Aningaasaqarnermi Ilinniartitsisoq Greenland Business School, Niuernermik Ilinniarfik

Greenland Business School-imut niuerneq aningaasaqarnerlu pillugit ilinniakkanut ilinniartitsisut

Aningaasaqarnermi, iliuusissamik qinersineq, niuerneq tunisineq kalaallisut? 

Niuernermik Ilinniarfik / Greenland Business School (GBS)-imi ilinniartitsisunik ujaasivugut, aningaasaqarnermut, niuernermilu sammisanik ilinniartut atugassaannik tunniussisinnaasumik, taakkua kalaallit niuertarfiini, pisortallu suliffeqarfiini atorsinnaasaannik. 

Ilinniartitsisut ujarpagut ilinniakkanut MerX, AU, BA naligalugit 

GBS ilinniarfeqarfiuvoq Namminersorlutik Oqartussat ataaniittoq, ilinniakkanillu inuussutissarsiutit aallavigalugit ilinniakkanik neqerooruteqartartoq. Siunertaavoq neqeroorutit inerisartuarnissaat suliffeqarnermilu pisariaqartitsinermut tulluussarnissai, ilinniartullu piginnaasaat kalaallisut ataqatigiisinniarlugit. 

Ilinniartitsissutigisinnaavatit: 

• Afsætning (C- og B-niveau) 
• Finansiering (C-niveau) 
• Erhvervsøkonomi (10 ECTS) 
• Økonomistyring (10 ECTS) 
• Erhvervsret (10 ECTS) 
• Offentlig økonomistyring (5 ECTS) 
• Investering og finansiering (5 ECTS) 
• Årsrapport (10 ECTS) 
• Organisationsadfærd (10 ECTS) 
• Markedsføring og virksomhedsstrategi (10 ECTS) 
• HR i praksis (10 ECTS) 
• AU-afgangsprojekter 

Ilinniartitsissutigisinnaasatit katiterneqarsinnaapput, apeqqutaalluni illit profil-it qanoq ittuunersoq. Qinnuteqarnissannullu tikilluaqqusaavutit, qulaani taaneqartut saniatigut allanik aamma ilinniartitsissuteqarsinnaaguit. 

Illit pillutit: 

Ilinniakkamik ingerlaqqiffiusumik ilinniagaqarputut aningaasaqarneq, erhvervsøkonomi, finansiering, strategi imaluunniit assigisai– kandidat naligalugu. Imaluunniit kalaallit, pisortallu suliffeqarfiini suliffinniluunniit siunnersuisarfinni nunaanni sulinermik misilittagarputit uppernarsaatitalinnik. 

Ilinniartitsinermik, ingerlatitseqqiinermik imaluunniit piginnaasanik ineriartortitsinermi misilittagaqarputit – ilinniartitsisutullu ineriartornissamik kissaateqarlutit. Pædagogikum, lektorgrad imaluunniit assigisai iluaqutaassaaq, kisiannili piumasaqaataanani.

Annertuumik iluaqutaassaaq kalaallisut atuartitsisinnaaguit, kalaallit Nunaanni inuussutissarsiorneq pillugu, ingerlatsinerullu sannanik ilisimasaqaruit. Pingaartilluinnarparput, ilinniartitsinerit sulinermut atoriaannaanissaa, najukkamilu aallaaveqartumik tungaveqarnissaa. Atuartitsineq kalaallisut qallunaatullu ingerlanneqarsinnaavoq, ilaatigullu tuluttut. 

Atuartitsineq ersarissumik toqqissisimasumillu sinaakkusersinnaavat, ilisimasaqarneq taassumalu atuutsinnissaa ingerlaqatigiisillugit, tassani ilinniartut ilikkarnissaminnut, pikkorissinissamut, piginnaasaqalernissaminnullu periarfissarissaarlutik. Klasse-mi arlalinnik oqaaseqarfiusumi atuartitsinerlu aaqqissuullugu, taamaasillutit oqaatsitigut aporfilersorneq pinaveersaarlugu. Suliffimmi ineriartortumiilissaatit, suleqatigiit atorfiillu akimorlugit. 

Suliassat: 

Suliassaraatit atuartitsineq, pilersaarusiorneq, misilitsisineq, censorinillu suleqateqarneq. Ineriartortitsinermut peqataassaatit, atuartitsinerullu pitsaassusaanik qulakkeerinnissallutit, kiisalu Kalaallit Nunaanni suliffimmi sungiusarfinnik suleqateqassallutit pisortat suliffeqarfiutaanni, namminersortuniluunniit. 

Naatsorsuutigaarput, ilinniartitsinermik ilisimasanillu avitseqateqarlutit, ilinniartitsinermik pilersitsissasutit. 

Ilinniartitsisutut ilinniarnermi aqutsisumut pisortamullu attaveqaateqassaatit, ilinniartitsisunullu suleqateqarlutit. 

Suliffik nammineernartoq, unamminartortalik suliffeqarfimmi ineriartortumi. Eqimattammi tunniusimasuni, piginnaasatigullu perorsaanikkullu ineriartorfissalimmi ilaalissaatit. 

Sulinerup sivisussusaa nal.ak. 40 tiimit sap.ak.-ni. 

Atorfiullu inuttalerneqarnissaa kissaatigineqarpoq ulloq 01.08.2026 imaluunniit isumaqatigiissuteqarnikkut. 

Paasissutissat allat

Annertunerusumik paasisaqarusukkuit Ilinniarnermi pisortaq, Annasofie Wædeled-Møller +299 342554, anwm@gbs.gl attavigisinnaavat

Greenland Business School pillugu paasiniaasinnaavutit nittartakkamut uunga iserlutit: www.gbs.gl

Qinnuqaat 

Qinnuteqaammut killigititaq 10. April 2026.

Atorfimmut oqaloqateqarnerit ataavartumik ingerlanneqassapput. 

Atorfik pillugu oqaloqatigiilinnginnermi, atorfimmut piukkunneqartut suliassamik piviusumik tunineqassapput, taanna toqqammaviliissaaq atuartitsinerup, asiigiingissisitaarineq, klasse-mi arlaninnik oqaaseqarfiusumi sulinerup eqqartornissaanut.

Qinnuteqaatit nassiuguk, CV, ilinniarsimanermut- pikkorissarsimanermut uppernarsaatit, kiisalu qinnuteqaammut soqutiginarsinnaasut ilanngullugit tooruk “qinnuteqaat nassiuguk”.

Mail-ikkut qinnuteqaatit tiguneq ajorpagut.

Tusarfiginissat qilanaaraarput. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job