FAKTA
Atorfiup suussusaa: Allagarsiuteqqitaq: Peqqissutsimut Inunnullu Innarluutilinnut Naalakkersuisoqarfimmut aningaasaqarnikkut sungiusartoq / aningaasaqarnermut fuldmægtigi
Suliffeqarfik: Peqqissutsimut Innarluutilinnut Naalakkersuisoqarfik
Qinnuteqarfissamut killigititaq: 3. juuli
Attavissaq: Laila Skydsbjerg Skytte, tlf. +299 34 65 81 imaluunniit e-mailikkut liss@nanoq.gl
Allagarsiuteqqitaq: Peqqissutsimut Inunnullu Innarluutilinnut Naalakkersuisoqarfimmut aningaasaqarnikkut sungiusartoq / aningaasaqarnermut fuldmægtigi
Aningaasaqarnermi bacheloritut kandidatitulluunniit ilinniagaqarlutit naammasseqqammerpit? Imaluunniit aningaasaqarnerup iluani ilinniagartuujuit pisortanut namminersortunulluunniit iluanni ukiuni arlalinni misilittagaqarlutit? Peqqissutsimut Inunnullu Innarluutilinnut Naalakkersuisoqarfimmi suliffimmik pissanganartumik periarfissaqarpoq, tassani aningaasaqarnikkut immikkoortortaqarfimmut ilaalissaatit, ilinnit aningaasaqarnermik pisortamik innuttaqartoq ilannguffigissavat.
Suleqatissatsitut pingaarnertut suliassat Peqqissutsimut Inunnullu Innarluutilinnut Naalakkersuisoq, Naalakkersuisoqarfimmilu pisortaqatigiit sullillugit siunnersorlugillu. Aningaasaqarnermi immikkoortortaqarfiup Peqqinnissaqarfik aamma Aningaasaqarnermut Akileraartarnermullu Naalakkersuisoqarfik qanimut suleqatigisarpai. Taakku saniatigut apeqqutit aningaasaqarnikkut attuumassuteqartut akisassavatit, Naalakkersuisoqarfimmi suleqatit pikkorissut aammalu immikkoortortaqarfiit avataaneersunit avitseqateqartassaatit. Pingaarnertut Peqqissutsimut Inunnullu Innarluutilinnut Naalakkersuisoqarfimmi sulisassaatit, Peqqinnissaqarfimmilu aningaasaqarnermut immikkoortortaqarfik qanimut suleqatigisaratsigu ullut ilaanni peqqinnissaqarfimmi suleriataartarsinnaavutit.
Naalakkersuisoqarfimmi aningaasaqarnermut immikkoortortaqarfik akisussaaffigilernissaa anguniarlugu piffissap ingerlanerani suliassaqarnerulissaatit aammalu inuttut suliassanillu unammillernartunik suliakkerneqartarsinnaallutit.
Suliassatit:
· Aningaasanut inatsisissap suliarineqarnera missingersuusiornerlu
· Naalakkersuisut ataatsimiititaliallu isummernissaannik tunngavissiorneq
· Peqqissutsimut tunngatillugu politikkimi anguniakkat aallaavigalugit piffissaq ungasinnerusoq eqqarsaatigalugu sanaartornissamut pilersaarusiornermut suliniaqatigiinnut ilaaneq
· Naalakkersuisoqarfimmi peqqinnissaqarfimmilu missingersuutinut malitseqartitsineq aningaasaqarnermullu aqutsineq
· Aningaasaqarnermik misissueqqissaartarneq, nassuiaatit aammalu kingunerisassanik naatsorsuinerit
· Peqqinnissaqarfiup aningaasaqarneranut aningaasartuuteqarfiit qitiusunut misissueqqissaarneq malitseqartitsinerlu
· Peqqissutsimut Inunnullu Innarluutilinnut Naalakkersuisumut qullersatsinnullu aningaasatigut siunnersuineq
· Suliassaqarfinnik assigiinngitsunik ass. aningaasartuutinik misissueqqissaarinerit, ingerlatsineq ataqatigiissaarinerlu.
Piffissap ingerlanerani naalakkersuisoqarfiup aningaasaqarnermut ingerlatitsivia nammineerluni ingerlakkiartuaarnissaa anguniarneqarpoq.
Naatsorsuutigaarput illit:
Suliamut attuumassutilimmik ilinniagaqqortuutut ukiuni arlalinni pisortani misilittagaqassaatit.
imaluunniit polit, oecon, scient. Pol. imaluunniit kandidatitut bacheloritulluunniit assingusunik ilinniagaqarsimasutit.
Aningaasaqarnermut inatsimmik suliaqarnermik soqutigisalik
Aningaasaqarnikkut politikkimut aammalu inuiaqatigiinni peqqissutsimut suliassaqarfimmut isumaqartunut tappilluassasutit.
Peqqinnissaqarfiup ataaniittut aningaasaqarnikkut ajornartorsiutit aammalu politikkikkut ineriartortunut suliaqarusussuseqartutit.
Suliassaqarfiit assigiinngitsut akornanni suleqatiginnillaqqittutit aamma sulisut ataasiakkaat ataatsimoortumik aaqqiissutissanut peqataaffigisaanni sulerusussuseqartutit.
Naalakkersuisoqarfiup aningaasaqarnermut tunngasutigut suliassaataanik iluarsiisarnermi nammineerluni akisussaaffimmik tigusinissamut piginnaasaqartutit.
Suliffimmik pissanganartumik immikkoortortaqarfik angisuup iluani piginnaasat ineriartortinnissaanut periarfissalimmik neqerooruteqarpugut. Ulapaarfiusumik pitsaasunik suleqateqarluni persuarsiunngitsumillu oqaloqatigiiffiusinnaasumik suliffeqarpugut. Suliffiuvugut soqutiginartunik suliatigullu unammillernartulik, tassani suleqatigiissinnaaneq suliamullu tunngatillugu pikkorissuseqarneq assut pingaartinneqarput.
Piffissap ilaani sulinerup ilungersunarsiffiani suliassat amerlasassasut ilimagineqassaaq.
Aggustip 15-iani 2025, taassumaluunniit kingorna piaartumik atorfinitsitsisoqassaaq.
Paasissutissat allat
Paasissutissanik allanik pisariaqartitsiguit, uunga attaveqarnissannut tikilluaqqusaavutit: Immikkoortortaqarfimmi pisortaq Laila Skydsbjerg Skytte, oqa.
+299 34 65 81 imaluunniit mail-imut uunga allaffigalu liss@nanoq.gl
Qinnuteqarfissaq kingulleq juulip 3-at 2025, nal. 12.00
Inuunermit taasassat (CV), ilinniarsimanermut uppernarsaatit assilinerat kiisalu attavigineqarsinnaasut qinnuteqaammut ilanngullugit innersuussissut ataaniittoq link aqqutigalugu kingusinnerpaamik nassiunneqassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
