Akademisk Controlleri Aningaasaqarnermut, Sulisoqarnermut Ilinniartunullu Sullissivimmut Immikkoortortamut

Siunissami ilinniartitaanerup, kulturilerinerup, timersornerup ilageeqarnerullu iluani sunniuteqaqataarusuppit?

Ulluinnannit anillakaallutit inissisimaffimmut unammillerneqarfiusumut, akisussaaffimmik tunineqarfiusumut, piginnaasanillu aammalumi inuttut ineriartorfiusumut pinissannut piareersimavit?

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik akademikerimik anguniagaqarusussuseqartumik, pisortat aningaasaqarnerannik ilisimasalimmik, aningaasaqarnikkullu controllingimik immikkoortuni politikkikkut strategiskimillu pingaarutilittut inissisimasuni suliaqartussamik ujaasivoq.

Atorfik sunniuteqavissumik inissisimasoq

Uani atorfimmi qitiusumik controllinginik nunamut tamarmut sunniuteqartunik suliaqarnerni qitiusumik ingerlatitseqqiisussatut inissisimassaatit. Naalakkersuisoqarfimmi suliat sukkasuumik ingerlanneqartarfianni, politikkikkullu anguniakkat pivisunngortinneqapallattarfianni ataqatigiissaarisutut inississaatit.

Ulluinnatit unammillernarfiusut ineriartorfiusullu misilittagaqarfigilissavatit — aammalu akademikerisut sakkussatit annertuumik amerlisarnissaanut periarfissinneqassallutit.

Fagligimik ataatsimoorfik sanngisooq

Naalakkersuisoqarfik immikkoortortaqarfinnut tallimanut aaqqissuussaavoq, taakkulu suleqatigiipput suleriuserlu suleqatigiinnermik, ataqqeqatigiinnermik nutaamillu eqqarsarnermik sunnerneqaqqasoq ataqatigiissutigalugu. Tamaani akademikerinik eqqartueqateqarusuttunik, unammilleerusuttunik, aaqqiissutissanillu pitsaanerpaanik angusaqarusullutik ikiuisunik suleqatitaassallutit.

Aningaasaqarnermut, Sulisoqarnermut Ilinniartunullu Sullissivimmut Immikkoortoqarfik ilinniartitaanerup, kulturilerinerup, timersornerup ilageeqarnerullu iluani qitiusumik aningaasaliissutinik ataqatigiissaarivimmi aningaasaqarnikkullu ineriartortitassanik suliaqarfiusumi peqataalissaatit.

Atorfimmut tunngasut

Immikkoortoqarfimmi akademikerisut controllinginik suliassat annertunerusut strategiskimik pingaarutillit ingerlanneri ataqatigiissarnerilu akisussaaffigissavatit. Suliassat makkuninnga ilaqassapput:

• Ilinniartitaanerup, kulturilerinerup, timersornerup ilageeqarnerullu iluani ingerlatsiviit aningaasaqarnerinik controllinginik ingerlatsinerit

• Aningaasaqarnikkut pingaarnersiuinerup aammalu immikkoortut akimorlugit ataqatigiissaarinermik nukittorsaaneq

• Strategiskinik projektinik suliaqarnerni immikkoortoqarfiup pisortaanik tapersersuineq, projektillu taakku siuariartornissaannik qulakkeerinninneq

• Naalakkersuisoqarfiup ingerlatsiveqarfiillu akunnerini suliaqarfiit akimorlugit ataqatigiissaarinermut tunniussaqarneq

• Aningaasaqarnerup iluani datanik suliaqarneq, taamatuttaarlu aningaasaqarnerup iluani naatsorsueqqissaarnernik takussutissiornernik pilersitsineq

• Ad-hocinik suliaqarneq

Atorfimmi sulianut atasut pillugit angalariataarsinnaanissaq ilimagineqassaaq, ingerlatsiveqarfinni aningaasaqarnikkut controllinginik nakkutilliinermillu suliaqarnerni pulaariataartariaqalernerinik takkuttoqarsinnaasarmat.

Kina ujarparput?

Illit ujarpatsigit:

• Ingerlariaqqiffiusumik tulluuttumik ilinniagalik (soorlu bach.scient.soc., cand.scient.adm., cand.scient.oecon. imaluunniit taakkununnga assingusut)

• Strategiskimik paasinnissinnaassusilik, takorusussinnaavarput Namminersorlutik Oqartussani imaluunniit kommunini misilittagaqartutit

• Sukuiaallaqqissuusutit aningaasaqarnerullu iluani naatsorsueqqissaarnernik suliaqallaqqissuusutit

• Sulianut pikkoriffigisaqarluni suleqatigiinnernut tatigeqatigiiffiusunut ineriartorfiusunullu ukkataqartuusutit

• Atassuteqaatinik ingerlalluartunik pilersitsisinnaasutit, aammalu illup iluani illullu avataani soqutigisaqaqatigiinni suleqatigeeriutsinut pitsaasumik periuseqartartuusutit

• Ersarissuliullaqqissoq, suliassannullu erseqqissumik suleriusissiortartoq

• Kalaallit Nunaat tamakkerlugu pissutsinut ilisimasaqarluartuullutillu nalunngisaqarluartuusutit.

Ilinniarlutit naammasserlaajusinnaavutit imaluunniit ukiualuit misilittagaqartuullutit — pingaarnerpaavoq ilikkagaqarusuttuusutit, akisussaaffimmik tiguserusuttuusutit politikkikkullu aaqqissuussaasumi suliffimmi inuttut ineriartorusussuseqartuusutit.

Paasisaqarnerorusuppit?

Atorfik pillugu apeqqutissaqaruit Afdelingschef for Økonomi, Personale & Studieforvaltning Ilannguaq K. Møller attavigisinnaavat ugguuna; mailikkut ILMO@nanoq.gl

Aningaasarsiat atorfininnermilu atugassarititat

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Toqqagassamut tulluussarluarsimasumut ukiuni arlalinni misilittagalimmut, immikkullu nalilersuereernerup kingorna, atorfininneq specialkonsulentit atugassarititaat aallaavigalugu pisinnaavoq.

Najugaq

Atorfimmut atatillugu sulisunut inissiamik innersuussisoqarsinnaanngilaq.

Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.