Allaffimmi fuldmægtigimik suleqatissarsiorpugut – Siulittaasup allatseqarfiani

Inatsisartut Allattoqarfianni Siulittaasup allatseqarfia allaffimmi fuldmægtigimik aaqqissuussillaqqissumik akisussaassuseqartumillu, suliassanik erseqqissumik nassuiaatitaqartunik suliaqarsinnaasumik, paasissutissaararpassuarnut tappissumik naammassisinnaassuseqarluartumillu sulisussarsiorpoq.

Siulitaasup allatseqarfia pillugu

Inatsisartut Allattoqarfianni qaffasissumik pitsaassusilimmik sunniuteqarluartumillu inatsisartunut ilaasortat sullippagut, aqutsisullu allaffissornikkut suliassaasa isumagineqarnerinut atatillugu pisortamik pisortallu tullianik ikorfartuisinnaasumik allaffimmi fuldmægtigimik pisariaqartitsivugut. Allaffimmi fuldmægtigip pisortap tullia ulluinnarni qullersaraa.

Atorfik aaqqissuussaanikkut Siulittaasup Allatseqarfianiippoq.

Suliassat

Allaffimmi fuldmægtigitut allatseqarfiup ulluinnarni ingerlanneqarnerani pingaarutilimmik inissisimalissaatit. Suliassat pingaarnerit makkuussapput:

·      Inatsisartut ataatsimiinneranni aqutsisut atortussaannik piareersaaneq katersinerlu

·      Inatsisartut ataatsimiinnerisa nalaanni Inatsisartunut ilaasortat angalanissaannik inniminniinernik, angallanneqarnerinik ineqartinneqarnerannillu isumaginninneq

·      Pisortatigoortumik tikeraartoqarnerni aaqqissuussinernilu, tassungalu ilanngullugu pilersaarusiornerni inniminniisarnernilu ikiuunneq

·      Ulluinnarni allaffissornikkut suliassanik suliarinninneq

·      Piffissap ingerlanerani sulianik ingerlatsinermi suliassanik aalajangersimasunik     suliaqarnissamut ilinniartinneqarsinnaavutit

Naatsorsuutigisagut

·      allaffissornikkut naleqquttumik ilinniagaqarsimanissat

·      suliassanik assingusunik misilittagaqarnissat

·      suliassanik amerlasuunik piffissallu ulapaarfiusinnaasut iluanni pitsaasumik          ingerlatsisinnaanissat

·      piffissamik eqquilluarsinnaaneq, eqaatsumik aammalu allanngorartunik suliaqarsinnaanissaq

·      kalaallisut danskisullu qaffasissumik piginnaasaqarnissat

Neqeroorutigaagut

·      Suliat pissanganartut ineriartorfiusullu

·      Inuttut suliatigullu ineriartortitsinissamut periarfissat pitsaasut

·      Suliassat assigiinngiiaartut soqutiginartullu

·      Suleqatit pimoorussisut ammasullu

Paasissutissat sukumiinerusut

Qinnuteqarfissamut killigititaq: 24. juli – ingerlaavartumik oqaloqatigiinnerit ingerlanneqassapput.

Atorfinitsitsinissaq: 1. september 2026 imaluunniit isumaqatigiissuteqarnikkut pissaaq.

Atorfik pillugu paasisaqarnerorusukkuit Steen Lynge, e-mail: stlyn@ina.alla.gl, attaveqarfigisinnaavat.

Aningaasarsiatigut atorfinitsitaanermilu atugassarititaasut

Akissarsiatigut atorfeqarnermullu atugassarititaasut, taakkununnga ilanngullugit atorfininnermut soraarnermullu atatillugu akiliunneqarluni angalasinnaatitaaneq pisattanillu nuussisinnaatitaaneq, piffissami atorfiniffiusumi Inatsisartut pineqartullu kattuffiata isumaqatigiinniarsinnaatitaasup akornanni isumaqatigiissut atuuttoq malillugu pissapput.

Inissaqartinneqarneq

Atorfimmut atatillugu sulisunut inissiamik innersuussisoqarsinnaavoq. Atorfimmut atatillugu sulisunut inissiaq atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit ilanngussassallu pisariaqarsinnaasut ilanngullugit unnga nassiutikkit: atorfik@ina.alla.gl