Allorfik pinngitsuuisinnaajunnaarnermik paasisimasaqarfik qullersap tullianik pissarsiorpoq

Kalaallit Nunaanni nunatsinni tamakkerlugu atornerluinermut katsorsaanermik suliniutit nukittorsarnissaannut aaqqissuussinissaannullu peqataarusuppit? aqutsinermik misilittagaqarluarpit aammalu periusissiornermik pitsaasunik piginnaasaqarlutit?

Taava immaqa aqutsisup tulliatut atorfinittussaraatsigit.

Neqeroorutigaarput:

aUatsinni ujartorneqartoq tassaavoq illit, makkuninnga piginnaasalik:

• Aningaasarsiornermut, aqutsinermut imaluunniit assigisaannut tunngatillugu ilinniagaqarsimavoq.

• Sulisunik aqutsinermik uppernarsarneqarsinnaasumik misilittagaqarpoq aammalu aqutsisutut ersarissumik sulisut inuussutissarsiornermut aammalu inuttut ajornartorsiutaannut tunngatillugu siunnersoqatigisinnaavai.

• Periutsinik aqutsinermik aammalu periusissianik atuutilersitsinermik misilittagaqarpoq.

• Piffissamut qanittumut ungasinnerusumullu anguniakkanik aaqqissuussisumik suliaqarsinnaavoq, tamakkiisumik isiginnissinnaavoq aammalu suliassanik agguaassisinnaalluni.

• Allattariarsornermi oqalunnermilu paasissutissiisarnermik pitsaasunik piginnaasaqarpoq.

Uagut pillugu:

Allorfik tassaavoq Kalaallit Nunaanni Peqqissutsimut Oqartussat, SHV, ataaniittoq atornerluinermut katsorsaanermik suliaqartoq aammalu ilaqutariit naartusunik ilaasortallit siusissukkut suliniuteqarfigineqarnissaannut aamma akisussaaffeqartoq. Allorfik Nuummi nuna tamakkerlugu ilisimasanik katersuiffeqarpoq aammalu nunatsinni kommunini tallimani katsorsaaviit immikkoortut tallimat. Taamaattumik aningaasanoornermik ajornartorsiuteqarneq aamma samisarparput, kiisalu meeqqat inuusuttullu ilanngullugit neqeroorutivut ingerlaavartumik annertusartarlugit. Taamaattumik innuttaasut katsorsarneqarnissamut periarfissanik allanik tunineqarnissaat pillugu Allorfik namminersortumik neqerooruteqartumik suleqateqarpoq.

Suliassatit

Pisortap tulliatut Allorfikimi pisortaqatigiit sinneri qanimut suleqatigalugit allaffissornikkut aningaasatigullu aqutsinermut ataatsimut akisussaaffigissavat. Suliassatit ilaatigut makkuussapput:

• Sulisunik aqutsineq: Oqartussat peqqinnissaqarfianni pisortaq aammalu sulisut immikkoortortaqarfiat suleqatigalugit ulluinnarni sulisunik aqutsineq.

• aaqqissuussaanikkut tapersersuineq: Nunatsinni najugaqarfinni assigiinngitsuni katsorsaaviit katsorsaanermik suliaqarnermi ikiorlugit, ilaatigut ingerlatsinermi suleriaatsinik aammalu suleriaasissanik pitsaasunik suliaqarnikkut.

• Aningaasatigut aqutsineq: Aningaasatigut missingersuutinik suliaqarnermik, missingersuutinik malinnaanermik aammalu aningaasatigut aqutsinermik ataatsimut qulakkeerinninneq aningaasatigut immikkoortortaqarfik suleqatigalugu.

• Suleqatigiinneq attaveqarfeqarnerlu: Avataaneersunik suleqatinut attaveqarneq isumagissallugu, ilaatigut namminersortut katsorsaanissamik neqerooruteqartut, kommunini ingerlatsiviit aammalu suliamut tunngatillugu suleqatigiiaat.

• Paasissutissat misissueqqissaarnerlu: Kalaallit Nunaanni nunatsinni tamakkerlugu atornerluinermut katsorsaanermut paasissutissanut toqqorsivimmi kiisalu innersuussinermut katsorsaanermullu ingerlatsinermut atorneqartussanik paasissutissanik katersinermut misissueqqissaarnermullu ikiuunneq.

• Sammisassat paasissutissiinerlu: Ataatsimeersuarnernik, suliaqarnermut atatillugu ataatsimiinnernik aammalu ilinniartitsinermut pilersaarusiornermi ikiuunneq.

Qinnuteqaat

Qinnuteqaat ilanngussanut attuumassuteqartunut nuussutissartalik PDF-formatikkut www.gjob.dk aqqutigalugu nassiunneqassaaq

Sulilernissaq ulloq: 1. september 2026 imaluunniit isumaqatigiissuteqarnikkut

Qinnuteqarfissaq ulloq: 25. august 2026

atorfinitsitsinissamut oqaloqatiginninnerit ingerlaavartumik ingerlanneqassapput

Attaveqarneq

Atorfik pillugu paasissutissat pisortamut Efa Olsenimut oqarasuaatikkut (+299) 34 14 52 imaluunniit e-mailikkut: EFOL@PEQQIK.GL saaffiginninnikkut pineqarsinnaapput

Inissaq

Inissaq NEQEROORUTIGINEQASSanngilaq.

Akissarsiat atorfinitsitaanermilu atugassarititaasut

Akissarsiat atorfinitsitaanermilu atugassarititaasut, ilanngullugit atorfininnermi soraarnermilu angalanissamut kiisalu pequtit nuunneqarnissaannut pisinnaatitaaffik, atorfininnermi isumaqatigiissut imaluunniit isumaqatigiissut tunngavigalugu Namminersorlutik Oqartussat aammalu isumaqatigiissuteqarnissamut pisinnaatitaaffeqartoq akornanni atuuttoq naapertorlugu.

Innuttaassuseq

Nunani avannarlerni innuttaassuseqanngikkuit, atorfinitsitaanerup najugaqarnissamut sulinissamullu akuersissummik atuuttumik peqarnissamik piumasaqaatitaqarnera oqaatigineqarpoq. Najugaqarnissamut sulinissamullu akuersissummik aatsaat atorfininnissaq isumaqatigiissutigineqareerpata qinnuteqartoqarsinnaavoq.

Kalaallit Nunaanni peqqinnissaqarfik – assigiinngissuseq, unammillernartut aammalu inuussutissarsiornermi tulluusimaarneq

nunatsinni Peqqissutsimut Naalakkersuisoqarfiup ataaniippoq, immikkoortunik tallimanik, nakorsiartitsiveqarfinnik immikkoortunik arfineq-pingasunik, Nuna tamakkerlugu Kigutigissaasoqarnermik, Kalaallit Nunaanni Napparsimmavimmiinnermut Angerlarsimaffimmik kiisalu peqqinnissaqarfiup ingerlatsinermut immikkoortortaanik aaqqissuussaalluni.

Suliamut tunngatillugu unammilligassat ujartorpatit, peqqissaartumik paasiniaasartuuguit aammalu assigiinngitsorpassuartigut suliaqarnissaq nuannarisarigukku, nunatsinni peqqinnissaqarfimmi suliffik ilinnut tulluarsinnaavoq.

nunatsinni peqqinnissaqarfik pillugu annertunerusumik paasissutissat uani atuarsinnaavatit www.gjob.dk

nunatsinni sunngiffimmi ingerlatsilluarnissamut periarfissaqarluarpoq. Aasakkut pisuttuarneq, arfeqarnernik alakkarneq, piniarneq, aalisarneq aammalu umiatsiamik angalaarneq sammisassanut naleqqupput. Ukiukkut qanoq pitsaasumik qaammarissarneq kiisalu sisorarnermik periarfissaqarluarpoq, aammalu qeqertarsuup avannaani najugaqaruit qimussertoqarsinnaavoq. Illoqarfinni anginerusuni timersoqatigiiffinnik, eqqumiitsulianik saqqummersitsinernik, nipilersornermik tusarnaartitsinernik, café-nik neriniartarfinnillu assigiinngitsorpassuarnik kulturikkut ingerlatsisoqarluarpoq. Suliffiup qanoq immikkoortortami inissisimanera pillugu annertunerusumik paasissutissat uani atuarsinnaavatit www.peqqik.gl

nunatsinni peqqinnissaqarfiup aaqqissuussaanera takuuk

nunatsinni peqqinnissaqarfiup aaqqissuussaanerata takussutissaa

nunatsinni peqqinnissaqarfik tungaanut suliffiuvoq.

aatsaat PDF-formati atorlugu, elektroniskimik Gjob.dk aqqutigalugu qinnuteqaatit tigusarpavut.

nammineq isumannaatsuunissat pillugu e-mailikkut nassiunneqartut ingerlaannaq piiarneqassapput.