Aningaasaateqarfimmut Sisorarfinnut aamma Nuummi ukiukkut aasakkullu sukisaarsartarfimmut allaffimmi aamma cafémi aqutsisoq

Sullissilluarnissamik aamma Aningaasaateqarfiup Sisorarfiup ulluinnarni ingerlalluarnissaanik qulakkeerinneqataarusuppit?

Ulluinnarni tamalaanik suliaqarfiusumi allaffissornermi suliassanik, sulisunik aqutsinermik aamma atuisunut suleqatigisartakkanullu attaveqarnermik nuannarisalimmik, Aningaasaateqarfik Sisorarfiit tunniusimasumik sullissiumatuumillu Allaffimmi Cafémilu aqutsisussarsiorput.

Sisorarfiit ulluinnarni ingerlanneranni Allaffimmi Cafémilu aqutsisutut qitiusumik inissisimassaatit. Ingerlatsinermi aqutsisoq Siulersuisunilu siulittaasoq qanimut suleqatigissavatit tamatumalu peqatigisaanik cafép ulluinnarni ingerlanneqarneranut, bilitsinik tuniniaanermut aamma sisoraatinik attartortitsinermut kiisalu sulisunut sullissinermik sulialinnut akisussaaffeqassaatit.

Pingaarnertut suliassatit

·       Ingerlatsinermi aqutsisup aamma Teknikkimut tunngasunik suliaqartup suleqatigineratigut ulluinnarni ingerlatsinerup tungaatigut ikiuineq

·       Allaffissornermi suliassanut tunngatillugu Ingerlatsinermi aqutsisumut aamma Siulersuisuni siulittaasumut ikiuineq

·       Ingerlatsinermi aqutsisoq ikiorlugu illinernik atuisut, suleqatigisartakkat, peqatigiiffiit soqutigisaqaqatillu saaffiginnissutaannut akissuteqarneq

·       Suleqatigiissitat siulersuisullu ataatsimiinnerannit imaqarniliorneq

·       Ingerlatsinermi aqutsisoq ikiorlugu tapiisartunut peqatigiiffinnullu attaveqarneq

·       Cafép ulluinnarni ingerlanneqarneranut, matumani sulinissamut pilersaarusiornermut, sulisunik atorfinitsitsinermut nioqqutissanillu inniminniinissamut akisussaaffeqarneq

·       Ataqatigiissaarineq aamma bilitsinik tuniniaaneq sisoraatinillu attartortitsinermi peqataaneq

·       Cafémi sulisunik sullissinermik suliaqartunik aamma sisoraatinik attartortitsinermi suliaqartunik aqutsineq

Illit ujartorpatsigit

·       Sullissiumatooq, kiinneraartoq aamma suleqatiginnissinnaassuseqarluarlunilu attaveqateqallaqqissoq

·       Aaqqissuussaasumik sulisartoq, tamakkiisumik takunnissinnaasoq allaffissornikkullu piginnaasaqarluartoq

·       Akisussaassusermik pingaartitsisoq, eqaatsumik sulisinnaasoq aallarniisinnaasorlu

·       Sulisunik aqutsinermik misilittagalik soqutigisalilluunniit aamma IT-mi atortunik nalinginnaasunik ilisimasaqarluartoq

Allaffissornermik, sulisunik aqutsinermik, cafémik ingerlatsinermik, sullissinermik, takornariaqarnermik assigisaanilluunniit misilittagaqaruit iluaqutaassaaq, piumasaqaataanngilarli.

Neqeroorutigaavut

·       Kalaallit Nunaanni sisorarfimmi sunngiffimmilu ornittakkami annerpaami ulluinnarni ingerlatsinermi atorfik soqutiginartoq tamalaanillu suliaqarfiusoq

·       Sisorarfinni cafép, sullissinerup sammisaqartitsinerillu ineriartortinnissaanut tunngatillugu sunniuteqarnissamut periarfissaq

• Suleqatit suleqatigisartakkallu tunniusimasut immikkuullarissut

• Piginnaasat malillugit akissarsiatigut atorfinitsititaanermilu atugassarititaasut

Qinnuteqaat

Atorfik pillugu apeqqutissaqaruit Siulersuisuni siulittaasup Peter Oluf Meyerip mailikkut p@pomeyer.gl-imut attaviginissaanut tikilluaqqusaavutit

Kingusinnerpaamik pingasunngornermi ulloq 21. oktober 2026 qinnuteqaatit aamma CV nassiutikkit.

Piaartumik atorfinitsitsisoqassaaq. Sulilertussaq eqqortoq utaqqisinnaavarput. Ingerlaavartumik oqaloqatiginnittassaagut aamma piukkunnartumik nassaarutta atorfiup inuttalernissaanut imminut pisinnaatippugut. 

Tusarfiginissannut qilanaarpugut.