Allagarsiuteqqittaq – Ilisimatusarfimmi Attaveqatigiinnermut Nunarsuarmioqataanermullu immikkoortortaq pissarsiorpoq: Faglig koordinator AC / Specialkonsulent AC

Atorfik akisussaaffeqarnerunissamut ilippanaateqarluartumut aammalu sulisunut akisussaaffeqarnak ataqatigiissaarinermi suliaqarfiillu akimorlugit piginnaasannik ineriartortitserusuttumut naleqquppoq.

Attaveqatigiinnermi nunarsuarmioqataanermilu Faglig koordinator AC-tut / Specialkonsulent AC-tut ingerlatsiviup iluani avataanilu attaveqatigiinnermut nunarsuarmioqataanermullu tunngasunut akisussaasuussaatit. Ilisimatusarfimmi pisortaq naalagarissavat.

Atorfik isumaqatigiissutigineqartoq naapertorlugu sukkanerpaamik inuttalerneqassaaq. Nalunaaquttap-akunneri suliffissat sapaatip-akunneranut 40-upput.

Attaveqatigiinneq nunarsuarmioqataanerlu immikkoortortaqarfiuvoq marlunnik sulisoqartoq aamma suliani ataqatigiissaarisoqartoq. Aappaata attaveqatigiinnermi aamma nunarsuarmioqataaneq pillugu suliassani AC-fuldmægtigiusup ikiortassavaatit. Aappaata Ilisimatusarfiup nammineerluni oqalutsitut atorfilittaata allattariarsornikkut oqaluttariarsornikkut nutserinikkut aamma oqaluttaanikkut ikiortassavaatit.

Ataqatigiissaarisutut - akisussaaffiit:

• Attaveqatigiinnermut allaffimmi ullormut ataqatigiissaarineq

• Sulisut suliassaat pillugit ullormut ataqatigiissaarineq

• Akisussaaffigaatit attaveqatigiinneq pillugu Ilisimatusarfiup periusissanik atortussanngortitsisarnissaa.

• Akisussaaffigaatit avataani attaveqatigiinnikkut ingerlatsinerit (tusagassiortut, suleqatigisat avataaneersut il.il)

• Akisussaaffigaatit Ilisimatusarfimmi nittartakkanik ingerlatsinerit tamaasa.

• Akisussaaffigaatit suliffiup iluani attaveqatigiinneq tamaat (tusagassiuuteqarneq, intranet il.il.).

• Akisussaaffigaatit pilersaarusiassat suliarisarnissaat tamaasa

• Akisussaaffigaatit tusagassiinissamut atortussat tamaasa

• Akisussaaffigaatit allakkianik – illup iluani avataanilu atorneqartussanik nutserisitsinermik ingerlatsineq.

• Akisussaaffigaatit ilinniartut oqaluttariarsornikkut oqaluttaanermi misilitsinnerini ingerlatsineq.

Nunarsuarmiooqataaneq - akissussaaffiit:

• Nunarsuarmioqataanermi Allaffimmi suliaqarfiit pillugit ataqatigiissaarineq

• Akisussaaffigaatit Ilisimatusarfiup nunarsuarmioqataanerani periusissanik atortuulersitsisarnissaa.

• Akisussaaffigaatit ilinniartut, ilinniartitsisut ilisimatusartullu angalasarsinnaanissaannik tamanik ingerlatsinerit.

• Akisussaaffigaatit nunat tamalaaniit ilinniariarlutik tikittartut angalasarnissaannik ingerlatsinerit.

• Akisussaaffigaatit nunani tamalaani suleqatigisanut ineriartortitseqqiinerit aamma nukittorsaanerit.

• Akisussaaffigaatit paarlaaqatigiilluni ilinniariartortut, ilinniartitsisut ilisimatusartullu pillugit aningaasaliisartussanik qinnuteqaasiornerit.

• Akisussaaffigaatit Kalaallit Nunaanni ilinniarfinnik nunat tamalaanni pissutsit eqqarsaatigalugit Ilisimatusarfiup suleqatiginninniarnerani nukittorsaanissaq.

• Akisussaaffigaatit inuiaqatigiinni nunanullu tamalaanut attaveqatigiinnerup annertusiartortinnisaa aamma ineriartortinnissaa.

• Akisussaaffigaatit inuiaqatigiinni avataaniittuni aamma nunami tamalaaniittuni suleqatigisanut ilinniarfinnullu atassuteqaateqarnerit.

Nunarsuarmioqataaneq aamma Attaveqatigiinneq Ilisimatusarfiup sulisui, immikkoortortaqarfiisa, ilinniarfiisa aqutsisuisalu qanimut suleqatiginerisigut oqaloqatigisarnerisigullu ingerlanneqartarpoq

Naatsorsuutigaarput illit:

• Immikkut ilisimasalittut siunnersortinngortinneqassaguit qinnuteqartuusutut misilittagaqarfigisimasussaavatit minnerpaamik ukiuni pingasuni suliat pillugit ataqatigiissaarisinnaaneq.

• AC-fuldmægtiginngortinneqassaguit qinnuteqartoq attaveqatigiinneq pillugu minnerpaamik ukiuni marlunni misilittagaqarsimassaaq.

• Pineqartunut attuumassuteqartumik kandidatilik

• Nittartakkatigut, inuinnaat attaveqatigiittarfiatigut assigissaannilluunniit suliaqarnissamut misilittagalik.

• Qaffasissutsini tamalaani suleqatiginninnissamik misilittagalik

• Nammineerluni pitsaasumillu sulinissamut piginnaasaqarluartoq.

• Kalaallisut, qallunaatut tuluttullu allattariarsorsinnaasoq aamma oqalussinnaasoq

• Kalaallit Nunaanni inuiaqatigiinni pissutsinut ilisimasalik

Tamatuma saniatigut ulluinnarni attaveqartartut amerlaneri pillugit kiisalu ataqatigiissaarinermi allannikkut oqalunnikkullu Ilisimatusarfiup sulisutut nittarsaassinnaanissaa pillugu suliaqartup aqutsisunik suleqateqarluni inussiarnersumik pissuseqarnissaa pingaartinneqarpoq.

Qinnuteqaat

Qinnuteqaat, allaganngorlugu qinnuteqaatip saniatigut, ukuninnga imaqassaaq:

Ilanngussaq 1: Curriculum Vitae

Ilanngussaq 2: Soraarummeersimanernut uppernarsaatit.

Ilanngussaq 3: Oqaaseqaatinik aallerfiusinnaasut inuit pingasut attaviginissaannut paasissutissat.

Atorfinitsitsinerup ingerlanissaa

Qinnuteqaatit takkussortut atorfinitsitsisarnermut ataatsimiititaliamit suliarineqassapput.

Qaammatini pingasuni misiliilluni atorfeqarneq

Uani atorfimmi qaammatini pingasuni misiliilluni atorfinitsitsisoqassaaq.

Attaveqarfigisinnaasatit/paasissutissat

Atorfik pillugu annerusumik paasisaqarusukkuit, qinnuigissavatsigit Ilisimatusarfimmi pisortaasoq Christine Tønnesen oqarasuaatikkut +299 347303-imut attaveqarfigeqqullugu. Kalaallit Nunaanni Ilisimatusarfik annerusumik paasisaqarfigerusukkukku ugguuna iserlutit paasisaqarnerusinnaavutit www.uni.gl

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit allaffissornikkut aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.