Angerlarsimaffeqanngitsunut Innuttaasunullu sullissivimmi Pedel-i

Suleqatigiilluartuni kivitsisuniikkusuppit?

Kommuneqarfik Sermersooq Nuummi, Isumaginninnermi Sullissivimmi immikkoortortaqarfimmi Angerlarsimaffeqanngitsunut Innuttaasunullu sullissisuni Pedel-imik biilinillu ingerlatsumik ataatsimik sulisussarsiorpoq.

Ulluinnarni innuttaasunut sunniuteqarluarlutit nuannaraajuk?Suliffeqarusuppit ineriartorsinnaallutit, immikkoortortamullu nukittuumut ineriartortumiikkusullutit? Suliffimmi nutaaliornermik, suleqatigiinnermik pitsaasumik, nammineq sunniuteqarsinnaanissamillu periarfissaqartumi sulerusuppit?

Taava immaqa illiuvoq tikilluaqqusassarput Angerlarsimaffeqanngitsunut Innuttaasunullu sullissisuni.

Kikkuuvugut:

Angerlarsimaffeqanngitsunut Innuttaasunullu Sullissisut tassaavoq immikkoortortaqarfik ineriartortoq – pitsaassuseq, suleqatigiilluarneq, naleqartitaqarneq ineriartornerlu salliullugit ingerlaartoq. Maannakkorpiaq sulisut 30-it tungaanut tunniusimasut sulisuupput, suliarippullu nerisassanik aallerneq, oqorutit qaliinik assartuineq, illup ilui isumannaatsuunissai, angerlarsimaffeqanngitsunik innuttaasunillu sullissineq. Isumaginninnermi sullissivimmi suleqatigiinneq isorartuvoq, kommuunimi kommuunillu avataani.

Maani naammattussavatit:

·Suleqatigiit ikioqatigiilluartut

·Suliffeqarfik isumassarsianik tusarusuttoq

·Ulluinnarni assigiinngitsunik unamminartunik ineriartortitsinermillu periarfissartalik

·Aallarniinermik akisussaanermillu tigusisinnaanermik inissaqartitsisoq

Suliassat:

Sulisutut periarfissaqarpoq ineriartornissamut – aammalu immikkoortortap ineriartortinneqarneranut sunniuteqaqataanissaq. Suliassat ilagaat:

·Sanasutut allatulluunniit teknikimut tunngasunik Ilinniagalik

·Biilernermut allagartaqarneq sivikinnerpaamik ukioq ataaseq

·Innuttaasunik atugarliortunik sullisserusussusilik

·Ajornanngippat illunik aserfallatsaaliuinermik misilittagalik nalinginnaasumillu assassorsinnaasoq

·Sullivimmi Isumannaallisaanermut sinniisaasinnaasoq

·Aaqqissuussaanikkut suliaqarnermik paasisimasaqartutit

·Marlunnik oqaaseqartuusutit, kalaallisut qallunaatullu, tamannali piumasaqataanngilaq

·Outlook, Word, Excel aamma Get Organized sakkussatut misilittagaqarfigigitit

·Angerlarsimaffeqanngitsunut Unnuisarfimmi Pedel-ip biilinillu ingerlatsisup pingaarnertut suliassarai nerisassaanngitsunik nerisassanillu aallerneq, taakkuninnga inniminniineq, toqqorsivimmiittuutinik ataqatigiissaarineq nerisassanik nerisassaanngitsunillu toqqorsivimmiittuutinut allattorsimaffik

·Aqutsisoq suleqatigalugu aserfallatsaaliuineq. Unnuisarfimmi Aqutsisoq suleqatigalugu maleruagassat atuuttut malillugit biilinut akisussaaqataaneq

·Aqutsisoq aammalu Gadeteam-imi ataqatigiissaarisoq suleqatigalugu Angerlarsimaffittaarnissamut sungiusarfinni pingasuusuni aserfallatsaaluinermut akisussaaqataaneq

Nalinginnaasumik piffissaq suliffissaq tassaassaaq 08.00-imiit 16.00-imut.

Naatsorsuutigisagut:

·Ammasuusutit, kiffartuussiumatuujusutit, akisussaassuseqartutit tatiginartuullutillu

·Inissaqartitsisutit, ilakkuminartutit, inuppalaartutit ataqqinnittuusutillu

·Aaqqissuussaasumik sulisinnaasutit torersuullutit

·Aaqqiissutissarsiorsinnaasutit

·Namminersorlutit sulisinnaasutit

·Suleqateqallaqqissuusutit nuannaartuusutillu

·Ineriartorusussuseqartutit

·Allakkatigut attaveqarluarsinnaasutit ersarissumillu nalunaarsuisinnaallutit

·Ataatsimut isiginnissinnaanermik piginnaasaqartutit, tunniusimasoq, ammasoq sulerusussusilillu.

·Illumi pissutsinut pitsaasumik, nutaaliornermik, isumassarsiornermik aserfallatsaaliuiffiusumi sulinermi sunniuteqaqataajumasutit.

·Suliassanik nutaanik suliaqarusussuseqassasutit alapernaatsuullutillu

·Suliffissani tamani sulisinnaassasutit pisariaqartitsisoqartillugulu sapaatip akunnerata naaneri

·Suliffimmi aamma angerlarsimaffimmi inuunerup immikkoortilluinnarnissaat ilisimaarigit

·Naammagittassuseqartutit unamminartunilu assigiinngitsuni eqqissisimasinnaasutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaarput

∙Suliffeqarfik pingaartumik isumalik, suliallu sunniuteqarluartut takusinnaallugu

∙Suleqatigiinneq nukittooq avitseqatigiinnerlu, ineriartorfik, nuannersumillu ataatsimoorneq

∙Inuttut aammalu suliaqarfimmi ineriartortitsinissamut periarfissat

∙Ingerlaavartumik Immikkoortortaqarfik ineriartortoq, illillu allannguinissamut sunniuteqarfigisinnaasat

∙Suliassanik unammillernartulik ineriartornissamut periarfissaqarluartoq namminerlu suliassanik sunniuteqarfigisinnaasaq

∙Angerlarsimaffeqanngitsunut unnuisarfimmi sulisut pitsaasumik toqqissisimasumillu suliffeqarnissaq pingaartillugu sulisarput

Sulinitsinni innuttaasut tamarmik isumaqartuunerat aallaavigisarparput, nukissaat kissaatigisaallu aamma aallaavigisarpavut. Toqqavik pingaarnerpaaq tassaavoq qaninnerusumik attaveqalersinnaaneq.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:Isumaginninnermut sullissivimmi Angerlarsimaffeqanngitsunut Innuttaasunullu sullissisuni Immikkoortortaqarfimmi aqutsisoq Marthannguaq Dahl Bech, oqarasuaat +299 366794 imaluunniit e-mail: mdbe@sermersooq.gl

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Isumaginninnermut sullissivimmi Angerlarsimaffeqanngitsunut Innuttaasunullu sullissisuni Immikkoortortaqarfimmi aqutsisoq Marthannguaq Dahl Bech, oqarasuaat +299 36 67 94 imaluunniit e-mail: mdbe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 226-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 24.-at, 2026