PAASISSUTISSAT
Atorfiup suussusaa: Akuersissuteqartarnermut immikkoortortaqarfik allaffissornermik sulialimmik suleqatissarsiorpoq
Suliffeqarfik: Inuussutissarsiornermut, Aatsitassanut, Nukissiuuteqarnermut, Inatsisinik Atuutsitsinermut Naligiissitaanermullu Naalakkersuisoqarfik
Qinnuteqarfissamut killigititaq: 14. aggusti
Attavissaq: Johanne Maibohm, oqarasuaat: (+299) 346827 imaluunniit e-mail jmai@nanoq.gl
Suliaqarfik ineriartortorujussuaq unammillissallugu piareeqqavit? Akuersissuteqartarnermut immikkoortortaqarfimmi nutaamik ataatsimik suleqatissarsiorpugut, taassuma Kalaallit Nunaanni aatsitassarsiornermut akuersissutit suliarisassavai.
Akuersissuteqartarnermut immikkoortortaqarfik Nuummi allaffeqarpoq 3-nik sulisoqarluni. Immikkoortortaqarfik Inuussutissarsiornermut, Aatsitassanut, Nukissiuutinut, Inatsisinik Atuutitsinermut Naligiisitaanermullu Naalakkersuisoqarfimmut ilaavoq.
Akuersissuteqartarnermut immikkoortortaqarfiup nuna tamakkerlugu aatsitassarsiornermut akuersissutit 140-t missaat aqutarai. Uagut suliagut ilaatigut makkuupput; kisermaassilluni aatsitassarsiornissamut akuersissutit, misissueqqissaarnerit, misissueqqissaarnermut aamma aatsitassanik piiaanissamut akuersissutit.
Piginnaasaqarfissat
Immikkoortortami suliat ineriartortitatut suliat assigiinngitsut aamma ingerlatsinermi suliat nalinginnaasutut suliarineqartartut akuleriissillugit suliarineqartarput. Oqartussat allat suleqatigalugit suliat suliarineqartarput, tamatuma piumasaqaatigisarpai suleqatit suleqatigiinninnissaminnut pikkorissut aamma pisortat suliaqarfiisa iluini - nunap pissusaanik, teknikkimik avatangiisinillu - suliaqartartut assigiinngitsut suliniutinik nalinginnaasumik aqutsisut suleqatigineqartarnissaat Illit ulluinnarni aatsitassarsioqatigiffiit aamma teknikkikkut siunnersortit qanimut oqaloqatigisassavatit. Immikkoortortaqarfeeqqami siammasissunik suliaqartassaatit imminnut akerleriittunik soqutigisaqartartut naapitinniartarnissaat misigisarumaarpatit. Suliassat amerlanertigut siammasissuusarput, suleqatiginnillaqqissuseq kiisalu unammilligassap aaqqiiffigineqarnissaanut aaqqissuussaasumik suleriaaseqarneq inuup piginnaasarissagai taamaattumik pingaaruteqarput.
Immikkoortortaqarfik assigiinngitsorujussuarnik tunuliaquteqarput, soorlu naalagaaffiit pissusaannik ilisimasaqarneq, politeeq aamma oqaatsinik, atuakkerinermik kulturimillu ilisimasalik – aamma assigiinngequtit iluaqutitut uagut isigisarpavut. Taamaattumik suleqat nutaaq uatsinnut assingusariaqanngilaq - paarlattuanik suleqaterput nutaaq isiginnittariaatsinik piginnaasanillu nutaanik tunniussisinnaasasoq takorusupparput.
Kalaallit oqaasiinik kulturiannillu ilisimasaqarnissat assut iluaqutaassaaq. Kalaallit Nunaata avataaniit qinnuteqartunut tunngatillugu sungiusimasamit allaasumit kulturikkut piumasaqaateqarfiusumi sulinissamut piginnaaneqarneq, piumassuseqarneq kajumissuseqarnerlu pingaartinneqarumaarput. Nunatsinni nunanilu allani attaveqarfigisartakkat siammasissut ulluinnarni suleqatigisarpavut. Ajornaquteqanngitsumik tuluttut oqalullutillu allassinnaanerit pingaaruteqarluinnartuussaaq.
Immikkoortortaqarfimmi ulluinnarni qarasaasiat atortorissaarutaannik atuillaqqissuunissaq piumasaqaataavoq, matumani pingaartumik Microsoft Office aamma Microsoft Teams ilanngullugit. Sulianik toqqortaasiveqarnermik allatigulluunniit ilisimasanik toqqortaasiveqarnermik suliaqartarnermik misilittaqaruit pitsaasuussaaq.
Naalakkersuinermik suliallit aqutaannik suliffeqarfimmi sulivugut, taamaattumik naalakkersuinermik suliallit aalajangigaannik arlaannaanut partiinullu attuumassuteqarnak illit ilorrisimaarlutit sulinissat piginnaaneqarfigissallugu pingaaruteqarluinnartuussaaq. Pisortat suliffeqarfianni ingerlatsinermik misilittagaqaruit iluaqutaasinnaavoq, matumani sulianik suliaqartarneq ilanngullugu
Suliassat
Illit akuersissutinik tunniussisarnermut suliaqarneq pingaarnertut suliarissavat aamma ingerlatseqatigiiffiit inuillu pingaarnertut attaveqaataaffigissavatit. Akuersissutit arlallit illit akisussaaffigilissavatit. Immikkoortortaqarfiup aalajangikkanik atugassarititaasunillu inerisaalluni sulinerani, illit aamma peqataasaatit kiisalu immikkoortortaqarfiup paasissutissiisarneranik nittarsaassisarneranillu tapiisassallutit.
Illit ilinniakkat immini aalajangiisuussanngilaq, kisianni pisortat ingerlatsinerisa iluini ilinniagaqarsimanissat imaluunniit misilittagaqarnissat kissaatigivarput. Aatsitassanik suliaqarfik imaluunniit akuersissutinik aqutsineq ilisimasaqarfigissagukkit iluaqutaassaaq. Allakkiorluarsinnaaneq pitsaasuussaaq, ulluinnarnimi taanna illit pisariaqartissagakku.
Piaartumik atorfinitsitsisoqassaaq. Kisiannili atorfimmut piukkunnaatilik eqqortoq utaqqisinnaavarput.
Sulineq sapaatip akunneranut akunnernik 40-nik sivisussuseqarpoq. Aatitassasiornermik inuussutissaqarfik piffissap qanoq ilineranik sunnerneqartarpoq aamma taamaattumik piffissami ulapaarfiusumi nikerartumik sulisarnissaq naatsorsuutigineqassaaq.
Qinnuteqartunut kissaatigineqartutut piginnaasaqartunut immikkut siunnersortitut imaluunniit pisortatut tapisiaqarnissaq anguniarneqarsinnaassaaq.
Paasissutissat allat
Akuersissuteqartarnermut immikkoortortaqarfimmi atorfik pillugu paasissutissanik amerlanerusunik pissarserusukkuit, Akuersissuteqartarnermut immikkoortortaqarfimmi immikkoortortamut pisortaagallartup, Johanne Maibohm-ip, oqarasuaatikkut attaviginissaanut tikilluaqqusaavutit: (+299) 346827 imaluunniit mail jmai@nanoq.gl. atorlugu.
Paasissutissat amerlanerit paasisarerusukkukkit uani atuarsinnaavatit: www.naalakkersuisut.gl. Nittartakkatsinni Kalaallit Nunaanni aatsitassat pillugit paasissutissat nassarisinnaavatit www.govmin.gl
Qinnuteqarneq
Qinnuteqarfissaq kingulleq: 2025-mi augustip ulluisa 14-iat, nal. 12.00.
Atorfinitsitsiniarneq pillugu ingerlaavartumik oqaloqatigiinnittoqartassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
