Piffissami killilimmi atorfik inuttassarsiuussaq: Ilulissani inuussutissarsiornermik ilinniarfimmik nutaamik pilersitsinissamut suliniummik aqutsisoq

FAKTA

Atorfiup suussusaa: Piffissami killilimmi atorfik inuttassarsiuussaq: Ilulissani inuussutissarsiornermik ilinniarfimmik nutaamik pilersitsinissamut suliniummik aqutsisoq

Suliffeqarfik: Ilinniartitaanermut Naalakkersuisoqarfimmi

Qinnuteqarfissamut killigititaq: 10. december

Attavissaq: Trine Egede e-mailikkut treg@nanoq.gl-imut imaluunniit oqarasuaatikkut 345147-mut

Kalaallit Nunaanni inuussutissarsiornermik ilinniartitaanerit siunissami pilersinneqarnissaannut peqataarusuppit? Suliniummik aqutsisumik misilittagaqarluartumik iliuuseqarsinnaassuseqarluartumillu pissarsiorpugut, Ilulissani inuussutissarsiornermik ilinniarfimmik nutaamik pilersitsinissamut suliniummut siuttuusussamik.

Periarfissaq immikkuullarissuuvoq ilinniartitaanermik ingerlatsivimmik nutaamik pilersitsinermi qitiusumik inissisimalernissamut, peqatigisaanillu Kalaallit Nunaanni inuusuttunut inersimasunullu ilinniarnissamut periarfissanik pitsaanerusunik pilersitseqataanissamut.

Atorfik pillugu
Suliniummik aqutsisutut pilersitsinissamut suliaq pilersaarusiornerup aallartinneraniit piviusunngortinneqarnissaata ingerlatsinerullu aallartinneqarnissaata tungaanut ingerlannissaa ataqatigiissaarisuuffiginissaalu akisussaaffigissavat. Peqatigisaanik suliniutip siuariartornera qulakkiissavat, kiisalu aaqqissuussaanermut, allaffissornermut, ilinniartitaanermut tunngasunut aamma pilersitsinermut atatillugu suliassanik ataqatigiissaarissallutit.
Oqartussaasut, ilinniartitaanermik suliaqartut, inuussutissarsiortut soqutigisaqaqatigiillu allat suleqatigineranni qitiusumik inissisimassaatit. Taamaattumik suleqatiginnillaqqissuunissat pisariaqarpoq. 

Atorfik aallaqqaammut ukioq ataaseq atuuttussatut naatsorsuutigineqarpoq, sivitsorneqarsinnaanerali periarfissaalluni.

Suliassatit pingaarnerit tassaassapput

  • Pilersitsinissamut suliap tamarmiusup aqutsisuuffiginissaa ataqatigiissaarisuuffiginissaalu.

  • Suliniutip pilersaarusiorneri, piffissamut pilersaarutai missingersuutaalu suliarissallugit malinnaaffigissallugillu.

  • Ilinniarfiup aaqqissuussaanikkut, allaffissornikkut ilinniartitaanermullu tunngasutigut sinaakkutaasa pilersinneqarnissaat qulakkiissallugu.

  • Ilinniartitsinermut atugassanik, sannavinnik atortussanillu pisariaqartunik pilersitsinissaq ataqatigiissaarisuuffigissallugu.

  • Ilinniarfiup siunissami aaqqissuussaanissaa, sulisussaqarnissaa ingerlanneqarnissaalu pisortanngortussaq suleqatigalugu pilersaarusiorlugit.

  • Oqartussaqarfinnik attuumassuteqartunik, ilinniartitaanermik ingerlatsivinnik inuussutissarsiutinillu suleqateqalernissaq pilersissallugu.

  • Suliniutip suliassaqarfiini assigiinngitsuni siuariartorneq, pitsaassuseq ataqatigiissaarinerlu qulakkiissallugit.

Piginnaasat kissaatigineqartut:
Ujartorparput ilinniagaqarnikkut naleqquttumik qaffasissumik ilinniagaqarsimasuunissat kiisalu suliniutinik aqutsinermi, aaqqissuussaanermik ineriartortitsinermi imaluunniit ilinniartitaanermut tunngasunik aqutsinermi annertuumik misilittagaqartuunissat.

Pingaaruteqarluinnarpoq Kalaallit Nunaanni inuussutissarsiornermik ilinniartitaanermut aaqqissuussinermut ilisimasaqarluarnissat, tassunga ilanngullugit inuussutissarsiornermik ilinniartitaanerup ilusilersugaanera, inatsisitigut sinaakkutai, aaqqissuussaanera ulluinnarnilu ingerlanneqarnera.

Kalaallit Nunaanni inuussutissarsiornermik ilinniartitaanermi atugassarititaasut immikkut ittut unammilligassallu paasisimasaqarfigilluassavatit, tamatumani pineqarput atuarfimmi ilinniartitsinerup, suliffimmi sungiusarnerup, suliffeqarfiit, ilinniarfiit kiisalu oqartussaasut attuumassuteqartut akornanni suleqatigiinneq ataqatigiissaarinerlu.

Taamaattumik immikkut ittumik pingaartipparput, Kalaallit Nunaanni inuussutissarsiutinut ilinniartitaanerit pillugit uppernarsaatissaqartumik ilisimasaqarluartuunissat, taakkulu ingerlanneqarnerannut ineriartortinneqarnerannullu misilittagaqarnissat, kiisalu ilinniartitaanermik ingerlatsiviit aaqqissuussaanikkut, allaffissornikkut aningaasaqarnikkullu sinaakkutaannik paasisimasaqarnissat.

Naatsorsuutigaarput:

  • Suliniutinik aqutsinermi, aaqqissuussaanikkut ineriartortitsinermi imaluunniit aqutsinermik suliaqarnermi misilittagaqarluartuusutit.

  • Kalaallit Nunaanni inuussutissarsiutinut ilinniartitaanerit sinaakkutaannik atugassarititaannillu paasinnilluarsinnaasutit.

  • Atuarfimmi ilinniartitsinerup, sungiusarluni sulinerup, ilinniarfiusinnaasut suliffeqarfiillu akornanni ataqatigiinnerup qanoq ittuuneranik ilisimasaqartuusutit.

  • Periusissiatigut sulisinnaasutit, peqatigisaanillu sulinermi siuariartorneq qulakkeerlugu.

  • Aaqqissuulluakkamik suliaqarsinnaasutit, namminersorlutit sulisinnaallutit angusaqarnissamullu toraagaqartuullutit.

  • Suleqatiginninnermut attaveqaqatigiinnermullu piginnaasaqarluartuusutit.

  • Attaveqatigiinnik pilersitsisinnaasutit soqutigisaqaqatigiinnillu assigiinngitsunik anguniagaq ataatsimoorussaq pillugu katersuutsitsisinnaallutit.

Kalaallit Nunaanni inuiaqatigiinni pissutsinik, oqaatsinik kulturimillu ilisimasaqarnissat iluaqutaassaaq.

Neqeroorutigaarput

  • Inuussutissarsiutinut ilinniarfimmik nutaavimmik pilersitsinermi pingaarutilimmik inissisimanissat

  • Suliniutip ineriartortinneqarneranut, aaqqissuussaaneranut naammassineqarnissaanullu sunniuteqarnissamut annertuunik periarfissaqassaatit.

  • Kalaallit Nunaanni ilinniartitaanermut tunngasunut ataavartumik sunniuteqarnissamut periarfissaqassaatit.

  • Atorfik pissanganartoq assigiinngitsorpassuarnik suliassaqarfiusoq, periusissianik suliaqarnermik aamma piviusumik ingerlatsinermik imaqartoq.

Suliffik aamma atorfinitsitsinissamut piffissaq
Suliffik Ilulissani inissisimavoq, atorfinitsitsinissarlu sapinngisamik piaarnerpaamik pissasoq kissaatigineqarpoq.

Aningaasarsiatigut atorfinitsitaanermilu atugassarititaasut
Atorfik AC-fuldmægtigitut imaluunniit specialkonsulentitut inissisimavoq, piumasaqaataasunullu misilittagaqarluartoq specialkonsulentitut atorfinitsinneqarsinnaavoq. Akissarsiat aamma atorfeqarnermi atugassarititaasut, tamatumani aamma akiliunneqarluni angalasinnaaneq aamma pequtinik angallassineq piffissami atorfiniffiusumi Namminersorlutik Oqartussat aamma kattuffiup isumaqatigiinniarsinnaatitaasup akornanni Isumaqatigiissutaasut naapertorlugit.

Atorfimmut atatillugu inissamik innersuussisoqarsinnaanngilaq. Qinnuteqarluni Namminersorlutik Oqartussani suliffeqarnermigut maanna sulisunut inissiami ineqartinneqareersimaguni, inigisaq innersuunneqarsimasoq pigiinnarsinnaavaa. Sulisunut inissiaq atorfeqarnermut atasuummat atorfeqarnerup atorunnaarnerani qimanneqartussaavoq

Qinnuteqaat
Qinnuteqaat ataaniittoq tuugassaq toorlugu nassiunneqassaaq. Maluginiaruk qinnuteqaatit e-mailikkut tiguneq ajoratsigit.


Qinnuteqarfissamut killigititaq: 10. december 2026

Atorfik pillugu apeqqutissaqaruit, Ilinniartitaanermut Naalakkersuisoqarfimmi immikkoortortami pisortaq Trine Egede e-mailikkut treg@nanoq.gl-imut imaluunniit oqarasuaatikkut 345147-mut sianernikkut attaveqarfigisinnaavat. 

Powered by Labrador CMS