Aqutsisut allattoqarfiani attaveqaqatigiinnermut siunnersorti - Qitiusumik allaffeqarfik Nuuk

Nukissiorfiit attaveqaqatigiinnermut siunnersortimik mingutsitsinnginnissamut ikaarsaarnermut, nukissiuutinut pilersuinermullu suliffeqarfimmik soqutigisalimmik sulisussarsiorpoq.

Nukissiorfiit Kalaallit Nunaanni nukissiuutinik pilersuisuuvoq. Mingutsitsinngitsumik ineriartornissaq nunatsinnilu inuiaqatigiit piujuartitsisinnaanissaat, kiisalu nuna tamakkerlugu innuttaasunut suliffeqaarfinnullu iluaqutaasussamik pilersuinissamut isumannaatsuujuaannarnissaq angorusupparput.

Attaveqaqatigiinnermi suliniutigut pitsanngorsarniarlugit pikkorissumik nutaanillu pilersitsisinnaasumik, tassanittaaq aqutsisut allaffeqarfiani sullissinermi ikiuutaasinnaasumik attaveqaqatigiinnermut siunnersortissarsiorpugut. Suleqatigiit arfinillit eqqummaarissut suleqatigilerusukkukkit – taava qinnuteqassaatit.

Attaveqaqatigiinnermut siunnersortitut atorfik Nuummi allaffeqarfimmiippoq, allamillu isumaqatigiissuteqarsimanngikkaanni ulloq 1. novembari 2025 sulilertoqassalluni.

Attaveqaqatigiinnermut siunnersortitut allaffeqarfimmillu sullissisutut attaveqaqatigiinnermut periusissiamik aallartitsinissatsinnut qitiusumik inissisimalissaatit, kiisalu suliffeqarfiup ilumini attaveqaqatigiinnerata pilersaarusiorneranut atuutsinneqalernissaanullu aammattaaq avammut sullitanut, tusagassiuutinut tamanullu attaveqarneq.Aqutsisut allaffeqarfiani suleqatigiit arfinillit suleqatigilissavatit, taakkualu qullersaqarfiup suliffeqarfiullu sinnerata attaveqaqatigiinnissaannut ataqatigiissaarisassallutit, aqutsisunut sullissinermi suliassanik, ataqatigiissaarlugu suliassanik, iluarsartuussaasumik pilersaarusiornermi aqutsisutut suliassat, attaveqaqatigiinneq, politikkikkut sullissineq aamma ataatsimiinnernik saqqummiinissanullu piareersaaneq suliassannut ilaassallutik.

Suliassatit ilaatigut ukuussapput:

• Nukissiorfiit attaveqaqatigiinnermut periusissiamik aallartitsinissaanut suleqataaneq
• Nukissiorfiit aaqqissugaanut matumunngalu attaveqaqatigiinnermut pilersaarusiorneq ataqatigiissaarinerlu
• Suliffeqarfiup iluani avataaniillu soqutiginnittunik attaveqaqatigiinneq
• Tusagassiuutinut nalunaarutit aamma attaveqaatinut, nittartakkamut sociale medianullu nutaarsiassat suliaralugit
• Aqutsisunut allaffimmi suliassanik tigusisinnaaneq, tassani aqutsisunut sullissineq iluarsartuullugulu pilersaarusiornermi aqutsineq

Ilinnut tunngasut

Aqutsisunut allaffeqarfiup attaveqaqatigiinnermi aamma allaffissornermi suliassanik pitsaasumik suleqataasinnaasumik suleqatissarsiorpugut. Suliassat allanngorartut suliarisinnaassagitit naatsorsuutigaarput. Attaveqaqatigiinnermut, tusagassiornermi, pilerisaarinermi imaluunniit attuumassuteqartuni arlaanni bachelorimik kandidatimilluunniit ilinniagaqarsimaguit iluaqutaassaaq, aammali tunuliaqutit ammaffigaagut, ilinniakkavilli annertussusaa piumasaqaataalu aatsaat tulluartuuppata.

Takorloorparput, illit:

• Attaveqaqatigiinnermi piginnaasatit, allattariarsornikkut oqaatsitigullu, nukittussasut
• Aaqqissuussisinnaanermut aaqqissugassanullu pilersaarusiornermut piginnaasaqartutit, matumunngalu attaveqaqatigiinneq pitsaasoq qulakkeersinnaassagit
• Misissueqqissaarnissamut piginnaasaqartutit
• Attaveqaatinik suliaqarnermut ilisimasaqartutit allamulluunniit attaveqaqatigiinnermut tusagassiuutinullu attuumassuteqartunut tunngasunik misilittagaqartutit
• Digitalikkut attaveqaatinut sakkussat atorlugit, sociale mediat nittartakkallu ingerlanneqarnera suliarisinnaagitit
• Suliassat aallussinnaagitit namminersorlutillu suliaqarsinnaasutit, aamma suleqatigiit akornanniKalaallit oqaasii kulturiallu ilisimasaqarfigigukku iluaqutaassaaq

Suliffeqarfik sulisuminut tunniusimasoq ilisimasanillu ineriartornissamut naleqartitsisoq neqeroorutigaarput.

Nukissiorfiit 400 miss. sulisoqarpoq, taakkualu Kalaallit Nunaanni 17-ini illoqarfinni aamma 54-ini nunaqarfinni agguataaqqallutik. Nuummi allaffissuarmi suleqataalissaatit, tassanilu sulisut 100 miss. sulisuuvugut, aqutsisut allaffissornermilu ingerlatsineq pingaarnertut suliaralugit.

Periutsigut tunngasuupput suleqatigiinnilu ataqatigiinneq nuannersuulluni, ilisimasanik avitseqatigiinneq ineriartornerlu naleqartinneqarlutik. Allaffeqarfik assigiinngiisitaartunik sakkussalik ilikkagassanut angorusutanullu inissaqartitsilluni kajumissaasuuvoq. Suliffeqarfik, nunatsinni inuiaqatigiinnut pingaarutilimmik inissisimasoq, suliffigilissavat. Tassanilu nukissiuutinut aamma pilersuinermut suliffeqarfimmi ingerlatsinerit assigiinngitsorpassuit ilisimasaqarfigilissallugit, aamma suleqatitut Kalaallit Nunaanni innuttaasunut suliffeqarfinnullu annertuumik sunniuteqartussanut pingaarutillinnik aaliangeeqataasassaatit. Ulluinnarni anguniartarparput, Nuup nunattalu avatangiisiini assigineqanngitsuni suliffiup ilaqutariittullu inuunerup peqqinnartumik ingerlanneqarnissaanut pituttorsimanngitsumik kiffaanngissuseqartumillu nalimmassartuarsinnaanissaa.

Allatut oqaatigalugu suliffeqarfik ineriartortoq ilisimasatigut unammillernartutigulu pissanganartulik neqeroorutigaarput, tassanilu illit suliassanni sunneeqataanissannut periarfissaqassallutit. Aammattaaq suliffeqarfitsinni sulisunut kattuffik aqqutigalugu sulisunut iluaqutaasinnaasut assigiinngitsunut sammisassanut peqataanissannut periarfissaqarputit. Ilaatigut aalisariarneq, sulereernerup kingorna nunami pisuttuarneq ujakkaarnerlu kiiisalu sammisassat allat (saqqummersitsinerit, neriniartarfinnut neriartornerit il. il.) sammisassanut ilaapput.

Akissaatitigut atorfinitsitaanermilu atugassarititat:

Aningaasarsianut atorfinitsitaanermullu pissutsit Naalakkersuisut, aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu pissapput.

Attavissat

Atorfik pillugu paasissutissat erseqqinnerusut uunga saaffiginnissutaasinnaapput:

Aqutsisut allattoqarfiani pisortaq Henriette Nolsøe Rosing heros@nukissiorfiit.gl, imaluunniit oqarasuaatikkut saaffiginninneq ugguuna: (+299) 520166.

Apeqqutit nalinginnaanerusut uunga saaffiginnissutaasinnaapput: HR-mut immikkoortoqarfik, hr@nukissiorfiit.gl imaluunniit oq. (+299) 34 95 00.

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl

Atorfik una qinnuteqarfigiuk