Akileraartarnermut Aqutsisoqarfiup Aningaasaqarnermut aammalu Naatsorsuuserinermut immikkoortortaqarfiat AU-ØR ilinniartumik aammalu TNI-imi allaffissornermut ilinniartumik pissarsiorpoq

Ulloq 1. aggusti 2026 aallarnerfigalugu ilinniartoq Nuummi aningaasaqarnermut immikkoortortaqarfimmi ilinnialissaaq, ataaserlu Maniitsumi naatsorsuuseriffimmi ilinnialissalluni.

Pingaartitaraarput imaqarluartumik unamminartumik ilinniartussarput ulloqartarnissaa, aammalu suliassanut inuttullu ineriartornissaa pingaartitatta ilagaattaaq. Akileraartarnermut Aqutsisoqarfimmi Ilinniartuuneq, siunissami suliffigiligassami toqqammavissiinikkut ilikkagassanik immersorluarneqarumaarpoq.

Ilinniartussap pisortani allaffissorneq paasisaqarfigissavaa, aningaasaqarneq, naatsersuusiornermut, aammalu aningaasaqarnermut ingerlatsineq, sullissineq, attaveqaqatigiinneq, pingaarnertullu naatsersuusiornermi ingerlatsinermut paasinninnissaq aamma ilikkagassaralugu.

TNI-mi ilinniartup akiliisitsiniarnermi allaffissornermi suliassat ilinniassavaai, aammalu allaffimmi suliassat assigiinngitsuni suliaqarnissamut peqataasassalluni. Akileraartarnermut Aqutsisoqarfimmi ilinniartumut naatsersuutigaarput:

• Aalaakkaalluni piffissamik eqquilluni suliartortarumaartoq

• Akuersaarnermik aammalu sullisserusussuseqartuussasoq

• Piareersimalluni unamminartunik tigusisinnaanissaa

• Eqimattani namminersorlunilu sulisinnaasoq

Aningaasaqarnermut immikkoortortaqarfiup suliassaqarfii pingaarnerit makkuupput:

• Naatsorsuuserineq, naatsorsuutinik inaarsaaneq ukioq akileraarfiusumut inaarsaanerit il.il.

• Ukiumoortumik aningaasanut inatsisissap suliarineranut ikiuunneq.

• § 37 naapertorlugu apeqqutinut akissutissanik suliaqarnernut ikiuineq.

• Ingerlaavartumik, ukiullu sisamararterutaani kisitsisinik kukkunersiuineq.

• Umiarsualivimmiinnermut akileraarutinik, unnuinermi akitsuutinik, nioqqutissanik eqqussuinermi akitsuutinik, immiorfeeqqanullu akitsuutinik il.il. allaffissorneq, kisitsisinik kukkunersiuineq, aammalu naatsorsuuserineq.

• Aningaasanik aqutsinermut qarasaasiatigut atortorissaarutinik misissuineq nakkutiginninnerlu.

• Qaammatikkaartumik kommuninut akileraarutit naatsorsorneqartarnerini ikiuunneq

• Akileraartarnermut akitsuutinullu suliassaqarfinni suliassanut allanut ikiuunneq, soorlu nalunaarsugassat, naatsorsuuserinerit, kisitsisilerineq aammalu misissugassat allat suliarinerini ikiuutaaneq.

• Aqutsisoqarfimmi allaffeqarfiit akornanni qarasaasiatigut kisitsisinik tunniussuineq, soorlu naatsorsuuserinermut suliassat assigiinngitsut aammalu kukkunernik iluarsartuussisarneq.

• Ingerlatseqatigiiffiit iluanaarutaannik taakkunanngalu utertoorutaannik suliaqarneq.

• Piffissani aaliangersimasuni akissarsianik missingersuutinillu aqutsisunut malinnaatitsineq.

• Akiligassiissutinik qarasaasiatigut atortorissaarummi IRIS-imi nalunaarsuineq agguaassinerlu.

• Akileraartarnermut Aqutsisoqarfimmi ilinniartunik ilinniartitsinerni peqataaneq.

• Suliassat suliniutillu assigiinngiiaartut allat.

Naatsorsuuseriviup allaffeqarfiata suliassaqarfii pingaarnerit makkuupput:

• Naatsorsuuserinermi suliassat aqutsisoqarfiup konto pingaarneq 24-imut tunngasut.

• Naatsorsuuserineq akiliisitsiniarnermut immikkoortortamut konto 24.01.40.

• Qaammatikkaartumik kvartalimullu malinnaatitsineq pillugu nalunaarusiorneq, naatsorsuutinut ilitsersuut (Regnskabshåndbog) immikkoortoq 6.2 naapertorlugu.

• Kontonut ingerlaavartumik nalimmassaarineq aamma malinnaatitsineq, suliffiup iluani atorneqartussat kiisalu fagafdelinginut tunngasinnaasut.

• Akiliinerit akiligassiisunut akuersissutigineqarnissaat (anvisning).

• Siunnersuineq aamma ikiorsiineq akiligassiisunut kiisalu Akileraartarnermut Aqutsisoqarfiup allaffiinut naatsorsuuserinermut tunngasunik.

Akileraartarnermut Aqutsisoqarfik pillugu itinerusumik paasisaqarusukkuit nittartagarput: www.aka.gl qimerloorsinnaavat

Atorfik pillugu paasissutissat sukumiinerusut ataani allassimasunut saaffiginninnikkut pissarsiarineqarsinnaapput.

Maniitsoq:

Allaffimmi pisortaq Kirstine Josefsen, e-mail: kijo@nanoq.gl tlf. 34 55 71

Nuuk:

Allaffimmi pisortaq Veronica Olsen, e-mail: vero@nanoq.gl tlf. 34 55 39.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.