Fakta
Atorfiup suussusaa: Sundhedsfaglig konsulent
Suliffeqarfik: Grønlands selvstyre
Qinnuteqarfissamut killigititaq: 13. oktober 2025 08:00
Attavissaq: Laila Skydsbjerg Skytte, tlf. +299 34 65 81, e-mail: Liss@nanoq.gl
Politikkikkut aqunneqartumi peqqissutsimut tunngasut iluini allanngorartunik suliassaqarfiusumi sulissallutit iluarigukku, taava atorfissaqartippatsigit. Peqqissutsimut Inunnullu Innarluutilinnut Naalakkersuisoqarfik peqqissutsikkut suliatigut siunnersortimik allannermik piginnaasalimmik piaartumik atorfinittussamik pissarsiorpoq.Suliassat ilaatigut makkuussapput: Peqqissutsimut Inunnullu Innarluutilinnut Naalakkersuisumut sullissineq, naalakkersuisoqarfiit oqartussaasutut suliassat, ineriartortitsineq kiisalu peqqissutsimut tunngasunik immikkoortortami suliassat. Tamatuma saniatigut suliniutinik suliaqassaatit. Suliaq Naalakkersuisumut kiisalu Naalakkersuisoqarfiup pisortaanut sullissinermik imaqassaaq. Suliatigut aqutsisussaq tassaassaaq immikkoortortami pisortaq.
Suliassat
Suliassat ilaatigut makkuussapput:
- Naalakkersuisumut peqqissutsimut tunngasunik siunnersuineq
- Inatsisartut aamma Naalakkersuisut peqqissutsimut tunngasunik apeqquteqartarnerannut akissuteqartarneq
- Immikkoortortanut allanut taakkualu ataaniittunut immikkoortunut suleqatiginninneq
- Naalakkersuisoqarfimmi ataatsimiinnernut peqataaneq
- Peqqissutsimut tunngasunik misissueqqissaarnernik, nalunaarusianik, pilersaarutinik, strategiinik suliaqarneq kiisalu taakkununnga malinnaaneq nalilersuinerlu.
- Suliniutinik suliaqarnermi peqataaneq
Piginnaasassat
Naatsorsuutigaarput peqqissutsimut tunngasumik tunuliaqutaqarlutit, relevantimik kandidatitut ilinniagaqarsimanissat kiisalu Kalaallit Nunaanni peqqissutsimut tunngasunik misilittagaqarsimanissat. Suliniutinik aqutsinermik ilisimasaqarneq misilittagaqarnerlu iluaqutaassaaq.
Tamatuma saniatigut naatsorsuutigaarput:
- Allattariarsornikkut oqaatsitigullu attaveqaqatigiinnikkut piginnaasaqarluarnissat
- Aaqqissuussaalluartumik, peqqissaartumillu suleriaaseqassaatit, suliassat pitsaassuseqartumik suliarineqarnerannik pingaartitsisuussaatit piffissaliussarlu eqqorlugu suliassanik naammassinnissinnaassallutit
- Naalakkersuinikkut soqutigineqarluartumik suliassaqarfimmi allannguinissamut piumassuseqartuussaatit
- Kalaallit Nunaanni inuiaqatigiinnik kulturimillu ilisimasaqassaatit
- Neriuutigaarput pingasunik oqaaseqartuusutit – kalaallisut, danskisut, tuluttut
- Suleqatigiinnermut piginnaasaqarlutit suliniutinillu aqutsinermik misilittagaqarlutit
- Sulianut aaqqiissutissanik ujartuisinnaanermik piginnaasaqarneq
- Suliassanik allanngorartunik suliaqarneq ulapiffiusumilu sulinermik nuannarisaqarneq
Neqeroorutigaagut
Suliffik pissanganartoq, annertuunik unammillernartunik imalik neqeroorutigaarput. Suliffeqarfiuvugut ineriartortuartoq, suleqatitsinnut pitsaasunik attaveqaqatigiiffiusoq. Suliassat soqutiginartuupput, immikkut ilisimasallit akornanni suleqateqartassaatit kiisalu piginnaasanik pingaartitsisuuvugut. Suliffeqarfimmut suliassanullu peqqissaartumik erseqqissumillu ilisaritinneqarumaarputit, kiisalu suleqatit misilittagaqarluartut ikiortiseralugit suliassanut siunersiueqatigineqarumaarlutit.
Paasissutissat allat
Suliffissamut paasissutissat sukumiinerusumik paasisaqarfigerusukkukkit uunga saaffiginninnikkut pissarsiarineqarsinnaapput: Immikkoortortami pisortaq Laila Skydsbjerg Skytte, oqarasuaat: +299 34 65 81, e-mail: Liss@nanoq.gl
Qinnuteqarfissaq
Qinnuteqaat CV-mik, ilinniarsimanermut uppernarsaatinik kiisalu paasiniaavissanik innersuussat (referencer) kingusinnerpaamik ulloq 13. oktober 2025 nal. 08.00-nni linki quppernerup ataani allaqqasoq aqqutigalugu nassiunneqassaaq. Qinnuteqaatit ingerlaavartumik suliarineqassapput, aammalu oqaloqatigiinnerit qinnuteqarfissamut killissarititaasoq sioqqullugu ingerlanneqarsinnaapput
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mail-ikkut qinnuteqaatinik tigusineq ajorpugut.
Qinnuteqaat nassiuguk
