AQQUT, nunatsinni aqqutissiuussinermik ingerlatsivik ilinniartitsinermut inspektørinik pingasunik pissarsiorpoq

Ilinniakkanut tunngasunut immikkoortortaqarfiup ataaniittussanik tassungalu akisussaaffeqartussanik ilinniartitsinermut inspektørissanik atorfinnik pingasunik AQQUT matumuuna allagarsiussaqarpoq. 1. juli 2025 imaluunniit isumaqatigiissuteqarnikkut atorfininnissaq pissaaq.

AQQUT pillugu

Ukioq naallugu nuannersumik uummaarissumillu AQQUT suliffeqarfittut ingerlasarpoq. Aqqummi atorfiit ilivitsut arfineq pingasut akuersissutaapput tassaallutik Ilinniartitsisut, inerisaanermut siunnersortit aamma allaffimmiut. Suiaassutsikkut ukioqassutsikkullu assigiinngisitaartuuvugut, ilinniakkanillu assigiinngitsunik tunuliaqutaqarluta.

Ilinniartitaanermut, Kultureqarnermut Ilageeqarnermullu Naalakkersuisoqarfiup ataani immikkoortuuvugut ilaatigullu siunertaralugu naliliineq aamma aqqutissiuussinermik inerisaaneq kiisalu ilinniarfinni assigiinngitsuni aqqutissiuussisunut ilinniakkanik pikkorissaanernillu neqerooruteqarnissaq.

Atorfik pillugu

AQQUT ilinniartitsinermut inspektørinik pissarsiorpoq Aqqut-mi ilinniakkanik pikkorissaanernilu ilinniartitsineq pingaarnerutillugu kiisalu taakku allaffissornikkut ingerlanneqarnerannik suliaqartussanik. Ilinniakkanik pikkorissaanernillu pilersaarusiorneq, piareersaaneq aamma piviusunngortitsineq suliarineqassaaq.

Nunatsinni aqqutissiuussinerup kivinneqarnissaanik aamma meeqqat atuarfianni aqqutissiuussinermik ilungersuuteqarusuttut piumavagut. AQQUT-mi suleqatigiit allat peqatigalugit immikkoortortallu akimorlugit suliani aqqutissiuussinermilu suliaqarnermik inerisaaqqinnissamik ilinniartitsinermut inspektørit peqataassapput. Ilinniartitsinermut inspektørit AQQUT-mi allaffimmi pisortamut akisussaaffeqassapput.

Ilinniartitsinermut inspektørit suliassaat:

• Ilisarititsissummik pikkorissaanerni, VGU (aqqutissiuussisutut tunngaviusumik ilinniagaq) kiisalu ingerlaqqiffiusuni pikkorissaanernilu allani attuumassuteqartuni ilinniartitsineq

• Qulaani taaneqartut pillugit qinnuteqartunik, ilinniartussarsiornernik, angalanissanik akunnittarfinnillu inniminniinernik il.il. allaffissornikkut isumaginninneq

• Ilinniakkanik pikkorissaanernillu neqerooruteqarnissamut akisussaaffeqarneq

• Ilinniartitsisunut avataaneersunut attaveqartarneq pilersaarusioqataasarnerlu

• Ilinniutissanik inerisaaneq

• Internetti atorlugu ilinniarnermi avatangiisinik pilersitsinissamut akisussaaneq.

• Meeqqat atuarfianni aqqutissiuussinerup tungaatigut inerisaanermut tapersiuteqarnissaq

• Immikkoortut akimorlugit pilersaarusiani suliassanilu peqataanissaq, soorlu ukunani:

• Aqqutissiuussisut ataatsimeersuartinneqarnerannik pilersaarusiorneq piviusunngortitsinerlu aamma

• Attaveqaqatigiiffinni ataatsimiisitsinernik tulleriiaarineq inerisaaffissanillu isumaginninneq

• Ilinniagaqarusuttunut, ilinniartunut, qaffasinnerusunik ilinniakkani ilinniartunut aqqutissiuussisunullu ilitsersuusiornermi sakkussiornermilu peqataaneq

Piginnaasassatut piumasaqaatit:

• Ilinniartitsisutut ilinniagaqarsimaneq, aamma aqqutissiuussinerup iluani ilinniagaqarsimaneq imaluunniit allamik naleqquttumik ilinniagaqarsimaneq

• Nunatsinni ilinniartitaanermut ilisimasaqarluarneq, pingaartumik politikkikkut sulinermut aamma aqqutissiuussinermut inatsisinut

• Nunatsinni kulturimut inuiaqatigiinnullu ilisimasaqarluarneq

• Pilersaarut malillugu sulisinnaaneq, akisussaassusermik misigisimaneq, utaqqiinnarani suleriarsinnaaneq aamma aaqqiissutissaqarusussuseqarneq

• Suleqatigiinni nammineerlunilu sulinerni piginnaasaqarluarneq

• Meeqqat atuarfianni aqqutissiuussinermik inerisaanermut misilittagaqarneq soqutigisaqarnerlu, kiisalu suliniuteqarnermi suleqatissat attuumassuteqartut qanimut suleqatigalugit aqqutissiuussisunut ilinniusiornermik inerisaaneq.

• Kalaallisut, danskisut tuluttullu oqaluttariarsornikkut allattariarsornikkullu piginnaasaqarluarnissaq

Qinnuteqaat

Qinnuteqaatit nassiuguk, CV nutaaq aamma ilanngussat naleqquttut ilanngullugit “Send ansøgning” toorlugu. Qinnuteqaatit ingerlaavartumik nalilersorneqassapput, atorfinitsitsisoqassallunilu qinnuteqartut tulluartut toqqarneqarpata, taamaattumik qinnuteqarusukkuit erngerlutit qinnuteqarsinnaavutit. 4. juni 2025 qinnuteqarnissamut killigititaavoq.

Atorfik pillugu paasissutissat pissarsiarineqarsinnaapput AQQUT-mi pisortamut taartaasumut Helle Hansen Rosing-imut oqarasuaatikkut +299 348443-kkut imaluunniit mailikkut hhro@nanoq.gl-kkut saaffiginninnikkut.

Aningaasarsiatigut atorfinitsitaanermilu atugassarititaasut

Meeqqat atuarfianni ilinniartitsisunut “Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip akornganni isumaqatigiissuteqarneq” naapertorlugu atorfinitsitsisoqassaaq. Qinnuteqartunut tjenestemandioreersunut nunatsinni tjenestemandinut inatsisit naapertorlugit atorfinitsitsisoqarsinnaavoq.

Aningaasarsiatigut atorfinitsitaanermilu atugassarititaasut, ilanngullugu atorfinikkiartornermi atorfeqarunnaarnermilu akiliunneqarluni angalasinnaatitaaneq pisattanillu nassiussisinnaatitaaneq Kalaallit Nunaanni Namminersorlutik Oqartussat kattuffiillu isumaqatigiinniarsinnaatitaasut akornganni isumaqatigiissutit malillugit isumagineqassaaq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaat nassiuguk