Angerlarsimaffik Isikkivik, Perorsaasunik 4.- nik pissarsiorpoq

Angerlarsimaffik Isikkivik, Perorsaasunik 4.- nik pissarsiorpoq

Atorfininnissamut ulluliussaq: 1. September 2025 Imaluunniit isumaqatigiinneq aallaavigalugu.

Angerlarsimaffik Isikkivik perorsaasussarsiorpoq: Perorsaaqataarusullutit soqutigilluinnarlugulu allangueqataasinnaanerit inuusuttuaqqanik sulissinissannut ,illiuvoq tassa suleqatissarput.

Paaqqinnittarfiup piginnittaasa paasissutissartai: Angerlarsimaffik Isikkivik Namminersorlutik Oqartussanit pigineqarpoq aamma aaqqissuussaaneq naapertorlugu Isumaginninnermut Aqutsisoqarfiup ataani inissisimavoq.

 Paaqqinnittarfiup qanoq ittuunera: Meeqqanut ulloq unnuarlu paaqqinniffik pilersitsineq ingerlatsinerlu pillugit Namminersorlutik Oqartussat nalunaarutaanni §1 imk. 1 nr. 1 aamma §1 imk. 2 nr. 3 naapertorlugu ulloq unnuarlu paaqqinnittarfik isumannaallisagaqarlunilu ammasuuvoq.

Inissat amerlassusaat aamma immikkoortortaqarfiit: Isikkivik katillugu qulinut inissaqartitsivoq, immikkoortortaq isumannaallisagaq sisamanut inissaqartitsilluni immikkoortortaqarfillu ammasoq meeqqanut 12-iniit 17-inut ukiulinnut arfiniliusunut inissaqartitsilluni.

 Meeqqat minnerusut 8-niit 13-nut ukiullit immikkut ittumik neqeroorutigalugit pingasunik inissaqartitsisoqarpoq.

Immikkut ittumik sullissinerit: Meeqqat tapersersorneqarnissaannut Inatsisartut inatsisaanni § 36 imk. 1 aamma 2 naapertorlugu isumannaallisakkami inissat sisamat meeqqanut 12-niit 17-nut ukiulinnut paaqqinnittarfimmi pigineqartussaapput. Eqimattat sullinneqartut ukiui: Eqimattat sullinneqartut 8-nit 17-inut ukioqarput.

Angerlartitsinerup kingorna nakkutilliisarneq: Inuusuttut 18-nit 23-nut ukiullit immikkoortortami angerlartitsinissamut piareersarfimmi angerlareernerup kingorna nakkutigineqarnissaannik paaqqinnittarfik neqerooruteqartarpoq.

Eqimattat sullinneqartut: Isikkivik tassaavoq meeqqat inuusuttullu sakkortuumik sumiginnarneqarsimasut ulloq unnuarlu inuttut perorsaavittut paaqqinnittarfiat. Eqimattat sullinneqartut makkunannga ilisarnaateqarput: 

• Peroriartornermi avatangiisini aaqqissuussanngitsuniittut, inuttut oqimaatsut, sumiginnakkat aamma atornerlunneqarsimasut

• Pissusilersornerminnik ajornartorsiuteqartut, sakkortuumik pissusilersortartut, killissanik qaangiisartut aamma kanngutsaattuliortartutut pissusilersortartut

• Attaveqarniarnermik ajornartorsiuteqartut

• Inuttut, misigissutsitigut ilikkagaqarsinnaanermillu unammillernartuutillit

• Aanngaajaarniutinik atuisorujussuit aamma atornerluisorujussuit

• Sinippiarneq ajortut aamma mimungallutik sinittartut

• Pinerliinissaminnut qanittut

• Atuarfimmi misilittagaqarnerluttut aamma ilikkarniarnerminnik unammillernartuutillit

• Isumassorneqarnissamik, aaqqissuussaasumik inuuneqarnissamik aamma patajaatsumik inersimasumik attaveqarfigineqarnissamik aamma katsorsarneqartinnissamik pisariaqartitsisut

 Eqimattat sullinneqartut ataatsimoorussaat unaavoq inuttut perorsaanermik suliniuteqarfigineqarnissamik pisariaqartitsineq aamma avatangiisini illersugaasuni tarnikkut aamma/imaluunniit tarnip nakorsaanit katsorsartinnissamik piffissap ilaani pisariaqartitsineq.

Siunertaq: Meeqqat piginnaasaannik pisinnaassaannillu ineriartortitsinissaq siunertaavoq, meeqqat taamaalillutik inersimasunngorunik namminersorlutillu akisussaaffeqalersinnaalersinneqassapput. Najugaqartut atuarnerup, ilinniagaqarnerup suliffeqarnerullu naleqassusiannik ilinniarnissaat paaqqinnittarfiup sulissutigisarpaa, soorlu aamma najugaqartut ulluinnarni suliassanik suliaqarnerni peqataanissaminnut akisussaaffeqarnissaminnullu ilinniartinneqarlutillu kajungissaarneqartartut, soorlu makkunannga iganeq, iluarsaassineq eqqiaanerlu. Isikkivik-up aamma pingaartippaa najugaqartut avatangiisiminnik susoqarneranik paasininnissaat najukkamilu sunngiffimminni soqutigisatik aqqutigalugit aamma paaqqinnittarfiup avataani inunnik attaveqartarneq aqqutigalugu peqataasarnissaat inerikkiartornissaat pingaartitarai. Kiisalu najugaqartut ilaquttaminut attaveqartuarnissaat meeqqap/inuusuttup inuuneranut naviananngippat, attaveqartariaatsimillu ineriartortitsinissaat paaqqinnittarfiup tapersersussallugu siunertarivaa.

Inummik perorsaariaaseq: Isikkivik-up angusaqarusunneq aamma aaqqissuussaasunik, sinaakkutinillu erseqqissunik inersimasortalinnik avatangiiseqarluni inunnik akuersaartumik perorsaaneq tunngavigalugit sulivoq. Perorsaalluni suliniutit meeqqap ineriartornermini killiffianik aallaaveqartarput aamma meeqqap imminut isiginera, imminut tatiginera imminullu naleqartinneranik nukittorsaanissat siuniunneqartarlutik. Taakkua saniatigut najugaqartut namminneq aamma inuit allat killinginik ilinniartinneqarnissaannik samminnittoqartarpoq kiisalu inuiaqatigiinni malittarisassanik ataqqinninnissaq sammineqartarluni. Kiisalu najugaqartut suliatigut piginnaasaat inuttullu piginnaasaat ataatsimoortuni pisussaaffiusumik peqataatitsisarluni inerisarneqartarput.

Isumaginninnermut Aqutsisoqarfiup kommunillu suleqatiginerisa saniatigut suleqatigisartakkat allat

Isikkivik-up najugaqartut atuarneri sulinerilu pillugit atuarfimmik Majorissamillu pitsaasumik suleqateqarnissani pingaartippai. Isumannaallisami najugaqartut pillugit Isikkivik-up politiit isumannaatsuuneq angallanneqarneq il.il. suleqatigisarpai. Isikkivik-up Sisimiuni ulloq unnuarlu paaqqinnittarfiit allat qanimut suleqatigisarpai, imminnut suleqatigiinnertik iluaqutigisarpaat aamma assigiinngitsunik misilittakkatik iluaqutigisarlugit.

Immikkut ittumik sammisat: Isikkivik-up inunnik perorsaalluni suliniuteqarnermi pinngortitaq akuttunngitsumik atortarpaa, angallammik angalaarneq illuaqqamiinnerillu ilanngullugit, matumani umiatsiamik qamuteralannillu atuilluni kangerlunni nunavimmilu piniarnerit aalisariarnerillu ilaapput

atorfiniffissaq ulloq 1. Sept. 2025 isumaqatigiissuteqarnikkulluunniit pisinnaavoq.

Atorfiniffissaq 1.5.25

Makku ilinnut naatsorsuutigaangut:

• Aalaakkaallutit naatsorsuutaasinnaasutit, sulianullu tunniusimallutit suleqataasinnaassuseqartutit.

• Aaqqissuussamik maleruagassanut atuutsitsillutit suleriaaseqartuusutit, ersarissumillu inersimasutut suleriaaseqartutit.

• Ilinniaqarsimasuunissat Perorsaasutut aamma ilisimaqarluartutit ulloq unnuarlu angerlasimaffimmi sulinermi, aamma iluassaaq ilinniaqqissimasuuguit, pisariaqanngilarli.

• Misilittagaqarsimasutit angerlarsimaffiup avataanut inissinneqarsimasunik meeqqanut sullitaqareersimasutit

• Piareersaasiorsinnaassuseqartutit siunertalinnik sammisassaqartitsinikkut meeqqanut inuusuttuaqqanullu.

• Aallaarsimaarnernut peqataasinnaassasutit iml. anguniangalimmik meeqqamut tunngatillugu aallaqqallusinnaallutit ullut 9-it angullugit.

• Nikerartumik sulisinnaaneq, ullaakkut, unnukkut, unnuilluni sinittuunerit.

• Immikkoortortami Aqutsisoq qaninnerpaaq peqatigalugu, aamma perorsaanermi suleqatit peqatigalugit ineriartortitsinermi pilersaarusiorneqarnerisa suliarinerani

• Meeqqat inuusuttuaqqallu pillugit perorsaanikkut katsorsartinneqarnissaanik pilersaarutit, killiffiannillu nalunaarisiorluni allaaserinninnermi suliaqarneq

Makku ilinnut neqeroorutigisinnaavangut:

• Suliffik pissanganartoq, ilinniakkallu imarisaanut sulinermi ukkissiffiusoq, suleqatigiittullu peqatigittarneq.

• Ilinniakkap imarisaanut suli ineriartorfiusoq, ilinniaqqissinnaanerup saniatigut supervisioneqartarneq

• Suliffimmi isumassarsiarnik tunniussaqarsinnaasutit piviusunngortitseqataallutillu, meeqqanut inuusuttuaqqanullu tunngatillugu.

Sap. Ak. 40 tiimi sulisarneq.

Pinerliisimannginnermut uppernarsaat/meeqqanik aamma pinerliisimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu Isikkivik pinerlussimannginnermik allagartamik tigusinerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat naliliinermut ilaatinneqassaaq.

Paasissutissat allat

Atorfik pillugu paasisaqarnerorusukkuit saaffiginnissinnaanernut tikilluaqquatsigit. attavigissaq Pisortaagallartoq Angisooq Christiansen telefon +299382201 e-mail. anch@Isikkivik.gl

Qinnuteqarfissap ullua kingulleq: 18/8-2025

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk