Angerlarsimaffik Uulineq sundhedshjælperimik / sundheds assistentimik sulisussarsiorpoq

Angerlarsimaffik Uulineq sundhedshjælperimik / sundheds assistentimik sulisussarsiorpoq

Angerlarsimaffik Uulineq ulloq unnuarlu angerlarsimaffiuvoq meeqqanut, inuusuttunut inersimasunullu Autisme Spektrum Forstyrrelse-mik (ASF) innarluuteqartunut.

Sundhedshjælperimik / sundheds assistentimik ilinniarsimasunik sulisussarsiorpugut. Pitsaaqutaassaaq autisme pillugu ilisimasaqarnissaq kiisalu kalaallisut qallunaatullu oqalussinnaaneq.

Sullivimmi periarfissaqarluarpoq immikkoortortaqarfiup ineriartorneranut sunniuteqarnissamut kiisalu inuttut ilinniarsimasatigullu ineriartornissamut.

Qinnuteqartut ilinniarsimanissaat pisinnaasaallu:

• Iisartangalerinermik misilittangaqartuunissaq ilisimasaqarnissarlu.

• Peqqinnissamik ikiortitut ilinniarsimasuunissaq

• Immikkut pisariaqartitsisunut sullissinermik soqutiginninneq

• Aalajaatsuuneq akisussaaffimmillu tigusisinnaaneq

• Qarasaasiamik nalinginnaasumik atuisinnaaneq

• Attaveqaqatigiilluarnissamut suleqatigiinnissamullu piginnaaneqarluarneq

• Suliffimmi timikkut tarnikkullu avatangiisinik pingaartitsineq

• Nassaarsiullaqqissuuneq aammalu aaqqiissutissanik allanik takunnissinnaaneq

• Oqaatsitigut allakkatigullu pitsaasumik saqqummiussisinnaaneq

• Ataatsimut isiginnissinnaaneq kiisalu allannguutinut naleqqussarsinnaaneq

• Suleqatigiissinnaaneq assigiinngitsunillu suleqateqarsinnaaneq

Sukumiinerusumik paasissutissat pillugit pisortaq Jensine Knudsen attavigineqarsinnaavoq oqarasuaatikkut +299 34 26 11 imaluunniit e-mailikkut: jsne@nanoq.gl

Atorfinitsitsinissamut oqaloqatiginninnerit sapaatip akunnerani 23-mi ingerlanneqarnissaat naatsorsuutigineqarpoq.

Atorfinititsineq pisinnaavoq 15. juli 2026 imaluunniit isumaqatigiissuteqarnikkut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.