Allorfik Sermersuumi katsorsaanernut ataqatigiissaarisoq

Allorfik Sermersuumi juulip ulluisa aallaqqaataani 2026 immikkulluunniit isumaqatigiissuteqarnikkut atorfinittussamik ataqatigiissaarisussarsiorpugut.

Kommuneqarfik Sermersuumi innuttaasunut; imigassamik-, hashimik aningaasanoornermillu pinngitsuuisinnaajunnaarnermut katsorsartinnissaq, Allorfik Sermersuumit neqeroorutaavoq. Allorfik Sermersuumi maanna katsorsaasut arfiniliupput, katsorsaasullu ilaat ataseq aqutsisuulluni.

Allorfiup immikkoortui aaqqissuussaanikkut Nuummi Pinngitsuuisinnaajunnaarnermik Paasisimasaqarfiup- ilaatigut nuna tamakkerlugu aangajaarniutinik aningasanoornermillu ajornartorsiutinut suliniuteqarnermik isumaginniffiup ataani inissisimapput.

Allorfimmi katsorsaanermi oqaloqatigiinneq kajumilersitsisoq (motiverende samtale), eqqarsaatit, misigissutsit, pissusilersorneq timillu oqariartuutaasa imminnut sunneeqatigiittarnerat tunngavigineqarput (adfærdsterapeutisk behandlingsmodel). Tamatukkununnga tunngasunik ilinniarsimanngikkuit ilinniartitaanissat Allorfimmit isumagineqassaaq. Katsorsaaneq annertunerusumik kalaallit oqaasii atorlugit ingerlanneqassaaq, ilinniartitaanerlu danskisut ingerlanneqassalluni. Taamaammat oqaatsit illugiissillugit piginnaaneqarfigissavatit. Suliassatit tassaassapput innuttaasunik tikilluaqqusineq, aallarniuttut oqaloqatiginninneq katsorsartereernermilu pisussanut tunngasunik isumaginninneq. Allorfimmi katsorsartinnissamut neqeroorutaasunik ilisimaarinnilluarnissat iluaqutaassaaq.

Katsorsaanermut ataqatigiissaarisutut aammattaaq akisussaaffigissavatit paasissutissat katersornissai isumannaarlugillu katsorsartereernerup kingorna pisussakujuit.

Pinngitsuuisinnaajunnaarnermik Paasisimasaqarfik ilinnik ikorfartuinissamik /supervision neqeroortassaaq, suliassavit aaqqissuunnissaanni annertuumik sunniuteqassaatit.

Katsorsaanernut ataqatigiissaarisutut ilaatigut makku suliassaraatit:

• Oqaloqatigiinneq kajumilersitsisoq /Motivational Interviewing aqqutigalugu katsorsartinnissamut kajungilersitsinissaq
• Killilimmik peqataaneq, innuttaasunik imigassamik, hashimik aningaasanoornermillu ajornartorsiuteqartunik katsorsaaneq siunnersuinerlu, kiisalu katsorsartereernerup kingorna ikorfartoqatigiineq qanigisaasunillu ilinniartitsineq
• Qulaajaanertalimmik oqaloqateqarneq nuna tamakkerlugu nuna tamakkerlugu atornerluinermik ilisimasanik katersivimmut paasissutissanik nalunaaruteqartarneq
• Innuttaasut katsorsartereersut ikorfartoqatigiinnerannut ajornartorsiutinullu katsorsartinnissamut akornusiisunut tunngatillugu kommunimik suleqateqarneq
• Allorfimmi neqeroorut periutsigullu pillugit ilinniartitsineq
• Allorfik Sermersuumut innuttaasunik tikilluaqqusineq
• Allorfimmi katsorsartittussanik nutaanik innersuussineq
• Allatugaatinut qarasaasiakkut nalunaarsuiffitsinni e-KJ -imi innuttaasunik nalunaarsuineq

Naatsorsuutigaarput:

Qaffasissumik akunnattumik sivisussusilimmik ass. ilinniartitsisutut, perorsaasutut imal. inunnik isumaginninnermi siunnersortitut ilinniarsimanissat naatsorsuutigaarput.

Tamatuma saniatigut ikorfartuisutut/supervisor-, tarnikkut katsorsaasutut assigisaanilluunniit saniatigut ilinniarsimanissat iluaqutassaaq.

Aammattaaq:

• Kalaallisut danskisullu oqaaseqartuunissat
• katsorsaaneq ilinniagaqassutsikkut soqutigisarigit
• inuttut inissaqartitsillitillu saaffigiuminartuunerit
• innuttaasut qitiutissinnaagitit
• namminersorlutit sulisinnaasutit akisussaaffimmillu tigusisinnaasutit
• pinngitsuuisinnaajunnaarnermut tunngatillugu ilinniagaqassutsikkut qaffasinnerusumik anguniagaqartuarusuttuusutit
• ilinniakkat akimorlugit suleqatigiinnermik allanillu ilinniagalinnik ilinniartitsinermik soqutigisaqartuusutit
• nutaanik- periutsitinnillu ilikkagaqarnissamik soqutigisaqartuusutit
• aqutsisutut pikkorissartarsimasutit/ilinniarsimasutit imal. misilittagaqartutit

Ulloq qinnuteqarfissaq kingulleq maajip 28.-at 2026 nal. 12.00. 

Atorfik pillugu apeqqutissaqaruit attavigissavat Allorfimmi ningiuugallartoq Birgit V. Niclasen oqa. +299 34 14 54, mail bivn@peqqik.gl immaqaluunniit aqutsisoqarfiup immikkoortortami aqutsisuugallartoq Elisabeth Christensen oqarasuaat +299 22 30 35, mail elic@peqqik.gl. 

Paasissutissat Allorfimmut tunngasut: www.allorfik.gl

Meeqqanik pinerliisimannginnermut – pinerlussimannginnermut uppernarsaatit

Pinerlussimannginnermut – meeqqanillu pinerliisimannginnermut uppernarsaatinik nutaanik nammineq nassataqanngikkaanni, akuersititseqaarluni pinerlussimannginnermut meeqqanillu pinerliisimannginnermut uppernarsaatinik pissarsiniartoqarnissa naatsorsuutigineqassaaq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.