Allagarsiuteqqitaq: Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik

Allagarsiuteqqitaq: Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi nunami tamarmi sulinermi qitiusumik inissisimarusuppit?

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik, Naalakkersuisoq, kommunit, nunami oqartussat sulisullu allat qanimut suleqatigalugit takorluuisinnaasumik pilersaarusiorluarsinnaasumillu Naalakkersuisoqarfimmik aqutsisinnaasumik ineriartortitsisinnaasumillu, Naalakkersuisoqarfimmi pisortassarsiorpoq.

Naalakkersuisoqarfimmi meeqqanut, inuusuttunut kiisalu inatsisit atuutsinneqarnerannut naligiissitaanermilu atukkanut tunngasunik pitsanngorsaanissaq qitiutipparput aammalu suliassaqarfimmi naalakkersuinikkut suliallit anguniagaannik piviusunngortitsiniarluta sulisarluta.

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik pisortaaqatigiit allatseqarfianik aamma suliniutinut suliassat akimorlugit nakkutilliinermillu sulianik suliaqarfiuvoq. Sulisuuvugut tuniusimalluarlutalu piginnaasaqarluartut 15-it, naalakkersuinikkut aqutsisutsinnut qanimut suleqateqartut.

Naalakkersuisoqarfik immikkoortortaqarpoq, Isumaginninnermut Aqutsisoqarfik, tassani politikikkut suleriusissat iliuusissatullu pilersaarutit atuutilersinneqarnerat qulakkeerneqartarluni.

Naalakkersuisoqarfimmi suliassat makku ilanngullugit suliarineqartarput:

• Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisumut politikikkut siunnersuineq

• Oqartussaaffeqarfimmi periusissat iliuusissatullu pilersaarutit inerisarneqarneri

• Ingerlaavartumik malinnaatitsineq, nakkutilliineq aamma aningaasanut atugassarititaasut tamakkiisumik atorluarneqarnissaannut suliniutinut aallartinneqarsimasut pillugit nalunaaruteqartarneq.

• Naalakkersuinikkut aqutsisut aalajangiinissaannut tunngavissiornissaq aamma anguniakkat naammassisassallu anguneqarnissaat qitiutillugu naalakkersuinikkut aalajangiinerit atortuulersinneqarnissaat

• Naalakkersuisoqarfinnut allanut, suliffeqarfinnut kiisalu suleqatigisanut allanut tunngatillugu suleqatigiinnerup pitsaasup ineriartortittuarnissaa pillugu suliassat suliarineqartarnerannik aaqqissuussineq.

• Allaffissornermi malittarisassat nalinginnaasut, suleriutsit pitsaassutsimillu piumasaqaatit kiisalu allaffeqarfimmi ineriartortitsinermik atuutsilersitsineq aamma attaveqaateqarnermi pitsaasumik pilersitsineq.

• Suliniutinik aqutsineq suliassanullu pilersaarusiorneq.

Piginnaasat

Atorfimmik inuttaliiniarnermi makkua pingaartinneqassapput:

• Naleqquttumik qaffasissumik ilinniagaqarsimaneq, kiisalu naalakkersuisoqarfiup akisussaaffianut tunngasut ilaasa tamarmiusulluunniit iluini suliamut tunngasutigut attuumassutilinnut ilisimasaqarluarneq. Kalaallisut oqaaseqarneq iluaqutaasaaq.

• Kalaallit Nunaanni inuiaqatigiinnut oqaatsinillu piginnaasaqarluarneq kiisalu Naalakkersuisut, Inatsisartut kommunillu akornanni suliassatigut ataqatigiissitsisinnaaneq.

• Pilersaarusiorluarsinnaanermik aningaasatigut aqutsinermik misilittagaqarluarneq, tamatumunnga ilanngullugu ukiunut arlalinnut missingersuusiorsinnaaneq, pingaarnersiuilluni suleriutsit, kiisalu aningaasaqarnermik misissuinerit.

• Isumaginninnermut immikkoortortaqarfinni sulianut nutarteraluni suliaqarsimanermut uppernarsaataasinnaasut pingaartinneqassapput.

• Sulianik aaqqissuussamik ingerlatsisinnaaneq kiisalu suliat ajornakusoortut suliarineqarnerini tamatigoortumik takunnissinnaaneq ingerlatitsisinnaanerlu.

• Suliffimmi inuttut nukissat pingaartillugit avatangiisigissaarnissaq qulakkeerniarlugu tunniussimaneq - Suliffeqarfimi pisortaaqatigiit aamma sulisut akornanni.

• Aaqqissuussillaqqissuuneq, tamatumunnga ilanngullugit pingaarnersiuisinnaaneq sunniisinnaaneq aamma naalakkersuinermik paasisimasaqarluarneq.

• Politikikkut ingerlatsinermi aqutsisinnaasutut misilittakkat kiisalu aningaasanik aqutsisinnaanermut akisussaassuseqarneq.

• Naalakkersuisoqarfiup qitiusumik suliassaanut atatillugu illup iluani avataanilu suleqatinik peqataatitsisinnaaneq.

• Aqutsinermik, ataqatigiissaarinermik suliassanillu annertunerusunik naammassinnittarnermik misilittagaqarneq.

• Kalaallisut, danskisut tuluttullu oqalussinnaaguit iluaqutaassaaq.

Inuttut piginnaasat

Naatsorsuutigineqarpoq qinnuteqartoq nunap iluani aamma nunani tamalaani pissutsinik ilisimasaqartuusoq. Sulisussaq eqqortoq attaveqaqatigiinnermut suleqateqarsinnaanermillu sakkortuumik piginnaasaqassaaq kiisalu inuttut sunniuteqarluarsinnaaneq. Atorfimmi piumasaqaataapput ersarissumik aqutsisinnaaneq, suliffeqarfimmi ingerlatsinerup pitsaasumik qulakkeerneqarnissaanut attatiinnarnissaanullu sunniuteqarluarsinnaaneq, ingerlaavartumik ineriartornissaanut inuiaqatigiinnullu naleqqussartuarnissaanut piginnaasaqarluartoq.

Tamatuma saniatigut naatsorsuutigineqarpoq, sulisussap tatiginartuussutsi takutissinnaagaa, suliassaminut aaqqissuussillaqqilluni suliffiullu avatangiisai naapertorlugit inuttut piginnaasanut pingaartitsilluni - pisortaaqatigiinnut sulisunullu tamanut tunngatillugu.

Atorfeqarnermi atugassarititaasut

Atorfik ukiuni sisamani aalajangersimasumik atuuttussamik ulloq 1. juni 2026 imaluunniit isumaqatigiissuteqarnikkut inuttalerneqassaaq.

Atorfik akissaateqarfimmi LR 39-mi maanna inissisimavoq.  Akissarsiat aalajangersimasumik agguartorneqarsimapput ukiunut aalajangersimasunut isumaqatigiissuteqarnermut tapit ilanngullugit LR 39 aallaavigalugu 1. april 202-miit  qaammammut Kr. 99.340 Kr.-upput ukiumullu 1192.080.

Tunngaviusumik ukiuni aalajangersimasuni atorfinitsitsisoqartarpoq. Qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Tamatuma saniatigut tjenestemandinut akissarsiaqarani sulinngiffeqarsinnaanerit atuupput, kiisalu AC-tut atorfeqarnermi isumaqatigiissutit arlallit atuullutik, tamatumani ilanngullugu Namminersorlutik Oqartussat ataani atorfilimmik katissimallugu aappaqarneq inooqateqarnerlu.

Sulinerup sivisussusaa aallaavittut sapaatip akunneranut akunnerit 40-put. Atorfimmut tunngatillugu piffissap suliffiusussap qanoq sivisutiginissaa killilersugaanngilaq aamma qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat pillugit aalajangersagaq atorneqarsinnaanngilaq.

Ineqarneq

Atorfimmut atasumik inissaqartitsisoqanngilaq. Qinnuteqartoq Namminersorlutik Oqartussani sulisutut ineqareersimaguni, tamanna attatiinnarneqassaaq. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat allat

Naalakkersuisoqarfiup suliassai il.il. pillugit aaqqissuussaanikkut pilersaarut nassuiaallu uani takuneqarsinnaapput:

https://naalakkersuisut.gl/Departementer/Boern_Unge_Justitsomraadet_og_Ligestilling?sc_lang=da

Namminersorlutik Oqartussat aqutsinermut tunngavii uani atuarneqarsinnaapput:

https://naalakkersuisut.gl/Departementer/Formandens_Departement/Ledelsesgrundlag

Qinnuteqaateqarnissamut killiliunneqartoq: 22,07. 2026 nal 12:00

Soqutiginnippit?

Atorfik pillugu apeqqutissaqaruit Partner Dorthe Flies, Flies HR-imeersoq oqarasuaammut uunga: +299583117 imaluunniit mailimut uunga dorthe@flieshr.dk attavigisinnaavat.

Flies HR-ip sulisussarsiorneq isumagisassaraa, taamaammat saaffiginninnerit tamarmik tassunga ingerlateqquneqarput. Qinnuteqartut piukkunnartut oqaloqatigineqarnissamut aggersarneqartassapput.

Atorfik pillugu paasisaqarnerorusukkuit Naalakkersuisut Siulittaasuata Naalakkersuisoqarfiani Hans-Peder Barlach Christensen hape@nanoq.gl-mut saaffigisinnaavaat

Tusarfiginissat qilanaaraarput.

Naalakkersuisut pillugit paasissutissat annertunerusut uani nassaarisinnaavatit aamma https://naalakkersuisut.gl=kl/gl