ALLAGARSIUTEQQITAQ Ilisimatusarfiup Kulturimik, Oqaatsinik Oqaluttuarisaanermillu Ilisimatusarfianut pisortaq

Ilisimatusarfimmi Kulturimik, Oqaatsinik Oqaluttuarisaanermillu Ilisimatusarfik pisortamik misilittagartuumik, tunniusimasumik aamma ilinniakkanik ineriartortitsinissap ilisimatusarnermilu piginnaanngorsaasoqarnissaata tungaatigut aqutsinissamut piginnaasaqarluartumik pissarsiorpoq.

Atorfiup januaarip 1-ani 2026 isumaqatigiissuteqarnikkulluunniit piaarnerpaamik inuttalerneqarnissaa kissaatigineqarpoq.

Kulturimik, Oqaatsinik Oqaluttuarisaanermillu Ilisimatusarfik makkunannga ilinniarfeqarpoq:

•  Oqaasilerinermut, atuakkialerinermut tusagassiuutilerinermullu immikkoortortaq

•  Inuiaat kulturiat oqaluttuarisaanerannullu immikkoortortaq

•  Kulturimut Inuiaqatigiilerinermullu immikkoortortaq

•  Teologimut immikkoortortaq

•  Nutserinermut oqaluttaanermullu immikkoortortaq

Kulturimik, Oqaatsinik Oqaluttuarisaanermillu Ilisimatusarfik ullumikkut 17-inik piffissaq tamakkerlugu sulisoqarpoq tassaasut professorit, lektorit, adjunktit, adjunktit ph.d.-nngorniat, studielektorit, studieadjunktit, fagini aalajangersimasuni ilinniartitsisut kiisalu tikeraatut ilinniartitsisut, adjunktit ilinniartitsisartut, professorit ikiortaasut aamma professorit soraarnerit ph.d.-nngorniallu.

Institutti 170-inik ilinniartuuteqarpoq, taakkunannga 134-t bachelorinngorniaapput 36-llu kandidatinngorniaallutik.

Ilisimatusarfik pingaarnertut Danmarkimi aamma Avannaamioqatigiinnik Europallu sinnerani Amerikalu Avannarlermi ilisimatusarnerup ilinniartitsinerullu iluanni suleqatigisaqarpoq.

Instituttip pisortaata qullersaraa rektori. Instituttimi pisortaq instituttip immikkoortortaani sisamani immikkoortortaqarfiup pisortaatut aammattaaq atuuffeqartarsinnaassaaq.

Instituttip pisortaatut suliassatit

Ilisimatusarfik pillugu Inatsisartut inatsisaat nr. 12, 12. juni 2019-imeersumi instituttip pisortaata suliassai, tamatumunnga ilanngullugit instituttimi sulisunik atorfinitsitsinernut soraarsitsinernullu tunngasut aalajangersarneqarput. Najoqqutassiat rektorimit akuerineqarsimasut aamma instituttit siunnersoqatigiivisa innersuussuteqarnerat naapertorlugit instituttip pisortaata instituttimi ulluinnarni aqutsineq, tamatumunnga ilanngullugit suliakkiissutinik pilersaarusiornerit agguaassinerit, isumagisarpai.

Instituttit siunnersoqatigiivisa aamma aqutsisut qanimut suleqatiginerisigut instituttimi pisortap instituttimik ulluinnarni aqutsineq aamma periusissiaq malillugu ineriartortitsineq pingaarnertut akisussaaffigai.

Instituttimi pisortaq naatsorsuutigineqarpoq

• Instituttimi peqatigiitsitsisumik aqutsisinnaassasoq aamma oqaloqatigiinnerit aallaavigalugit aalajangiisinnaasassasoq.

• Siunissamut takorluuisuusoq aallarnisaallaqqillunilu, instituttimilu Ilisimatusarfiup periusissiaa aallaavigalugu instituttimik ilisimatusarnermi ilinniarfittullu orniginartumik pilersitsisinnaassasoq.

• Instituttip pisortaatut instituttimi immikkoortortaqarfiit pisortaannik qanimut suleqateqarnikkut instituttimik siulersuisinnaassasoq.

• Suleqatinik piumassuseqarluartunik inerisarnissamut piginnaanngorsaqqiinissamullu pileritsatsitsisinnaallunilu tapersersuisinnaassasoq.

• Instituttimi ilinniartitaanerit, ilinniartitaanermut aaqqissuussaanerinik ilisimatusarnerillu paasisimasaqarfigilissagai.

• Inuiaqatigiinnik kalaallinik ilisimasaqassasoq nunarsuarmioqataasutullu takunnissinnaassasoq, taakkuummatami Ilisimatusarfimmi ilinniartitaanermi pingaarutilerujussuit.

• Pisortanik allanik kiisalu Sulisoqarnermut Immikkoortoqarfik aamma Ilinniartunik Sullissivik instituttit immikkoortortaqarfiillu akimorlugit instituttit pillugit allaffissornikkut ingerlatsinermi suleqatigisinnaassagai.

• Sulliviup tarnikkut timikkullu pitsaasuunissaanik pingaartitsillunilu suleqataassasoq

Instituttip pisortaata akisussaaffigisaanut ilaatigut ukua ilaapput

• Instituttimi ilinniakkanik ingerlatsinikkut ineriartortitsinikkullu suleqatigiissitsineq.

• Instituttimi aqutsisut instituttillu siunnersoqatigiivisa ilisimatusarnernik ilinniakkanillu aqutsinerannik ineriartortitsinerannillu suliaqarnermi aqutsineq.

• Instituttimi ilinniakkat pitsaassusaannik ineriartortitsineq qulakkeerinninnerlu.

• Ilinniartut pillugit ingerlassassanut pilersaarusiornerit taakkuninngalu naammassinninnerit, tamatumunnga ilanngullugit ilinniartut taamaatiinnartannginnissaannut pitsaaliuineq.

• Instituttimi aqutsisut suleqatiginerisigut Ilisimatusarfiup periusissiaanut tamarmut naapertuuttumik instituttip periusissaanik suliaqarnermi siunnersuusiorneq aamma innersuussinerit.

• Instituttimi ilisimatuutut ilinniakkamik tapersersuineq aamma instituttip ilisimatusarnermut avatangiisaani suliassaqarfinni allani suleqateqartarnerinut atatillugu piginnaanngorsaqqiineq.

• Ilisimatusarfimmi siunnersuisoqatigiinni ataatsimiititalianilu assigiinngitsuni aqutsisooqatigiinni peqataaneq.

• Allaffissornermi ingerlatseriaatsinik ataqatigiissaarinermi ataatsimut allaffeqarfimmik suleqateqarneq.

• Ilinniakkat ataasiakkaat suleqatiginerisigut nunatsinni aamma nunani tamalaani ingerlatitsiiffigeqqittakkanik soqutigisaqaqatigiinnillu attaveqatissarsinissanik qulakkeerinninneq.

• Instituttip immikkoortortaqarfiini pisortanik sulisuinillu atorfinitsitsisarneq soraarsitsisarnerlu.

Piginnaasatigut piumasaqaatit

Instituttimi pisortanngortussaq ilaatigut makkunannga takutitsisinnaassaaq:

• Ilisimatusarnerup, ilinniartitaanerup inuiaqatigiinnillu suleqateqarnerup iluanni aqutsinermut naleqquttumik misilittagaqarnissaq

• Ph.d.-tut ilisimatusartutut instituttilluunniit iluani sammisani doktoritut akuerisaaneq ilinniartitsinerullu iluani misilittagaqarneq.

• Sulisunik aqutsinermik misilittagaqarluarneq aamma aningaasanik aqutsinermut aningaasatigullu missingersuusiornermut soqutigisaqarneq.

• Qinnuteqartoq kalaallit, qallunaat tuluillu oqaasiinik piginnaasaqarluassaaq.

Qinnuteqaat

Qinnuteqaat makkunannga ilaqartinneqassaaq:

Ilanngussaq 1: Curriculum Vitae oqaaseqaatillu naleqquttut.

Ilanngussaq 2: Soraarummeersimanernut uppernarsaatit.

Ilanngussaq 3: Saqqummersissimasat allattorsimaffiat.

Atorfinitsitseriaaseq

Prorektori siunnersuisoqatigiinnik pilersitsissaaq, taakkualu qinnuteqaatit takkuttut pillugit paasitinneqassapput, qinnuteqartullu sorliit oqaloqatiginissaannut aggersarneqassanersut innersuussissallutik.

Qinnuteqaat aamma attavissat

Qinnuteqaammut ilaasut

Qinnuteqaat, CV, ilinniarsimanermut pikkorissarsimanermullu uppernarsaatit, kiisalu uppernarsaatit allat naleqquttut ”Qinnuteqaat nassiuguk” toorneratigut nassiukkit.

E-mailikkut qinnuteqaatinik tigusineq ajorpugut.

Attavissaq

Atorfik pillugu apeqqutissaqaruit prorektip Mari Kleistip attaviginissaanut tikilluaqqusaavutit oqarasuaammut uunga +299 282021.

Najukkami, nunatsinni nunanilu tamalaani suliniuteqarnikkut allannguititseqataasartumi Ilisimatusarfimmi suleqataalerit.

Ilisimatusarfik pillugu.

Ilisimatusarfik 1987-imi pilersinneqarpoq. Mannakkuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplomimut masterimullu saniatigut ilinniarnerit. Ilisimatusarfik Issittumi ilisimatusarfiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit ilisimatusarfiullu pisortaanit ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu Allaffissornikkut aqutsisoqatigiiffiup ilisimatusarfik tamakkerlugu sullitaraa. Taanna Ilisimatusarfiup pisortaanit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat suliatigut ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut aamma sulisut pillugit aqutsineq, siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illuutaanik nakkutiginninneq aamma ingerlataraa.

Akissarsiat atorfeqartitaanermilu atugassarititaasut:

Atorfik piffissamik killilikkami atorfiuvoq ukiunullu 3-nut killiligaalluni sivitsorneqarsinnaasumik.

Atorfik akissaateqarfimmi LR 38-mi maanna inissisimavoq. 1. april 2025 LR 38-mi tunngaviusumik akissarsiaq tapiillu aalajangersimasut, soraarnerusutissianullu illuartittagaq ilanngullu, sivisussusilimmik atorfinitsitsinermut tapeq ilanngullugu antterussuseqarput qaamammut Kr. 77.911 ukiumullu Kr. 934.932.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaat nassiuguk