Akileraartarnermut Aqutsisoqarfiup Nuummi allaffia akileraartarnermut kukkunersiuisussarsiorpoq

Suliaqarnermut Nakkutilliinermullu allaffik ingerlatseqatigiiffiit inuussutissarsiorlutillu namminersortut nakkutigineqarnissaannik aamma unioqqutitsillutik aningaasarsiortartut aningaasanillu malunnarunnaarsaasarnerit nakkutigineqarnissaannik suliaqartussanik sisamanik nutaanik suleqatissarsiorpoq.

Immikkoortortaqarfik massakkut 14-inik sulisoqarpoq, taakkunannga tallimat ingerlatseqatigiiffiit niueqatigiinnermi akit pillugit aqutsineq nakkutilliinerlu suliarisarpaat, sulisut arfineq-pingasut aningaasanik malunnaarunnaarsaasarnerit aamma inuussutissarsiortut namminersortut aqutsineq nakkutiginnillutillu suliaqartarput aamma marluk aqutsinermik, aqutsisutullu suliassat aamma systeminik suliaqartarput. Immikkoortortaqarfik Nuummi, Aalborgimi aamma Københavnimi sulisoqarpoq.

Suliaqarnermut Nakkutilliinermullu Immikkoortortaqarfik Kalaallit Nunaanni inuussutissarsiortunik namminersortunik ingerlatseqatigiiffinnillu aqutsisarput nakkutiginnittarlutillu, makku ilanngullugit

• Suliassat akileraartussaatitaanermut, pingaartumik suliffeqarfiit Kalaallit Nunaannut killilimmik akileraartussaatitaaneri marloqiusamillu akileraaruteqarnermut tunngasut nakkutigalugit suliarineqartarput.

• Akileraartussaatitaaneq ilanngaasersuinerlu, matumani isertitat eqqortumik aamma aningaasartuutit eqqortumik nalunaarutigineqarnissaat ilanngullugit sularineqartarput.

• Namminersortut inuussutissarsiortut nakkutigineqarnerini Kalaallit Nunaannut suliffeqarfiit sulisullu akileraartussaatitaanerinik nalilersuisinnaaneq anguniarneqartarpoq.

• Aningaasanik peqquserluuteqarneq aningaasanillu malunnaarunnaarsaasaarneq nakkutilliilluni pingaartumik suliarineqartarput.

• Ingerlatseqatigiiffinnik inuussutissarsiortunullu aqqutissiuussineq.

• Nammineq nalunaarsuilluni immersugassat nalimmassaanerit aqullugi aamma nakkutigalugit sulineq.

Namminersortut ingerlatseqatigiiffiillu paasissutissaataat naatsorsuutaallu suliarisassavatit.

Nakkutilliinerup ilusaa apeqqutaalluni pulaarluni nakkutilliiartortoqangaatsiassaaq, matumani Kalaallit Nunaata avataanut angalanerit ilanngullugit.

Nakkutilliilluni suliaqarneq aalajangiinermik suliamillu saqqummiussinermik ilaqartarumaarpoq, taamaattumik illit namminersorlutit sulisinnaasariaqarputit, aamma allallutit oqalullutillu oqaasertalersuilluarsinnaasariaqarputit, ajornanngippat aamma tuluttut.

Nammineerluni nalunaarusiat nalimmassaaffiullu nalaanni pilersarutaasumik allaffissornermi sulinermut aamma peqataasariaqartarnissat naatsorsuutigissavat.

Piginnaasat aamma pisinnaatitaaffiit:

• Inatsisit naapertorlugit akileraaruserinermik imaluunniit naatsorsuuserinermik paasisimasaqarneq misilittagaqarnerlu (atorfimmit assigusumit) assut iluaqutaassapput, ilinniakkamilli naammassinnerlaajuguit, soorlu aningaasaqarnermi, naatsorsuuserinermi, kukkunersiuinermi, inatsisilerinermi assigisaanniluunniit professionsbacheloritut, HD’-itut imaluunniit kandidatitut, ilinnit tusaqassalluta qilanaarpugut.

• Pisortat oqartussat allat suliffeqarfiutaanni aamma misilittagaqarsinnaavutit, tassani inatsisit suliarisarlugit, oqaatsit allattariarsornerlu atorlugit akissuteqartarlutit.

• Microsoft-pakkeq atorluarsinnaagit systemillu nutaat sukkasuumik ilikkarsinnaagitit.

• Allanik suleqatissarsiortartutit, aaqqiissuteqarniartartutit aamma ataatsimut suleqatigiinni sulilluarsinnaasutit itisiliisinnaasutit nammineerlutillu sulisinnaasutit. Soqutiginnittutit aamma akisussaaffigisannik ilisimaarinnittutit kiisalu suliat suliarineqarnerinik naammassineqarnerinillu qulakkeerinnissinnaassutit.

• Suliaqarfimmik inatsisinillu ilisimasaqartutit naatsorsuuserinermillu paasinnissinnaanerit iluaqutaassapput.

Makkunannga neqeroorfigineqassaatit:

• Suliat allanngorartut, illit sunneeqataaffigissallugit periarfissaqarputit.

• Suliat suuneri aallaavigalugit ilisimasarpassuit assigiinngitsut peqqutigalugit.

• Suleqatit pitsaasut suleqatiginnikkusussuseqarluartut.

• Suliffik pissanganartoq inuttut sulisutullu ineriartorfiusoq.

• Sineriak tamakkerlugu nakkutilliisutut angalanerit.

• Kalaallit Nunaanni attaveqaasersuutit suliniutigineqarnerinik angisuunik paasisimasaqarluarneq.

Sooq atorfik una qinnutigissaviuk?

Makkua periarfissarissavatit:

• Kalaallit Nunaanni inuiaqatigiit aningaasaqarnerat akileraarutinut akileeqqusisarluni nakkutilliillunilu malunnartumik allannguiffigisinnaavat

• Ilinnut akisussaaffeqarluni sulerusuttumut, paasiuminaatsunik suliaqarusuttumut ataavartumillu malunniuteqarsinnaanermik periarfissaqarusuttumut suliffiuvoq. Atorfinittussaq eqqortunik uppernarsarneqarsinnaasunik piginnaaneqartoq immikkut siunnersortitut, chefkonsulentitut imaluunniit seniorrådgiveritut atorfinitsinneqarnissamut periarfissaqarpoq.

Atorfiit Nakkutilliinermut Suliaqartarnermullu immikkoortortaqarfimmiipput.

Ulloq atorfiniffissaq

Atorfik piaarnerpaamik imaluunniit isumaqatigiissuteqarnikkut inuttalerniarneqarpoq.

Paasissutissat allat

Atorfik pillugu paasisaqarnerorusukkuit Akileraartarnermut Aqutsisoqarfimmi Aningaasaqarnermut Immikkoortortaqarfimmi pisortaagallartoq Lisbeth Møller Jensen lsmj@nanoq.gl-imut attavigisinnaavat.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.