Akissarsialerinermi siunnersortimik Nukissiorfiit akissarsialeriviannut pissarsiorpugut

Nuummi Nukissiorfiit qullersaqarfianut akissarsialerinermik siunnesortitut sapinngisamik piaarnerpaamik, imaluunniit isumaqatigiissuteqarnikkut atorfinittussamik.

Atorfik

Nukissiorfiit iluani akissarsialerinermut siunnersortitut ilaaffigilissavatit aningaasarsialeralutik suleqatigiit, tassanilu illit aamma suleqatit sulisunut 400-it missaannut qaammammusianik aamma nal. akunnermusianik suliaqartassaatit, tassani naatsorsuuserinermut immikkoortoqarfik aamma Sulisunut Immikkoortoqarfik (HR) qanimut suleqatigisassallugit.

Naatsorsuuserisarfimmi suleqatit pikkorissut 14-it peqatigalugit Nukissiorfiit suliffeqarfittut namminersortitatut pisussaaffigisatsinnik malittarisaqarnissatsinnik qularnaareqataassaatit, taamaaliornikkullu Kalaallit Nunaanni pilersuinerup isumannaatsuutinneranut, aamma minguitsumut nuukkiartornermut ilalersueqataassaatit.

Aaqqissuussiffimmut tamarmut assut attaveqarfeqalissaatit, taamaattumillu namminersuutigalugu sulisinnaallunilu aaqqissuussiffimmi killeqarfiit qaangerlugit attavinnik nukittuunik pilersitsisinnaasutit ujarpatsigit.

Atorfik Nuummi qullersaqarfimmi inissisimavoq, tassanilu naatsorsuuseriviup pisortaa qaninnertut pisortarissavat.

Suliffigisassat:

Naatsorsuuserisarfimmi aningaasarsialeriffimut attuumassuteqassaatit, suliassatillu ilaatigut tassaajumaarput:

• Atorfeqarfiup nalaani, aamma atorfeqarunnaarnerup kingunerani aningaasarsianik eqqortunik suliaqarneq aamma qularnaarineq

• Aningaasarsianik ingerlatsinermut aningaasarsiani assigiinngissutsinik nalunaarsuinerit

• Bogføringi, aamma aningaasarsianut paasissutissanik naleqqussaaneq

• Sineriammi tamarmi suleqatinik allanik attaveqarnerit

• Suliffiup avataani suleqatigisanik nalunaarsuinerit aamma malitseqartitsinerit

• Aningaasarsianut isumaqatigiissutinik isumaginninneq, aamma aningaasarsianut aaqqiissutaasumi isumaqatigiissutini allannguutit nalunaarsorneri

• Aningaasarsianik aaqqiissummik ineriartortitseqataaneq

Ima ittumik suleqatissarsiorpugut:

• Suliatigut attuumassutilimmik ilinniagalik, aamma aningaasarsianik aqutsisoqarfiup iluani sulinermik misilittagalik

• Isumaqatigiissutinik paasisimasaqarlunilu ilisimasalik

• Allanngortoqarnissaanut piareeqqasoq, ilikkajasoq, aamma namminersuutigisaminik sulisinnaasoq

• Suleqatiginnillaqqissoq

• Kalaallit aamma danskit oqaasiinik allattariatigut oqaluttariatigullu piginnaanilik

• Iluaqutaassaaq ”LessorLøn” ilisimasaqarluarfigissagukku.

Makku neqeroorutigisinnaavagut:

• Najoqqutassialigaanngitsutut suliffik, ineriartortitsinermut aamma atugarissaarnermut nammineq aalajangeeqataasinnaanermik ilisarnaatilik

• Sulianut tunngasutut aamma inooqatigiiffimmi isumasioqatigiinnissamut periarfissaqarluni suleqatigiit suleqatinik pikkorissunik inuttalik

• Suliffiup aamma nammineq inuttut inuunerup akornanni oqimaaqatigiiffeqarneq

• Sulisunut pissutsit pitsaasut, ilanngullugu sulinerup nalaani timigissartarneq.

Atorfinitsitaanermut atugassarisat, aamma aningaasarsianut tunngasut:

Aningaasarsianut aamma atorfinitsitaanermut pissutsit Naalakkersuisut aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu pissapput.

Atorfinitsitsineq specialkonsulentitut pisinnaavoq misilittakkat piginnaasallu uppernarsakkat tunngavigalugit.

Atorfininneq qaammatini pingasuni misiliutitaqarpoq.

Atorfimmut atatillugu inissamik innersuussisoqarsinnaanngilaq.

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu Nukissiorfiit pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat Nukissiorfiit pineqaatissinneqarsimannginnermut uppernarsaammik Politiinit aatsaat pissarsereerpat.

Atorfik pillugu uunga erseqqinnerusumik paasissutissarsiortoqarsinnaavoq:

Naatsorsuuseriffiup pisortaa Jens B. Jessen, jbj@nukissiorfiit.gl imaluunniit oqarasuaat: (+299) 587426

Apeqqutit nalinginnaanerusut uunga apeqqutilliissutaasinnaapput:

HR-ip immikkoortoqarfia, HR@nukissiorfiit.gl imaluunniit oqarasuaatikkut: (+299) 34 95 08

Nukissiorfiit pillugu annertunermik paasissutissutissarsioruit takuuk: www.nukissiorfiit.gl.

Nukissiorfiit pillugu:

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta Kalaallit Nunaannut aamma atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut kiassarnermullu tunisinitta 70 %-ia nukissamit atajuartumit pivoq. 2030-p tungaanut nukissap atajuartup 100 %-iulernissaa sulissutigaarput. Nukissiorfiit iluani sulisunut 400-nut tamanut toqqammavinnik pitsaanerpaanik pilersitsiniarnerput iluatsitsivigaarput.

Uagut pilluta uani annermik atuarit: www.nukissiorfiit.gl