FAKTA
Atorfiup suussusaa: ALLAGARSIUTEQQITAQ - Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik AC-fuldmægtigimut ujarlerpoq
Suliffeqarfik: Departementet for Uddannelse, Kultur, Idræt og Kirke
Qinnuteqarfissamut killigititaq: 22. aggusti
Attavissaq: Karl Davidsen +299 34 56 91
Ilinniartitaanermut Kultureqarnermut Timersornermut Ilageeqarnermullu Naalakkersuisoqarfik AC-fuldmægtigimik 1. september 2025 imaluunnit isumaqatigiissut malillugu Kultureqarnermut, Timersornermut Ilageeqarnermullu immikkoortortaqarfimmi atorfinittussamik sulisussarsiorpoq.
Immikkoortortaqarfimmi illit suleqatitit peqatigalugit qitiusumik inissisimassaatit ataavartumik kulturimut timersornermullu suliniutinik ingerlatsisassallutit. Suleqatitit peqatigalugit kulturikkut timersornikkullu tassungalu pisortat suliassaqarfiinut allanut attaveqaataassaatit. Suliassaqarfiit assigiinngissinnaaqaat taamaattumik aamma suliassat assigiinngiiaartuullutik.
Kulturimut timersornermullu tunnganerusunik suliassaqassaatit taassumalu iluani eqqumiitsuliornermut kulturilerinermullu tapiissutaasartut allallu suliassat takkussinnaasut isumagisassavatit.
Suliassat makkua naatsorsuutigissavatit:
Naalakkersuinikkut ingerlatsisunik sullissineq, tamatumani aamma Naalakkersuisut isummernissaannut tunngavissianik suliaqartarneq, paasissutissat tunuliaqutaasut pillugit allakkiortarneq, oqalugiaatissat, § 37 naapertorlugu apeqquteqaatinut akissutissat il.il.
Kultureqarnermut timersornermullu tunngavilinnut atatillugu naalakkersuinikkut suliniutinik suliaqarnermi nalilersuinernik ingerlatsisarnerit.
Suliassaqarfiit assigiinngitsut akimorlugit ataqatigiissaarinermik ingerlatsisarneq suliniaqatigiiffinnut allanut pisortaqarfinnullu allanut atatillugu.
Paasissutissiisarnernut atasunik suliassat, assersuutigalugu tusagassiorfinnut nalunaarusiortarneq, oqalugiaasiortarneq.
Namminersorlutik oqartussat kulturimut aningaasaliissutigisartagaannut qinnuteqaatinik nalilersuisarneq.
Ilinniagartuumik suleqatissarsiorpugut, kulturimut timersornermullu tunngasunik naalakkersuinikkut ingerlatsisut qanillugit sulerusuttumik. Iluaqutaassaaq illit misilittagaqaruit politikkikkut ingerlatsiffiusumiit, aammalu /imaluunniit namminersortutut inuussutissarsiortuniit, kulturimut timersornermullu tunngavilinnut ilisimasaqareersuuguit, kisiannili tamanna piumasaqaataanngilaq. Annertuumik piumassuseqartuussaatit nuannarisaralugulu suliassanik naammassinnittarneq, siumut qanoq inerneqarumaarnerinik ilisimariinngisatsinnik.
Taamaattumillu iluarissavarput illit:
Naleqquttumik fagitigut ilinniagartuujussaguit
Kisitsisilerinermi piginnaaneqarluartuuneq, ajornanngippallu aningaasarsiornikkut ingerlatsinermi nalilersuisarnernik misilittagaqartuuneq.
Ajornartorsiutit piusut ersarissumik saqqummiussorsinnaanerannut, allaganngorlugit sulianik aamma oqaatsit atorlugit saqqummiussisarnertigullu pikkorissoq.
Namminersorluni sulisinnaassuseqarneq, aaqqiissutissarsiullaqqissuuneq, suliniutinilu annertuunik tamakkiisumik isiginnissinnaassuseqarneq.
Naalakkersuinikkut ingerlatsivimmit misilittagaqartuuneq aamma / imaluunniit namminersortutut inuussutissarsiortuniit misilittagaqartuuneq.
Suliassanik allanngorartunik suliaqarnermik nuannarisaqartuuneq.
Sungiussiasuuneq, peqqissaartuuneq, nalilersuinernillu tunngaveqartunik ajornartorsiutinut aaqqiissutissarsiullaqqissuuneq.
Ilinniartitaanermut Kultureqarnermut Timersornermut Ilageeqarnermullu Naalakkersuisoqarfik pillugu
Kalaallit Inuiaqatigiinni suliassat pingaaruteqartut suliarisarpagut, ulluinnarnilu pitsaasumik oqaloqatigeeriaaseqarpugut, periarfissaqarporlu suliatsinni taakkunanilu angusatsinni uagut nammineq sunniuteqarnissarput. Suliassanik ineriartortitassanik amerlasuunik ingerlatsisuuvugut, pingaaruteqarporlu illit aamma suliffinni ineriartorninnik misiginissat. Naalakkersuisoqarfimmi sulisuusut 40-t missaanniipput, Kultureqarnermut Timersornermut Ilageeqarnermullu immikkoortortami piffissami matumani atorfiit arfinillit akuerisaallutik.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
