

·Allattariarsornermi oqalunnermilu paasissutissanik paasinartumik ingerlatitsisinnaaneq

·Suliaqarfiit assigiinngitsut akimorlugit suleqateqarsinnaaneq aammalu tatiginninnermik tunngaveqartumik attaveqaqatigiissinnaaneq

·Ineriartortitsinermut aammalu ingerlatsinermut suliassanik ataatsikkut suliaqarsinnaaneq

·Politikkikkut aaliangigassanut piareersaanermi suliaqarneq aammalu allaffissornermut tunngasunik suliaqarnermi soqutigisaqarneq

·Misissueqqissaarluni suliaqarsinnaaneq, aaqqissuussamik aammalu pitsaassutsimik siunnerfilimmik eqqarsartaaseqarneq

Neqeroorutigaarput

Atorfik soqutiginartoq aqutsisoqarfimmi ineriartorfiusumi, sulianut nammineq sunniuteqarsinnaanermik aammalu akisussaaffimmik namminersorluni tigusisinnaanermik periarfissiisoq.

Stabi minnerusumi suleqataalissaatit, tassani suleqatigiinneq aammalu ikioqatigiinneq pingaartinneqarput.

Meeqqanut ilaqutariinnullu tunngasuni tamakkiisumik paasisaqarumaarlutit, aammalu misissueqqissaarnermut, sulianik ataqatigiissaarinermut aammalu aqutsisoqarfiup ineriartortinneqarneranut tunngatillugu piginnaasatit ineriartortissinnaassavatit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Stabschef-i Bruno Heilmann, oqarasuaat +299 55 36 10 imaluunniit e-mail: brhi@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1323-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: januaarip 7.-at, 2026

Atorfik una qinnuteqarfigiuk