AKO Qajaasat Tullersortimik pissarsiorpoq

AKO Qajaasat meeqqanut 135-nut naatsorsuussaavoq 6-9 ukiulinnut. Init tallimaapput aammalu inersuaqarluta. Sulisuusugut 17-vugut.

Pinngortitamut ungasinngilagut atorluartarparput upernaakkut, aasakkut, ukiassakkut ukiukkullu, aasaanerani sissamiittaqaagut. Ukiukkullu ataartarluta, skilifte atorluartarparput.

Sammisassassaqartitsinermik pilersaarusiortarpugut qaammatit tamaasa ilanngullugit meeqqanut ualikkorsiutissanik pilersaarusiortarluta.

AKO-mi perorsaasut ullut tamaasa nal.08.00-11.30 Kangillinnguit Atuarfianiittarput. AKO Qajaasani sulisut ilinniartitsisullu suleqatigiinnissamut siunertaavoq meeraq qitiutillugu, suleriaasissaq anguniassallugu. Atuartup imminut tatigilernissaanut suleqatigiinnissaq, minnerunngitsumik atuartup nammineerluni naleqartutut isigilernissaa pingaartinneqassalluni.

Qajaasani pingaartipparput meeqqanut angajoqqaanut/sulisunullu toqqissisimanartuunissaa. 

Makku pingaartitaraagut:

∙Ornittakkap kajungernartuunissaa

∙Meeqqanut toqqissisimanartuunissaa, taamatullu toqqissisimasumik peroriartornissaat

∙Angajoqqaanik, atuarfimmik, allanillu suleqateqarneq

∙Sulisut ammasut meeqqanut qanilaartut

∙Meeqqat ullormut sammisassatigut angusaqarsimasutut misigalutik angerlartarnissaat

∙Pilersaaruteqartuaannarnissaq

Naatsorsuutigaarput, pisortap tulliatut:

∙Pisortap peqannginnerani paaqqinniffimmi AKO Qajaasani suliassat eqqortumik naammassineqarnissaannik aamma inatsisit, ilitsersuutillu atuuttut naapertoqqissaarlugit naammassinnittoqarnissaannik pingaarnertut akisussaaffeqassasutit aammalu ilitsersuussineq aqqutissiuinerlu sulisusunut

∙Sunngiffimmi sammisassaqartitsissasuutit, tassunga ilanngullugu perorsaanermi ilikkagassatut pilersaarutinik pitsanngorsaaneq, isumaqatigiissutinik nakkutiginninneq il.il. Kiisalu ingerlatsinermi pissuserissaassasutit

∙Paaqqinniffiup anguniagaanik qulakkeerinneqataassasutit, tassunga ilanngullugu Meeqqanut inuusuttunullu politikki ilanngullugu

∙Paaqqinniffimmi saqqumilaarnissat aamma suliat eqqarsaatigalugit, kiisalu isumassarsisitsisarneq, kaammattuineq inissisimanerlu apeqqutaatinnagu suleqatiserinninnermik kaammattuineq

∙Meeqqerivimmi allaffissornermik ingerlatsinermillu ilisimasaqassasutit 

∙Suleqatigiikkaanik aqutsisunik suleqatigiilluartoqarnissaanik peqataanissat, tassunga ilanngulugu takorluukkat periusissanillu siunnerfilersuineq

∙Piffissanik suliffusussanik pilersaarusiortarneq aamma sulinngiffeqartoqarnerani, afspadserertoqarnerani il.il. sulinermik pilersaarusiornermi sulisunik atorluaaneq akisussaaffigissagitit

Perorsaasut ataatsimiinnerat, sulisut ataatsimiinnerat, inikkaarluni ataatsimiinnerit, atuarfimmi alloriarfikkaarluni ataatsimiinneq, aammalu pisortaq peqataasinnanngippat AKO -mi aqutsisut ataatsimiinnerani peqataanissaq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Makku neqeroorutigisinnaavagut:

∙Suliffik eqeersimaartoq

∙Suleqatigiit qiimasut

∙Perorsaariaatsinik pingaartitsisut

∙Sullitatsinnut suleqatiginnilluartuunerput

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Rita Joelsen, oqarasuaat +299 36 64 40 imaluunniit e-mail: rijo@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1218-25mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 11.-at, 2025

Atorfik una qinnuteqarfigiuk