Akissarsialerivik allaffimmiussarsiorpoq - ALLAGARSIUTEQQITAQ

Namminersorlutik Oqartussat Akissarsialeriviani allaffimmiussarsiorpugut
Aningaasaqarnermut Sulisoqarnermullu Aqutsisoqarfimmi (ASA) Akissarsialeriviani pikkorissumik tunniusimasumillu allaffimmiussarsiorpoq. Akissarsialerivimmi allaffimmiutut (kontorfuldmægtig) peqataaffigissavatit akissarsiat aammalu tunniusseqqussutit Namminersorlutik Oqartussani qitiusumik allaffeqarfinni taassumalu ataanni immikkoortortaqarfiit akissarsiat suliarineri.
Aningaasaqarnermut Sulisoqarnermullu Aqutsisoqarfik Aningaasaqarnermut Akileraaruteqarnermullu Naalakkersuisoqarfiup ataaniippoq.
Akissarsialerivimmi atorfeqarnermi akunnermusialerineq ingerlanneqassaaq, kisianni aamma pisariaqarfinni suliassanik naammassinneqataasinnaanermi soorlu qaammammusialerivinni pisariaqarsinnaavoq. Neqeroorutigisinnaavarput immikkoortortaqarfipput suleqatigiiffiulluartoq, avitseqatigiinneq aammalu ataatsimut ilikkagaqartarneq.
Akissarsialerivik tamakkiisumik qulinik sulisoqarpoq, illillu Akissarsialeriviup aqutsisuanut attuumassuteqassaatit.

Suliassatit pingaarnerit ukuussapput:

• Akissarsiassalerineq taassumalu bruttolønlistii

• Oqarasuaatikkut mailikkullu saaffiginnissutinik suliaqarneq

• Akissarsiortunik paasissutissanik ingerlaavartitsineq

• Akissarsianik ingerlaartitsinissamut piareersaaneq aammalu piffissaq eqqorlugu akissarsititsinissamut qulakkeerinneqataaneq

• Akissarsiassanut naqiterineq ajoqutinillu/kukkusunik aaqqissuineq

• Allaffissornermi suliassanik suliaqarneq

• 
  Naatsorsuutigaarput:

• Assingusumik atorfeqareersimanissat

• Isumaqatigiissutinik aammalu inummut akileraarutinut ilisimasaqarnissat

• Suliassanik assigiinngitsunik nuannarisaqarnissat

• Excel atorsinnaassagit

• Suliassanut sukumiisumik peqqissaarussisuunissat

• Namminersorsinnaanissat

• Kalaallisut qallunaatullu oqaaseqarlutillu allassinnaanissat

• Allaffimmiutut AU-tulluunniit ilinniagarsimanissat

Inuttut piginaasaqarneq
Akissarsialerivimmi allaffimmiutut sulinermi pingaaruteqarpoq tamatigoortuuneq aammalu aningaasaqarnermut ilisimasaqarneq minnerunngitsumik akissarsialerinermik ilisimasaqarneq. Ilusilersugaalluartumik aammalu aaqqissuussaasumik sulisinnaaneq, taamatuttaarlu iluarissavarput inuttut piginnaasanik aammalu naammagittarneq pimoorussisinnaanerlu inuttut piginnaaneqarfiginissaa. Ajunngitsussamik siunertaqarneq oqaloqatikkuminartuunissarlu tapertaalluassapput.

Paasissutissat sukumiinerusut
Atorfik pillugu paasisaqarnerorusukkuit allaffimmi pisortap attaviginissaanut tikilluaqqusaavutit uunga: Ane Louisa Stick-Johnsen alst@nanoq.gl
Atorfiniffissaq: 1. september 2026 imaluunniit immikkut isumaqatigiissusiornikkut.

Aningaasaqarnermut Sulisoqarnermullu Aqutsisoqarfik pillugu
Aningaasaqarnermut Sulisoqarnermullu Aqutsisoqarfik ulluinnarni taaneqartartoq ASA, Namminersorlutik Oqartussat ataani ataatsimoorussamik immikkoortortaqarfik. ASA-p ilaatigut akisussaaffigai Oqartussat naatsorsuutit, pilersaarusiukkamik niuerneq, isumaqatigiissutit, -akissarsiat aamma sulisut atugaat, nutserineq kiisalu illu iluani inissianilu ingerlatsinermi asserfallatsaaliuineq.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Qinnuteqarnissamut piffissaliussaq : 24. augusti
Saaffissaq: Ane Louisa Stick-Johnsen +299 34 64 62
Atorfinitsitsinerup suussusaa: Piffissaq tamakkerlugu suliffik
Atorfinitsitseriaaseq: Isumaqatigiissutit tunngavigalugit piumasaqaatit
Suliassaqarfik: Akissarsiat aamma aningaasartuutinik nalunaarsuineq
Nunap immikkoortua: Kommuneqarfik Sermersooq
Naalakkersuisoqarfik: Aningaasaqarnermut Sulisoqarnermullu Aqutsisoqarfik (ASA)

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.Akissarsialerivik allaffimmiussarsiorpoq - ALLAGARSIUTEQQITAQ