Afdelingsleder til Debitorafdelingen

Kalaallit Nunaannik piujuartitsisumik pilersuinerup inerikkiartortinnerani peqataarusuppit? Taava ilinnut Nukissiorfiit tulluarluarpoq

Ull. 1. oktober 2026-mi, imaluunniit isumaqatigiissut malillugu atorfinittussamut Nuummi qullersaqarfimmi akiitsortinut immikkoortoqarfitsinnut, Nukissiorfiit suli inerikkiartortinnissaanut sananeqaatilinnik ilassuteqarusuttumik immikkoortoqarfiup pisortaanik pimoorussaqarlunilu akisussaaffimmik sianiginnittumik inuttassarsiuivugut. Nukissiorfiit nuna tamakkerlugu suliffeqarfiuvoq, tassani piujuartitsineq assut pingaartinneqarluni, aammalu ulluni tamani inuiaqatigiinni annertuumik akisussaaffigisamik kivitsisarpoq.

Nukissiorfiit tassaavoq suliffeqarfik pilersitarisanik iluarsiissutinik pilersitsiffiusartoq, misileraanissamut inissaqarfiusoq, aammalu atuisartutsinnut, aammalu inuiaqatigiinnut akuuffigisatsinnut aningaasartuutinik nammatsisunik, naleqassutsinik pilersitsisunik piujuartitsisunillu iluarsiissutissanik naggataagut angusaqarniartoq. Ilanngullugit ataavartutut nukissamik aamma imermik imigassamik pilersuinernik, kiisalu atuisartut misigisartagaannik aqutsisoqarfimmillu digitaalinngorsaanermik nangitatut allanngoriartortitsillunilu pitsaanerpaanngorsaanissat sammisarineqarput.

Niuerfiup allanngoriartorfiani unammillernartumi ingerlatseruttulerpugut, tassanilu atuisartutsinnut iluaqutaasussanik iluarsiissutinik aningaasartuutinik nammatsisunik aamma piujuartitsisunik pilersitsisoqarpoq. Naatsorsuuserisarfiup sulisui suliami tassani pingaarutilittut ilaapput.

Naatsorsuuserisarfimmiipput sulisut 14-it, aamma ilinniartut marluk, taakku immikkoortoqarfiit Aningaasarsiat, Pisiortorneq/Akiligassaqarfiit, kiisalu Akitsortit aamma naatsorsuutinik controlling agguataarfigalugit. Immikkoortoqarfinnut ataasiakkaanut taakkununnga immikkoortoqarfiit pisortaat Naatsorsuuserinermut pisortamik qullersaqarput.

Suliassani pingaarnerpaani ilaapput:

• Akiitsortinik isumassuiuarnermi aqutsillunilu pitsaassutsinik isumannaarinerit.

• Qaammammut, ukiup affaanut aamma ukiumut naatsorsuusiornernut atugassanik paasissutissanik nalimmassakkanik isumannaarinerit.

• Aningaasaqarnermut immikkoortoqarfiup sinneranut atatillugu naatsorsuuserinikkut sulianut tunngasutut ingerlattakkatigut sulissani isumagisassani peqataanerit, kukkunersiuinernut atasut ilanngullugit.

• Akiitsullit akilinngisaminnik akiligassallit suliassanngornerininut oqartussaasunillu suliassarinerinut tunngasut.

• Pisortanut nalunaarusiornerni ilassuteqartarnerit.

• Nammineq attuumassutilinnik ikkussuinerit.

Aaqqissuussiffik aamma ingerlattakkat

• Akiitsortinut immikkoortoqarfiup ingerlattagaasa allanngoriartortillugillu pitsaanerpaanngorsarnissaannut akisusaaffeqarfik.

• Nukissiorfiit ERP-mik aaqqissuussiffianik, ingammik akiitsortinut moduliani, nangitatut allanngoriartortitsinermi peqataaneq.

• Suleqatit sinnerini attaveqarfitsialannik attassineq, aamma ilisimasanik paarlaateqatigiittarnernut ilassuteqartarneq.

• Immikkoortoqarfimmut qaammatikkaamik KPI-nik tunniussisarnerit, taakkuninngalu malittarinninnerit.

Aqutsisoqarfik

• Nammineq suleqatigisanik sulianut tunngasutut ingerlattakkani inuttullu inerikkiartortitsineq.

• Akitsortinut immikkoortoqarfiup aamma Nukissiorfiit immikkoortoqarfiisa sinnerinik suleqatigiilluarnissap isumannaarnera.

• Nammineq sulisuni tamani killeqarfiit qaangerlugit sulianut tunngasutut ingerlattakkatigut suleqatigiinnermik tunngavilimmik kultureqassutsimik pilersitsineq.

• Sulisunut, pisortanut aamma suleqatigisanut paasissutissanik attuumassutilinnik agguaassaqartarnerit.

Atorfik Naatsorsuuserinermi pisortamik qullersaqarfeqarpoq.

Illit piginnaasatit

Kisitsisinik paasisimasaqarnerit, aammalu aningaasaqarnermik naatsorsuuserinermillu sulianik misilittagaqarnerit pingaartuupput.

Tamakku saniatigut makku ilinnit piginissaat pingaartuutippavut:

• Attuumassutilittut sulianut tunngasutut ingerlattakkani ilinniagaqarneq, imaluunniit tamatuminnga iluarsiiviginnittutut suliaqarnikkut misilittagaqarnerit.

• Aningaasaqarnermi aaqqissuussiffinnut ilisimasaqarluarneq.

• IT-mik aaqqissuussiffinnik, soorlu MS Officemik katersanik, ingammillu Excelimik paasinnilluarsimaneq.

• Kalaallit inuiaqatigiivinik ilisimanninneq.

• Allanngortussanut piareeqqasoq, ilikkajasoq, namminersuutigisaminillu sulisinnaasoq.

• Soqutigisalik, akuersaartoq, aammalu pimoorussinerminik takutitsillunilu suleqatiginnillaqqissusilik.

Makku neqeroorutigisinnaavavut

• Suliffik pikkorissutsimik malunnaatilik, aammalu pimoorussaqarfiusutut suliffeqarfimmi kultureqassuseq.

• Atorfik pissanganartoq, assut annertuumik nammineq aalajangiisinnaaffilik, aammalu ulluinnarni sulinerup sunniuteqarfiginissaanut periarfissalik.

• Ataatsimoorfitsialak, suliap nuannersuanik alaatsinaataqarfipput.

Atorfinitsitaanermi pissutsit, aamma paasissutissat erseqqinnerusut

Aningaasarsiat atorfinitsitaanermilu pissutsit Naalakkersuisut, aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq malillugu pipput.

Atorfik inissamik ilaqanngilaq, Namminersorlutik Oqartussanili atorfeqarneq aqqutigalugu sulisunut inissiamik peqariissagaanni tassunga pisinnaatitaaffik pigiinnarneqassaaq.

Atorfinitsitaaffik qaammatinik pingasunik misilitsiffeqarpoq.

Annerusumik paasisaqarusuppit?

Annertunermik paasissutissarsioraanni Aningaasaqarnermut Immikkoortoqarfimmi Naatsorsuuserinermut pisortamut, Jens Bergløv Jessenimut saaffiginnittoqarsinnaavoq, oq. (+299) 34 96 01. Apeqqutit nalinginnaanerusut HR-ip immikkoortoqarfianut saaffiginnissutaaqquneqarput, ukunatigut: hr@nukissiorfiit.gl imaluunniit oq. (+299) 34 95 00.