Allagarsiutigeqqitaq: IPPS - Inuit Pisinnaatitaaffii pillugit Siunnersuisoqatigiit AC-fuldmægtigimik pissarsiorpoq

Nunatsinni inuit pisinnaatitaaffii pillugit pitsanngorsaaqataarusuppit – suleqataallutillu?

IPPS - Inuit Pisinnaatitaaffii pillugit Siunnersuisoqatigiit AC-fuldmægtigimik kalaallisut/danskisut marlunnik oqaalisimmik ujartuipput, suleqaterput allamut misiliiniarluni soraaruteqarami.

AC-fuldmægtiusussaq suliassai ilaatigut ukuussapput, suleqatissani suleqatigalugu, misissueqqissaarnernut, allagaqaasiornernut inerisaanermullu tunngatillugu aalajangersimasumik suliaqarnerit aqqutigalugit Kalaallit Nunaanni inuit pisinnaatitaaffiinik siuarsaaqataajumasumik illersuiumasumillu.

Atorfinittussamik ujartuivugut kalaallisut/danskisullu marlunnik oqaasilimmik paasissutissiillaqqissumik aamma suleqateqallaqqissumik, allattoqarfimmi anginngitsumi suliassanik assut assigiinngiiaartunik suliaqarfiusumi – tunaartaqarluni misissueqqissaarnermiit iliuuseqarnikkut suliaqarnermut sulisartussamik.

Atorfik pillugu

Allattoqarfimmi qitiusumik suliaqartut akornanniilissaatit assigiinngitsunillu suliaqartassallutit, inuit pisinnaatitaaffii, politikki inuiaqatigiillu suliaqarfigisassallugit.

Suliatit ilaatigut ukuussapput:

• Inuit pisinnaatitaaffiinik inatsisinik sulisaatsimilu atuutsitsilernissaq siunertaralugu  misissueqqissaarnerni, tusarniaassutinut akissutini aammalu nalunaarutini  suleqataaneq

• Kalaallit Nunaanni inuit pisinnaatitaaffiini pissutsit nakkutiginerini suleqatillu ilagalugu peqataassaatit, aammalu sumiiffiit pitsanngorsaavigineqartariaqartut sumiissusersillugit

• Attaveqaqatigiinneq aaqqissugaasoq pilersaarlugulu suleqatinilu ineriartortillugu, matumani nittartakkami aamma inuit attaveqaqatigiittarfiini imarisassat

• Suliniutini aqutsineq, katersiniarneq aammalu ingerlatitseqqinnissamut ineriartornissamullu suliniutit

• Siunnersuisoqatigiit allattaaffiginerani suleqataaneq, matumani siunnersuisoqatigiit ataatsiminiississaannut piareersaaneq ataatsimiisitsinerlu.

• Innuttaasunit suleqatigisaniillu saaffiginnissutit suliaralugit

Kalaallit Nunaanni inuit pisinnaatitaaffii pillugit suliaqassaatit, aammattaaq nunaqavissut pisinnaatitaaffii pillugit apeqqutit nunallu tamalaat akornanni malitat pillugit suliaqassallutit.

Illit pillutit

Takorloorparput illit:

• Kalaallisut danskisullu, sapinngisamik aamma tuluttut oqaaseqartuusutit

• Naleqquttumik ilinniagaqartutit

• Allannikkut oqaatsikkullu pitsaasumik paasissutissiisinnaassuseqartutit

• Suliniutini aqutsinermik imaluunniit sulianik inerisagassanik misilittagaqartutit (iluaqutaassaaq, piumasaaqaanngilarli)

• Politikkip, ingerlatsinerup inuillu pisinnaatitaaffiisa sunniivigeqatigiinnerinut paasisimasaqartutit

• Namminersorluni sulinissamut suleqatigiiaanilu ikitsunnguini qanimut suleqatigiinnermut sulisinnaassuseqartutit

Kalaallit Nunaanni inuit pisinnaatitaaffii ilisimasaqarfigigukkit imaluunniit soqutigisarigukkit iluaqutaassaaq.

Uagut pilluta

IPPS - Inuit Pisinnaatitaaffii pillugit Siunnersuisoqatigiit arlaannaannulluunniit attuumassuteqaratik aaqqissugaanerupput, Kalaallit Nunaanni inuit pisinnaatitaaffiisa atuutsinneqalernissaannut ilisimasat annertusassallugit suliaqarfiusut.

Suliffeqarfik anginngilaq, sulisut pingasuinnaamata. Taamaammat suliat ilaanikkut inummi ataatsimiineq ajorpoq, kisianni tamatsinni.

Neqeroorutigaavut

• Kalaallit Nunaanni inuit pisinnaatitaaffii qulequtseeqataaffiginissaanut periarfissaq immikkuullarissoq

• Qitiusumik politikkikkut inuiaqatigiinnilu ingerlaariaatsinut suliaqarnissamut periarfissaqarneq

• Suliffimmi avatangiisit eqaatsut annertuumik namminersorfiusut

• Suliatigut ineriartornissamut annertunerusumillu attaveqaqateqalernermut periarfissaqarluarneq , Kalaallit Nunaanni nunanilu tamalaani

• Atorfik inuit pisinnaatitaaffiinut suliassaqarfimmi malinnaavigiinnavissinnaasat, nutaanik ilikkagaqarfigisinnaasat attaveqaqateqalerfigisinnaasallu.

Atorfininnissamut pissutsit

Atorfik piffissaq tamakkerlugu suliffiuvoq Nuummiillunilu. Atorfininnermut pissutsit Namminersorlutik Oqartussat isumaqatigiissutaat aamma kattuffik isumaqatiginninniarsinnaatitaasoq naapertorlugit atuupput.

Aallartiffissaq

Isumaqatigiinikkut.

Atorfik qinnutigiuk

Qinnuteqaatit, suliffigisimasat allattorsimaffii (CV) pappilissallu naleqquttut kingusinnerpaamik juuni 29-at 2026 nassiutikkit uunga, sofia@ipps.gl

Ingerlaavartumik atorfinitsitsinissamut oqaloqatiginnittarnissarput naatsorsuutigaarput.

Paasissutissat allat:

Atorfik pillugu apeqqutissaqaruit e-mailimut uani attaveqarsinnaavutit: info@ipps.gl, imaluunniit oqarasuaatikkut mobil normu 22 95 00

Suliagut pillugit sukumiinerusumik ugguuna atuarit, www.ipps.gl