Akileraartarnermut Aqutsisoqarfimmi akileraartarnermut tunngasunik digitalinngorsaanermi, paasissutissani AI-imilu akisussaasoq, Kalaallit Nunaat

Kalaallit Nunaanni akileraartarnerup tungaatigut digitaliusumik allanngoriartorneranut siuttoorusuppit?

Akileraarnermi ingerlatsineq, aqutsineq paasissutissallu toqqammaviusut eqqortut Kalaallit Nunaata aningaasaqarnerani toqqammavinni pingaarnerpaapput. Akileraartarnermut Aqutsisoqarfimmi periarfissamik qaqutigoortumik nalaataqarpugut: Inuiaqatigiinni pisariaqartinneqartumik IT-kkut paasissutissallu tungaatigut nutarsaaneq, atorfilinnut sinaakkutit pitsaanerusut pilersillugit aammalu paasissutissat AI-llu akisussaasumik akileraartarnerup ingerlatsinerani pisariillisarlugu pitsaanerulersillugu.

Inissisimaffimmi tassani akileraartarnerup tungaatigut ullumikkut siunissamilu ileqqut qanoq innersut peqataaffigilissavatit.

Inissisimaffik

Digitalinngorsaanermi, paasissutissanut AI-imullu akisussaasutut akileraartarnermi Akileraarnermut Aqutsisoqarfimmi Aqutsisut suliassaqarfiillu qanittumik suleqatigissavatit pisariussuserlu ersarissumik pingaarnersiortunngortillugu aalajangiinissanullu saqqummiussassanngortillugit alloriarnernullu tulliuttumik ersarissumik pilersaarusiorneq.

Inissisimaffimmi piumasaqaataavoq aaqqissugaanerni pisoqarfiusuni oqaloqatigiinnernilu nalinginnaasuni peqataasinnaanissat. Aqutsisut atorfillillu naligalugit naapittassavatit, isummanik katersillutit naammassineqarsinnaasunillu aalajangiisoqarnissaa isumannaarlugu. Iliuuseqarnerni ingerlatsinerit ingerlatissavatit, nalorninarsinnaasut pisariaqartitsinerillu ersarissarlugit aammalu pilersuisunik qanittuni attaveqarlutit suleqatigiinneq, pilersuinerit naatsorsuutillu ataqatigiinnissat piniarlugu.

inissisimaffimmi allanut ersarissaanissaq pingaartutut inissisimavoq. Akileraartarnermut aqutsisoqarfiup IT-mut tunngatillugu suliniutinut ataasiakkaanut siuariartornerunissamut, pilersuisunik oqaloqateqartarneq, aningaasaqarnermut ilanngusseqataasarneq suliassat allattorsimaffii suliarisinnaassagitit naatsorsuutigineqarpoq Pingaarnertut suliassarissavatit:

• Akileraartarnermut tunngatillugu systemimut paasissutissanillu tunngasunik ersarissaaneq

• IT-mik, paasissutissanik AI-inullu nutarsaanermut roadmap-i ingerlallugulu aserfallaatsaaliorlugulu.

• Suliassaqarfinni soqutigisaqarfinnilu pingaarnersiusarnerit, aqutsinerit, ingerlatsinerillu isumannaarlugit.

• Siunnersuisut suleqatillu avataaneersut suleqatigalugit suliniutit ingerlallugit pilersuinerillu aqullugit.

• Aalajangiinissamut saqqummiussassat ersarissumik suliaralugit allakkat allakkatigullu attaveqaqatiginnerit pitsaasuunissaat isumannaarlugu.

• AI-ip akisussaaffeqartumik siunertaqartumillu atornissaanut sinaakkusersuineq.

• Akileraartarnermut tunngasumi ataqatigiinnerusumik assigiiaarnerusumi, isumannaannerusumik, siunissamullu isumannaannerusumik aaqqissugaanissaanut tunniussisinnaaneq.

Inissisimavimmi piginnaasat uku immikkut pingaartippagut:

Sulianik ingerlatsineq aqutsinerlu

• Aaqqissussaani persuarsiornanngitsuni tatiginninneq, ersarissuseqarneq pisariitsumillu aqutsineq aqqutigalugu ingerlatsinermik pilersitsisinnaaneq. IT-mi sulianut tunngatillugu allattorsimaffimmik pilersitsinissaq aserfallaatsaaliuinissarlu.

• Ingerlatseriaatsini, ataqatigiissaarisarneq, pinngitsoorsinnaanngisani, soqutigisanillu ataqatigiissaarisinnaaneq, allat naammassinninnissaannut oqilisaalluni.

• Avataaneersunik suleqatillu akornanneersuni suleqateqarnermi allakkat allakkatigullu attaveqaqatigiinnerit pitsaasumik tunniussinnaassavatit. 

• Allannguinerit aalajangernermiit iliuuseqarfiginissaata tungaannut aqussinnaassavatit. Ataatsimoorluni paaseqatigiinnermik pilersitsineq, suleriaatsit nutaat tapersersorneri aammalu piviusunngortitsineq ataavartumillu pitsanngorsaaneq isumannaarlugu.

Digitalinngorsaaneq, paasissutissat aamma AI

• Software-imut IT-mullu ilusilersuinermut tunngasunik toqqammavinnik ilisimasaqassaatit (apeqqutit eqqortut apeqqutigisinnaanerussagakkit kingunissaalu nalilersorsinnaallugit)

• Paasissutissat ingerlatsinermut, aqutsinermut, ineriartornermut aaliangiiniarnermullu tapersersuinermut tunngaviusut ilisimassavat

• AI suleriaatsimut, system-ip ineriartorneranut ingerlatsinermullu qanoq sunniuteqarnersoq takusinnaassavat aammalu akisussaasumik siunertalimmillu atuisinnaanissamik sinaakkusiisinnaallutit (aqutseriaaseq, isertuaatsuuneq, aarlerinartut) sunut tamanut ilisimasaqartuunngikkaluarlutit

• Suliassaqarfiit pilersuisullu oqaloqatiginnernik isumasioqatigiinnernillu pilersitseqatigisinnaavatit aammalu piumasaqaatinut, pingaarnersiuinernut aalajangiinernullu saqqummiussassanut isumasiuisinnaassaatit.

Akileraartarnermut niuernikkullu ilisimasaqarneq

• Akileraartarnermut akitsuutinullu tunngasunik toqqammavinnik immaqaluunniit pisortat suliassaanut tunngasunik ilisimasaqarputit

• Inatsisit, ingerlariaatsit, paasissutissat IT-mullu tunngasut imminnut ataqatigiinnerat ilisimavat

• Apeqqutit eqqortut apeqqutigisinnaavatit akissutillu paasisinnaallugit - nammineq aaqqiissutinik ujaasinngikkaluarlutit

Oqaatsinut inuiaqatigiinnullu tunngasunik paasinnissinnaaneq

• Iluaqutaalluinnassaaq kalaallisut oqalussinnaaguit aamma kalaallit inuiaqatigiivinik kulturiannillu ilisimasaqaruit

• Ineriartornermi nukiorusuppit siunissamilu aaqqissuussinermi sulisoqarnerulernermi pisariaqannginnerulerlutit

• Ineriartornermi nukiorusuppit siunissamilu aaqqissuussinermi sulisoqarnerulernermi pisariaqannginnerulerlutit

Sooq atorfimmut uunga qinnuteqassavit?

Periarfissarisinnaavatit:

• Kalaallit Nunaanni inuiaqatigiinni aningaasaqarneq akileraarneq ingerlaqqinneq aqutsinerlu aqqutigalugit allannguigit

• Akileraartarnermut Aqutsisoqarfimmi atorfilinnut digitalimut tunngasunik sinaakkutinik pitsaanerusunik pilersitsineq.

• Akileraartarnermut tunngasumik piffissaq ungasinnerusoq eqqarsaatigalugu IT, paasissutissat AI-inullu tunngasunik sinaakkusersueqataasinnaavutit.

Akisussaaffimmik, pisariusunik, sivisuumillu sunniuteqarnissamut periarfissap sulerusussuseqartilerpatit atorfik ilinnoortuuvoq. Qinnuteqartunut uppernarsarneqarsinnaasunik piginnaasalinnut misilittagalinnullu immikkut siunnersortitut atorfinitsinneqarnissaq neqeroorutigineqarsinnaavoq.

Ulloq atorfiniffissaq

Atorfik piaarnerpaamik imaluunniit isumaqatigiissuteqarnikkut inuttalerniarneqarpoq.

Paasissutissat allat

Atorfik pillugu paasisaqarnerorusukkuit Akileraartarnermut Aqutsisoqarfimmi Aningaasaqarnermut Immikkoortortaqarfimmi immikkoortortaqarfimmi pisortaq Lisbeth Møller Jensen lsmj@nanoq.gl-imut attavigisinnaavat.

Akissarsiat atorfeqarnermilu atugassarititaasut

Akissarsianut atorfeqarnermilu atugassarititaasunut, taakkununngalu ilanngullugit atorfininnermut soraarnermullu atatillugu angalanissamut pequtinillu nassiussinissamut akiliunneqarsinnaatitaanermut piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissut tunngavigineqassaaq.

Inissaqarneq

Atorfimmut atatillugu sulisunut inissiamik pequsersorneqanngitsumik innersuussisoqarsinnaavoq, piffissami matumani malittarisassat atuuttut naapertorlugit. Qinnuteqartut atorfitsik aqqutigalugu ineqartinneqareersut imaluunniit kommunimiit Namminersorlutik Oqartussanilluunniit pigineqartunik ineqartut inissaannik innersuussisoqarsinnaanngilaq. Ineqarnermut akiliut aamma ineqarnermut qularnaveeqqusiissut inigisamut innersuunneqartumut malittarisassat atuuttut naapertorlugit akilerneqartassapput. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

Ineqarnermut akiliut aamma inissiap pitsaassusia inissiap qanga sananeqarsimanera, piginnittua il.il. apeqqutaallutik nikerarsinnaapput. Sulisutut ataavartumik initaarnissaq utaqqinarsinnaavoq, taamaattumik utaqqiisaasumik inissiisoqarsinnaasarpoq, matumani aamma najugaqatigiiffiit minnerusut imaluunniit akunnittarfinni inissiat pineqarlutik, taakkulu akileraarusersorneqassallutik. Sulisunut inissiami imaluunniit utaqqiisaasumik inigisami uumasuutit anginerusut, soorlu qimmit qitsuilluunniit, uumasuutigineqaqqusaanngillat.

Qinnuteqarfissamut killigititaq

9. Martsi 2026

Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit.

Mailikkut qinnuteqaatinik tigusineq ajorpugut.