Aningaasaqarnermut Sulisoqarnermullu Aqutsisoqarfimmi Sulisunut Inatsisilerinermulælu immikkoortumi piffissami killilimmi siunnersortimik pissarsiorput

Suliffeqarfimmi pissanganartumi suleqatigiinnut ilanngukkusussinnaavit, tassani siunertarigatsigu Kalaallit Nunaanni Namminersorlutik Oqartussanut sulisunik aqutsinermi pitsaalluinnartumik tunniussaqarnitsigut Kalaallit Nunaanni ineriartortitsinermut nukissaqalersitsinissarput?

Ataatsimik siunnersortissarsiorpugut piffissami killilimmi qaammatini 12-ni sulisussamik, ilaatigullu sivitsorneqarsinnaasumi. 

Kalaallit Nunaanni Namminersorlutik Oqartussat Qitiusumik Allaffeqarfiat suliffeqarfiuvoq pissanganartoq assigiinngitsunillu suliaqarfiusoq, tassaniipput naalakkersuisoqarfiit aqutsisoqarfiillu arlallit tamarmik immikkut aalajangersimasunik suliaqarfiusut.

Sulisoqarnermut Inatsisilerinermullu allaffik Aningaasaqarnermut Naalakkersuisoqarfimmi Aningaasaqarnermut Sulisoqarnermullu Aqutsisoqarfimmi inissisimavoq.

Sulisunut suliat suliarisarpagut, isumaqatigiissutit qanoq paasineqarnissaat nassuiartarlugu, sulisut Namminersorlutik Oqartussat taakkulu ataanni immikkoortuni tamani isumaqatigiissutit kiisalu tjenestemandinut soraarnerussutisianut inissisimaneri malillugit akissarsiaannik sullissisarlutik. 

Sulisoqarnermut Inatsisilerinermullu immikkoortortami sulisunut siunnersortit qulit, inatsisilerituut marluk, allaffimmi pisortat marluk kiisalu uunga inuttassarsiuussaq sulisuupput. Sulisunut Inatsisilerinermullu immikkoortortami allaffimmi pisortaq Barbara S. Østergaard qullersarissavat. Taassuma saniatigut akissarsialerinermut immikkoortortaq kiisalu akissarsianik teknikkikkut immikkoortortaq qanimut suleqatigineqassapput. 

Suliassatit pingaarnerit

• Akissarsianut isumaqatiginninniarnernut atatillugu aggeqqusissutinik aaqqissuussineq pilersaarusiornerlu

• Akissarsianut isumaqatiginninniarnerni isumaqatiginninniarnermut pisortamut, allaffimmi pisortanut kiisalu sulisunut inatsisilerituunut ikiuunneq

• Tjenestemandit soraarnerussutisiassaannut tunngasunik suliarinnittarneq

• Tjenestemandinut tunngatillugu inatsiseqartitsinermut aamma atorfeqartitsinermi inatsisinut tunngasuni malittarisassanut allanut tunngasunik siunnersuisarneq nassuiaassisarnerlu

• Isumaqatigiissutit nassuiarneri

• Akissarsianut isumaqatigiissutit kiisalu isumaqatigiissutit naapertorlugit akissarsianik inissiiniarnermut aalajangiinerit

• Inuttut ataasiakkaatut kiisalu eqimattanut atorfinitsitsinernut tunngasunik inatsisinut tunngasunik suliassat takkussuuttut naapertorlugit suliarinninnerit.

Tamakkua saniatigut suliarisinnaavatit ilitsersuusiorneq, immersuiffissaliorneq atortunillu tamanut saqqummiussineq kiisalu Namminersorlutik Oqartussani suliaqarfiit assigiinngitsut suliassanik isumaginninneq.

Suleriaatsinik, ingerlatsinernik il.il. pisariillisaanermik soqutigisaqarpit pikkoriffeqarlutillu, taava tamanna iluaqutaalluassaaq.

Suleqatissarsiorpugut:

• Bacheloritut, professionsbacheloritut imaluunniit allaffimmiutut ilinniagalimmik

• Suleqatigiuminartuuvutit, isumasioqatigiuminartuuvutit aamma suleqatinnut ilisimasannik avitseqatiginnillaqqissuullutit.

• Unamminartumik suliaqarnissamut naammassinninnissamullu tunuarsimaartuunngilatit

• Oqaluttariarsorlutit allattariarsorlutillu qaffasissumik pitsaasumillu saqqummiisinnaassaatit

• Inuiaat kalaallit, kulturi aamma kalaallit oqaasiinik ilisimasaqaruit iluaqutaassaaq

• Mianersorluni silatusaartoq, sullissillaqqillutit inussiarnersuullutillu

Suliffeqarfittut neqeroorutigisinnaavagut suliffik sulisunik pimoorussisunik sulisulik aamma qanimut attaveqaqatigiiffiusoq, suliatigut isumasioqatigiiffiusartoq immikkoortortaqarfimmilu pisortaanernut qanimut oqaloqatigiiffiusartoq kiisalu inuttut ilinniakkatigullu ineriartorfissaqartoq.

Qinnuteqartoq eqqortunik uppernarsarneqarsinnaasunik piginnaaneqartoq, immikkut siunnersortitut imaluunniit siunnersortit pisortaattut/siunnersortaanertut atorfinitsinneqarsinnaavoq.

Paasissutissat allat

Atorfik pillugu paasisaqarnerorusukkuit allaffiup pisortaanut Barbara S. Østergaardimut mailimut uunga attaveqarnissarnut tikilluaqqusaavutit: baso@nanoq.glimaluunniit oqarasuaammut uunga sianerlutit +299 34 64 41.

Qinnuteqaat

Qinnuteqarfissamut killigititaq tassaavoq 27. juli 2025. Oqaloqatigiinnerit sapaatit akunneranni 31-mi pinissaat naatsorsuutigineqarpoq.

Aningaasaqarnermut Sulisoqarnermullu Aqutsisoqarfik pillugu

Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu.

ASA-p pingaartitai pingasut tassaapput:

Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut

Suleqatigiinneq - Suleqatigut sullitavullu pitsaasumik suleqatigaavut

Isumassuineq - Ikiuukkumatuujuvugut akunnitsinnilu paareqatigiilluta

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk