Aningaasaqarnermut Akileraartarnermullu Naalakkersuisoqarfik KNI-mik sullissinissamik immikkoortumut specialkonsulentissarsiorpoq / chefkonsulentissarsiorpoq

Aningaasaqarnermut Akileraartarnermullu Naalakkersuisoqarfik KNI-mik sullissinissamik immikkoortumut specialkonsulentissarsiorpoq / chefkonsulentissarsiorpoq

Inuiaqatigiinnut pingaarutilinnik politikikkut tamanillu annertuumik eqqummaariffigineqartunik suliaqarusuppit, aningaasaqarnikkut misissueqqissaarnernik nammineerlutillu suliassanut aaqqissussiortarnermik misilittagaqarpit? Taamaakkuit imaassinnaavoq illit tassaasutit specialkonsulentissarsiorpoq / chefkonsulentissarput nutaaq.

Atorfik pillugu 

Aningaasaqarnikkut Pilersaarusiornermut Immikkoortumi specialkonsulentitut / chefkonsulentitut naalakkersuisoqarfiup KNI-mik sullissinissamik isumaqatigiissummut tunngasunik suliassai suliarisassavatit, tassani nioqqutissanik pilersuineq, orsussamik pilersuineq, aningaaseriveqarnermik pilersuineq pillugu sullissinissamik isumaqatigiissutit kiisalu toqoraaviup Neqi A/S Narsamiittup ingerlanneqarnera pillugu sullissinissamik isumaqatigiissut ilanngullugu.

Immikkoortoq suliatigut pisariusoq politikikkut annertuumik eqqummaariffigineqartoq, misilittagaqarnermik, nammineersinnaanermik politikikkullu aalajangiinissanut sukumiisunik aalajangernissamut tunngavissanik qulakkeerinnissinnaanermut piginnaaneqarnermik pisariaqartitsiviusoq pineqarpoq. Atorfiup ulluinnarni immikkoortumi sulianik aqutsinissaq ingerlatsisunillu attuumassuteqartunik qanimut oqaloqatiginninnissaq malitsigaa.

Aningaasaqarnermik Pilersaarusiornermut Immikkoortumut ilanngutissaatit immikkoortumilu pisortaq/allaffimmi pisortaq qaninnertut qullersarissallugu.

Suliassatit

Suliassat pingaarnerit makkuupput:

• Aningaasaqarnikkut misissueqqissaarnernik, misissueqqaarnernik, allakkianik politikikkullu suiarinninnissamut aalajangernissamut tunngavissianik suliaqarneq

• KNI-mik sullissinissamik isumaqatigiissummut tunngasunik naalakkersuisoqarfiup suliassaanik suliarinninneq

• Nalunaarusiortarnermik malitseqartitsisarnermillu atortorissaarummik pisariitsumik paasiuminartumillu pilersitsineq ingerlatsinerlu

• Nioqqutissanik pilersuinermik suliat pillugit KNI-mik ingerlaavartumik oqaloqatiginnittarneq ataqatigiissaarinerlu, tassani innuttaasut saaffiginnissutaanik malitseqartitsinerit ilanngullugit

• Nioqqutissanik pilersuineq pillugu aningaasaqarnikkut ingerlatsinikkullu misissueqqissaarnerit, tassani inoqarfinni ineriartornissamut sullissinermik nalimmassaarnerit ilanngullugit

• Sullissinissamik isumaqatigiissutinik allanik malitseqartitsineq, tassani orsussamik aningaaserivinnillu pilersuineq ilanngullugit

• Narsami toqoraavimmik (Neqi A/S) iluarsaaqqinnermik suliaqarneq malitseqartitsinerlu

• Ataatsimiinnerni, suleqatigiissitani suleqatigiiffinnilu peqataanerit

• Mittarfeqarfiit/Greeland Airportsimit ingerlatsinermut pilersuinermillu aaqqissuusseqqinnermut attuumassuteqartunik suliat, tassani siunissami aaqqissuussinissamut isumaqatigiissuteqarnermullu pissutsinik naliliinerit ilanngullugit.

• Naalakkersuisoqarfiup akisussaaffiisa iluanni suliassanik nukingiussanik isumaginninneq

Naatsorsuutigaarput illit,

• Aningaasarsiornerup, inuiaqatigiinni ilisimatusarnermi allaffissornermiluunniit naapertuuttumik ilinniagaqartutit, imaluunniit suliassanik assingusunik annertuumik misilittagaqartutit

• Aningaasaqarnikkut misissueqqissaarnermik, isumaqatigiissutinik aqutsinermik aalajangernissamullu tunngavissianik suliaqarnernik misilittagaqartutit

• Nammineerlutit, aaqqissuussamik siunnerfeqarluartunillu sulisinnaasutit

• Allattariarsornermi oqalunnermilu paasissutissiillaqqissuusutit

• Ajornanngippat politikikkut aqunneqartumik ingerlatsivimmi misilittagaqartutit

• Kalaallit Nunaanni inuiaqatigiinnik pissutsinik ilisimasaqartutit (iluaqutissaq)

Makku neqeroorutigaavut

• Suliffik pissanganartoq annertuumillu akisussaaffeqartoq

• Sulinermi avatangiisit nukittuut tunniusimasunik suleqateqarfiusut

• Politikimut tunngasunik qanimut suliaqarnissamut periarfissalik

• Pingaarnertut anguniakkap iluani annertuumik nammineerluni suliaqarneq

• Suleqatigiinneq persuarsiortuunngitsoq aalajangiisartunullu qanittuuneq

Uagut,

Naalakkersuisoqarfik Naalakkersuisut ataanni qitiusumik allaffeqarfissuarmut ilaavoq. Naalakkersuinermi aningaasaqarneq suliatsinnut qitiuvoq. Naalakkersuisoqarfik maanna immikkoortunut arlalinnut agguarsimasunik 26-nik sulisoqarpoq, immikkoortullu tassaapput aningaasaqarneq, inatsisilerineq nunalu tamakkerlugu pilersaarusiorneq. Naalakkersuisoqarfiup ataani Akileraartarnermut Aqutsisoqarfik, Aningaasaqarnermut Sulisoqarnermullu Aqutsisoqarfik kiisalu Kalaallit Nunaanni Naatsorsueqqissaartarfik inissisimapput.

Aningaasaqarnermut Akileraartarnermullu Naalakkersuisumik sullissineq siunnersuinerlu kiisalu aningaasaqarnermik politikimik ataqatigiissaarineq pingaarnertut suliassaraarput. Aningaasaliinernut akileraarusiisarnermullu inatsisinik suliarinninneq, nakkutilliinernik misissueqqissaarnernillu suliassat, aningaasaqarnikkut timitalinnillu pilersaarusiornermik suliaqarneq kiisalu aningaasaqarnikkut aaqqissuusseqqinnerit allarpassuillu suliarisaraavut. 

Aningaasarsiatigut atorfinitsitaanermilu atugassarititaasut

Atorfik Kalaallit Nunaanni Namminersorlutik Oqartussat kattuffiullu attuumassuteqartup akornanni isumaqatigiissutit atuuttut naapertorlugit inuttalerneqassaaq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat

Atorfik pillugu paasissutissat erseqqinnerusut immikkoortumi pisortamut Michael Pedersenimut oqarasuaat 34 69 28, e-mail: micp@nanoq.gl saaffiginninnikkut pissarsiarineqarsinnaapput

Qinnuteqarneq

Qinnuteqarnissamut killiliussaq: Ataasinngorneq 30. januar 2026 nallertinnagu.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut Namminersorlutik Oqartussat atorfinitsitsinermut atortorissaarutaat aqqutigalugu nassiunneqassapput. Qinnuteqaatit e-mailikkut tiguneqarneq ajorput.

Qinnuteqaat nassiuguk