Allaffissornermi sulisoq Inulerivimmut

Suliffeqarfimmi inuiaqatigiinnut pingaarutilimmik suliassaqarfiusumut ilanngukkusuppit? Suliassat allanngorartut, ataqatigiissaarineq suleqatigiinnerlu nuannaraagit? Taava immaqa illit ujagaraatsigit.

Inulerivik – Nuna tamakkerlugu Katsorsaavik Siunnersuisarfillu Nuummi piffissami killilikkami allaffissornermi suleqatissarsiorpoq. Inulerivik suli ineriartortinneqarmat atorfiup imarisai piffissap ingerlanerani allanngorarumaarput aamma suliffeqarfiup pisariaqartitaanut illillu piginnaasannut naleqqussarneqarumaarlutik.

Illit suliassatit

Allattoqarfimmi suleqatigiinnut tunniusimasunut ilanngutissaatit, tassani ulluinnarni ingerlatsinermut katsorsaaviullu suleriaasiisa ineriartortinnerannut tapersiissaatit.

Ilaatigut uku suliassarissavatit:

• Allaffissornermi suliassat suliassallu ataqatigiissaagassat

• Pilersaarusiorneq malitseqartitsisarnerlu

• Paasissutissanik nalunaarsuineq, uppernarsaaneq misissueqqissaarnerillu ajornannginnerusut

• Allakkiorneq, saqqummiussassanik allanillu suliaqarneq

• Ataatsimiinnernut, suliniutinut suleqatigiinnernullu tunngasunik suliaqarneq

• Suleqatinik suleqatigisartakkanillu avataaneersunik suleqateqarneq

• Suliassat allat katsorsaaviup sulineranut iluaqutaasussat

Illit ujartorpatsigit

• Naleqquttumik ilinniagaqarsimasoq imaluunniit ingerlariaqqiffiusumik ilinniartoq – assersuutigalugu bachelori imaluunniit misilittakkatigut assingusumik angusaqarsimasoq.

• Aaqqissuussaasumik sulisartoq akisussaassuseqartumillu suliassanik suliaqartartoq.

• Suleqatiginnissinnaassuseqarluarlunilu attaveqatiginnilluarsinnaasoq.

• Alapernaatsoq, eqaatsoq ilinniarusussuseqartorlu.

• Suliffeqarfimmi suliassanik suleriaatsinillu ineriartortitsiffiusumik nuannarisalik.

Allaffissornermik, ataqatigiissaarinermik suliniutinulluunniit tunngasunik misilittagaqarneq iluaqutaassaaq, tamannali piumasaqaataanngilaq.

Neqeroorutigaavut

• Ulluinnarni allanngorartuni suliassat soqutiginartut allanngorartullu.

• Suliatigut inuttullu ineriartornissamut periarfissaq.

• Suleqatit assigiinngitsunik suliallit tunniusimasut.

• Siunersioqateqarnissamut piginnaasanillu ineriartortitsinissamut periarfissaqarluarneq.

• Nuna tamakkerlugu katsorsaavimmik nutaamik ineriartortitseqataanissamut periarfissaqarluarneq.

Kalaallisut oqalussinnaanguit allassinnaanguillu iluaqutaassaaq, tamannali piumasaqaataanngilaq.

Paasissutissat

Atorfik pillugu paasissutissat sukumiinerusut pisortaagallartoq Line Thomsen oqarasuaataanut saaffigineratigut pissarsiarisinnaavatit +299 34 61 50 imaluunniit mailianut uunga allaffigalugu: lint@nanoq.gl

Qinnuteqarnissamut killigititaq 4 august 2026

Atorfik Nuummi inissisimavoq, piffissami killilikkami taartaasutut atorfiuvoq. Piukkunnartup eqqortup periarfissap malillugit akunnerit suliffiusussat isumaqatigiissutigineqassapput aamma piffissap ilaani tamakkiisumilluunniit suliffiusinnaavoq.

Soqutiginnittut tamarmik qinnuteqarnissaannut kajumissaarpavut – aamma allagarsiussami immikkoortut tamarmik naammassinngikkaluarukkilluunniit. Kajumissuseqartumik, tunniusimasumik tunniussaqarusuttumillu nassaarnissarput pingaartipparput.

Inissiaq 
Atorfimmut atatillugu sulisunut inissiamik innersuussisoqanngilaq.

imaluunniit mailianut uunga allaffigalugu: lint@nanoq.gl

Akissarsianut atorfeqarnermilu atugassarititaasut 

Akissarsiat atorfeqarnermilu atugassarititaasut, Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.

Qinnuteqaat, imminut ilisaritinneq, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit.
e-mail-ikkut qinnuteqaatinik tigusineq ajorpugut.