Allagarsiuteqqittaq – Ilisimatusarfimmi Attaveqatigiinnermut Nunarsuarmioqataanermullu immikkoortortaq pissarsiorpoq: Faglig koordinator AC / Specialkonsulent AC

Atorfik akisussaaffeqarnerunissamut ilippanaateqarluartumut aammalu sulisunut akisussaaffeqarnak ataqatigiissaarinermi suliaqarfiillu akimorlugit piginnaasannik ineriartortitserusuttumut naleqquppoq.

Attaveqatigiinnermi nunarsuarmioqataanermilu Faglig koordinator AC-tut / Specialkonsulent AC-tut attaveqatigiinnermut nunarsuarmioqataanermullu tunngatillugu Ilisimatusarfiup suliniutaanik tamanik katersuinermi ineriartortitsinermilu pingaarutilimmik inissisimaffeqassaatit. Periusissiornerup ingerlatsinerullu iluani suliaqassaatit aammalu ingerlatsivimmi ataqatigiittoqarnissaanik, sammivissamik pitsaassutsimillu qulakkeereqataassallutit – ingerlatsiviup iluani aammalu nuna tamakkerlugu nunanilu tamalaani suleqatigisartakkanut atatillugu. Ilisimatusarfimmi pisortaq naalagarissavat.

Atorfik isumaqatigiissutigineqartoq naapertorlugu sukkanerpaamik inuttalerneqarnissaa kissaatigineqarpoq. Nalunaaquttap-akunneri suliffissat sapaatip-akunneranut 40-upput.

Attaveqatigiinnermut Nunarsuarmioqataanermullu immikkoortortamiissapput illit sulisullu allat marluk: AC-fuldmægtigi attaveqatigiinnermi aamma nunarsuarmioqataaneq pillugu suliassani ikiuutaasartussaq, aammalu Ilisimatusarfiup nammineerluni oqalutsitut atorfilittaa allattariarsornikkut oqaluttariarsornikkut nutserinikkut aamma oqaluttaanikkut suliaqartartoq.

Akisussaaffissatit

Attaveqatigiinnermi nunarsuarmioqataanermilu ataqatigiissaarinermi ineriartortitsinermilu suliassanut akisussaasuussaatit:

Attaveqatigiinneq

• Attaveqatigiinnermik suliaqarfimmik ataqatigiissaarisarneq

• Ilisimatusarfiup attaveqatigiinnermut periusissaanik atuutilersitsineq ineriartortitsinerlu

• Nittartakkanik, nutaarsiassanik, intranetimik, pilerisaarutinik tusagassiorfiillu atugassaannik ingerlatsineq ineriartortitsinerlu

• Illup iluani avataanilu atorneqartussanik nutserisitsinermik ataqatigiissaarisarneq

• Oqalutsitut suliassanik, ilaatigut ilinniartut oqaluttariarsornikkut oqaluttariarsornermi misilitsinnerinik ataqatigiissaarineq

Nunarsuarmioqataaneq

• Nunanut tamalaanut suleqatigiissutinik suliassatigut ataqatigiissaarineq pitsanngorsaanerlu

• Ilisimatusarfiup nuna tamakkerlugu nunanilu tamalaani periusissiaanik atortuulersitsineq malittarinnittarnerlu

• Ilinniartut nunanit tamalaaneersut qinnuteqaataasa suliarineranni Studieservicemut ikiuutaaneq

Nunarsuarmioqataanermi aamma Attaveqatigiinnermi suliassat Ilisimatusarfiup sulisuisa, immikkoortortaqarfiisa, ilinniarfiisa aqutsisuisalu qanimut suleqatiginerisigut oqaloqatigisarnerisigullu ingerlanneqartarput.

Naatsorsuutigaarput illit:

• Immikkut ilisimasalittut siunnersortinngortinneqassaguit qinnuteqartutut attaveqatigiinnermi suliassanik ataqatigiissaarineq minnerpaamik ukiuni pingasuni misilittagaqarfigigit.

• AC-fuldmægtiginngortinneqassaguit qinnuteqartutut attaveqatigiinneq pillugu minnerpaamik ukiuni marlunni misilittagaqarfigigit.

• Pineqartunut attuumassuteqartumik kandidateqartutit,

• Nittartakkatigut, inuinnaat attaveqatigiittarfiatigut assigisaannilluunniit suliaqarnissamut misilittagartutit.

• Qaffasissutsini tamalaani suleqatiginninnissamik misilittagaqartutit

• Nammineerluni pitsaasumillu sulinissamut piginnaasaqarluartutit.

• Kalaallisut, qallunaatut tuluttullu allattariarsorsinnaasutit oqalussinnaasutillu

• Kalaallit Nunaanni inuiaqatigiinni pissutsinik ilisimasaqartutit.

Tamatuma saniatigut ulluinnarni attaveqartartut amerlaneri pillugit kiisalu ataqatigiissaarinermi allannikkut oqalunnikkullu Ilisimatusarfiup sulisutut nittarsaassinnaanissaa pillugu suliaqartup aqutsisunik suleqateqarluni inussiarnersumik pissuseqarnissaa pingaartinneqarpoq.

Qinnuteqaat

Qinnuteqaat, allaganngorlugu qinnuteqaatip saniatigut, ukuninnga imaqassaaq:

Ilanngussaq 1: Curriculum Vitae

Ilanngussaq 2: Soraarummeersimanernut uppernarsaatit.

Ilanngussaq 3: Oqaaseqaatinik aallerfiusinnaasut inuit pingasut attaviginissaannut paasissutissat

Atorfinitsitsinerup ingerlanneqartarnera

Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput. 

Ph.d.-stipendiatitut atorfeqarneq ukiunik pingasunik sivisussuseqarpoq, Kalaallillu Nunaanni najugaqarnissaq piumasaqaataavoq.

Attavigisassat/ paasissutissat:

Atorfik pillugu sukumiinerusunik paasisaqarusukkuit, tikilluaqquneqarputit Ilisimatusarfiup pisortaa Christine Tønnesen oqarasuaat: +299 347303 attavigissallugu. Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.