Akuersissutinut immikkoortortaq Kalaallit Nunaanni aatsitassanut suliassaqarfimmi allaffissornikkut sulisussanik sulisussarsiorpoq

Naalakkersuinermi, inuussutissarsiornermi kiisalu pinngortitami isumalluutinik suliassaqarfimmi suleqataarusuppit – Kalaallillu Nunaanni siunissami aatsitassarsiornermik suliassaqarfimmik ilusilersueqataarusuppit?

Akuersissutinut immikkoortortaq ataatsimik arlalinnilluunniit suleqatissarsiorpoq, taakkulu Kalaallit Nunaanni nunanit tamalaanit soqutigineqaleraluttuinnarnerani suliassaqarfigineqaleraluttuinnarnerani aatsitassanut akuersissutinik aqutseqataasussaallutillu inerisaaqataassapput.

Nuummi suleqatigiinni ilinniarluarsimasunut ilaalissaatit, sukkasuumik assigiinngiiaartunik suliaqartoqartarluni, illillu aallaqqaataanit nammineq akisussaaffeqalissaatit. 

Uagut pilluta

Akuersissutinut immikkoortortaq Inuussutissarsiornermut Aatsitassanullu Naalakkersuisoqarfiup ilangaa.

Kalaallit Nunaanni tamarmi aatsitassarsiornissamut akuersissutit 140-t missaat aqutaraavut – sulianut mikisunut akuersissutinit misissueqqaarnissamut kiisalu aatsitassanik piiaanermut tunngasut. Aamma suliassaqarfimmi inatsisinik tunngaviit ingerlaavartumik inerisarlugit suliaqarpugut, pisariaqartitat nutaat naalakkersuinikkullu pingaarnersiukkat malillugit.

Suleqatigiiuvugut amerlanngitsut assigiinngitsunillu ilinniagaqarluta, suleqatigiinneq, eqaatsumik periuseqarneq kiisalu persuarsiorpalaanngitsumik ulluinnarni suleqatigiinneq pingaartitaralutigit. 

Atorfik pillugu

Suliassatit assigiinngissapput:

• Akuersissutinik tunniussinermi aqunnerannullu atatillugu sulianik sullissineq
• Ingerlatseqatigiiffinnik soqutigisaqaqatigiinnillu oqaloqateqartarneq
• Oqartussanik allanik ataqatigiissaareqateqarneq
• Ingerlatseqatigiiffiit VSB-nik nalunaarusiaannik kiisalu IBA-nik isumaqatigiissutinik (inuiaqatigiinni attassisinnaanermut innuttaasullu aningaasaqarnikkut tunngasuni isumaqatigiissutit) pillugit isumaqatiginninniarnerit.
• Malittarisassanik, atungassarititanik suleriaatsinillu ineriartortiteqataaneq
• Immikkoortortap paasisitsiniaanermik ingerlatitseqqiinermillu suliaqarnerani peqataaneq

Aatsitassanut akuersissutinik illit nammineq suliassaqartassaatit suliffeqarfinnut, siunnersortinut oqartussanullu qitiusumik attaveqaataassaatit – Kalaallit Nunaanni nunallu tamalaat akornanni.

Suliassaqarfimmi arlalinnik mianerisassaqarfiusumi suliaqassaatit – naalakkersuinikkut, avatangiisinut inuussutissarsiornermillu isiginiagassanik – ataatsimut isiginnissinnaanerit oqimaaqatigiissaarisumillu aaqqiiniarnissat qitiusussaalluni.

Kinaavit?

Naatsorsuutigaarput:

• pisortat ingerlatsinerannik aamma/ imaluunniit suliassanik sullissinermik misilittagalik
• aaqqissuussamik sulisinnaasoq suliassallu tulleriiaarneranni assigiinngitsuni ataatsimut isiginnissinnaasoq
• suliassaqarfiit assigiinngitsut iluanni suleqateqarluarsinnaassuseqartutit
• erseqqissumik attaveqarluarsinnaasoq - allattariarsornikkut oqaluttariarsornikkullu
• tuluttut piginnaasaqarluartoq

Iluaqutaasaaq illit:

• aatsitassarsiornermik akuersissuteqartarnermilluunniit aqutsinermik ilisimasaqartoq
• journalinik aqutsinissamik ilisimasanilluunniit avitseqatigiittarfinnik misilittagaqartoq
• kalaallit oqaasiinik kulturiannillu ilisimasalik

Sumik ilinniagaqarnermik tunuliaqutaqarnerit aalajangiisuussanngilaq – pingaarnerpaavorli suliassanik suliarinnissinnaanerit ataatsimooqatigiinnermullu peqataalluarlutit.

Taamaattumik uagut toqqassavatsigut

• suliassaqarfimmi ineriartortumi tigussaasumik sunniuteqarneq
• Nunatsinni avataanilu assigiinngitsunik attaveqarneq
• nammineq akisussaaffeqarneq aalajangernissamut attaviit qanittut
• naalakkersuinikkut suleriaatsinik aalajangiinernillu ilisimasaqarneq
• aaqqissuussaanermi anginngitsumi sunniuteqartorujussuarmi ullut assigiinngiiaartut

Suliffimmut ilaalissaatit qanimut suleqatigiilluta, ikioqatigiilluta ataatsimoorlutalu sulianik naammassinnittarluta.

Atorfeqarnermi atugassarititaasut

Atorfiniffissaq: Sapinngisamik piaartumik (naleqquttoq utaqqilluarsinnaavarput)

Sapaatip akunneranut akunnerit suliffiit 40-pput. Suliassat amerlassusaat assigiinngiiaarsinnaapput, tassa aatsitassanik suliassaqarfik ukiup qanoq ilinera malillugu suliassaqarfiusarmat.

Qinnuteqartunut kissaatigineqartutut piginnaasaqartunut immikkut siunnersortitut imaluunniit pisortatut tapisiaqarnissaq anguniarneqarsinnaassaaq.

Paasissutissat allat

Atorfimmut paasissutissat amerlanerit pissarsiarerusukkukkit immikkoortortaqarfimmi uunga attaveqarnissamut tikilluaqqusaavutit:

Johanne Maibohm, immikkoortortami pisortaagallartoq

Oqa.: (+299) 28 37 99

E-mail: jmai@nanoq.gl

Allanik paasisaqarnerorusukkuit uani atuakkit www.naalakkersuisut.gl. Nittartakkatsinni Kalaallit Nunaanni aatsitassat pillugit paasissutissat nassarisinnaavatitwww.govmin.gl

Qinnuteqarneq

Qinnuteqarnissamut killigititaq: 29. maj 2026 kl. 12:00.

Oqaloqatigiinnerit ingerlaavartumik suliarineqassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.