Arctic Hub Attaveqatigiinnermi konsulentissarsiorpoq

Periusissiukkamik attaveqatigiinneq anersaaqarfigaajuk, aamma tusagassiuutit SoMe-lu misilittagaqarfigaagit? Taamaappat immaqa illerpiaq Arctic Hubimi attaveqatigiinnermi konsulentissaraatsigit

Arctic Hub issittumi ilisimatusarnermut atatillugu katersuuffiuvoq Nuummilu allattoqarfeqarluni. Uagut suliassatta pingaarnersaannut ilaavoq ilisimatusarnermik inuiaqatigiinnillu ataqatigiilersitsinissaq, matumanilu attaveqatigiinneq soorunami pingaaruteqarluinnarpoq. 

Attaveqatigiinneq tusagassiutinullu attaveqartarneq

Illit Arctic Hubimi attaveqatigiinnermi konsulentitut allattoqarfiup ingerlatitseqqiinermi suliassaanik, attaveqatigiittarfiinik tusagassiutinullu attaveqartarneranik pingaarnertut ingerlatsisuussaatit.

Illit nittartakkatsinnik attaveqatigiittarfitsinnillu ingerlatsineq akisussaaffigissavat. Aammattaaq tusagassiutinut attaveqartarneq akisussaaffigissavat, ilaatigut tusagassiorfinnut tunniussassanik allaaserisaqartarlutit allaaserisanillu tunisaqartarlutit, naleqquttunik saaffigisaqarlutit, attaveqatigiittarfinnik allanillu naleqquttunik atuillutit. Tamatuma saniatigut allattoqarfimmi pisortamik siulersuisunillu tusagassiorfinnut atatillugu iliuusissatigut piareersaasinnaassaatit aammalu tusagassiortut tusagassiorfiillu nunatsinneersut nunanillu tamalaaneersut saaffiginnissutaannik suliaqarsinnaassallutit.

Ingerlatitseqqiineq ataqatigiissaarinerlu

Attaveqatigiinnermi konsulentittaaq akisussaaffigissavaa allaaserisassanik videuliassanillu isumassarsiortarneq ataqatigiissaarinerlu. Ilaatigut illit nammineq isumassarsiannik, allaaserisannik freelancerinillu suleqartigisartakkatsinnik (allaaserinnittartunik, assiliisunik, nutserisunik, grafikerinik il.il.) ataqatigiissaarisassallutillu akunnermiliuttuusassaatit.

Aammattaaq attaveqatigiinnermi suliassat ilisimatusarfigineqartunik saqqummiussinermik aaqqissuussanik, ilaatigut workshoppertitsinernik, suliunnaarfiup nalaani ataatsimiinnernik saqqummiussillaqqinneqqusaatsitsinnillu Paasisavut-mik, pilersaarusiornermut ataqatigiissaarinermullu tunngasut akisussaaffigissavatit. 

Ilinnut neqeroorutigisinnaasavut 

Arctic Hubimi tamatigoortumik eqinnaatsuuffiusumillu suliffeqassaatit, avatangiisini qasukkarsimaarfiusuni assigiinngitsorpassuarnik suliassaqassallutit. Suleqatigiit piginnaanillit angusaqarluarniartullu – allattoqarfimmi pisortaq, suliniummut suleqataasut marluk, konsulentit marluk ilinniarnertuutullu ikiorti ataaseq – suleqatigissavatit. Suleqatigiiusugut ikittunnguit ikioqatigiittarpugut. Maani suliatsigut ineriartornissamut periarfissaqarluarpoq, suliassannullu illit nammineq sunniuteqarluarsinnaassaatit. Issittumi ilisimatusarnermik suliaqarfiit paasisimasaqarluarfigilissavatit angorusutanullu assigiinngisitaartunut ilisimatusarfigineqartunik saqqummiussisarneq misilittagaqarfigilissallugu.

Kissaatiginarpoq…:

- naleqquttumik ilinniagaqarsimanissat – assersuutigalugu attaveqatigiinnermi tusagassiornermiluunniit.

- aaqqissugaasumik attaveqatigiinnermik suliaqariaaseqarnissat, allaaserisassaqqissunik nassaallaqqinnissat tusagassiortutullu sakkugisinnaasannik ilisimaarinninnissat. 

- SoMe aamma tusagassiutinut attaveqartarnermi misilittagaqarnissat.

- kalaallisut, tuluttut danskisullu allannermut oqalunnermullu pikkorissuunissat.

- issittumi ilisimatusarnermik ilisimasaqarlutilluunniit soqutigisaqarnissat, aammalu Kalaallit Nunaanni inuiaqatigiinni politikkikkullu pissutsit paasisimasaqarfigilluassagitit. - siulliullutit iliuuseqartartuunissat aammalu namminersorlutit allanillu suleqateqarlutit suliaqarsinnaanissat. 

Arctic Hub pillugu

Arctic Hub issittumi ilisimatusarnermi Kalaallit Nunaannik immikkut sammisaqarfiusunut qitiuvoq. Kalaallit Nunaat Danmarkilu Nuummi allattoqarfimmik pilersitseqatigiipput, Arctic Hubimilu anguniakkat amerlallutillu imaannaanngillat. Allattoqarfimmi ilisimatusarnermik, ilinniagaqarnermik, inuiaqatigiinnik, ingerlatsinermik inuussutissarsiornermillu ataqatigiinnerulersitsiniaavugut. Arctic Hub pillugu atuarnerusinnaavutit nittartakkatsinni www.arctichub.gl

Qinnuteqarnissamut killigititaq: Januaarip 12-iat 2026

Attavissaq: Avijâja Rosing-Olsen, allattoqarfiup pisortaa avijaja@arctichub.gl imaluunniit oqarasuaat +299 361284

Atorfinitsitsineq: piffissaq tamakkerlugu

Atorfininnermi atugassarititaasut: Isumaqatigiissummik tunngavillit

Piffissaq atorfiniffissaq: Isumaqatigiissutigineqartoq naapertorlugu sukkanerpaamik atorfinittoqarnissaa kissaatigineqarpoq.

Akissarsiat atorfininnermilu atugassarititaasut

Akissarsiat atorfininnermilu atugassarititaasut, ilaatigut atorfininnermi soraarnermilu angalanernik akiliutsissinnaatitaaneq pequtinillu assartuisinnaatitaaneq, piffissami atorfiniffimmi Namminersorlutik Oqartussat peqatigiiffiullu isumaqatigiissusiorsinnaatitaasup isumaqatigiissutaat atuuttoq naapertorlugu.

Qinnuteqartut uppernarsarneqarsinnaasunik suliatsigut piginnaasallit specialkonsulentitut chefkonsulentitulluunniit atorfinitsinneqarsinnaapput isumaqatigiissusioreersimagaanni.

Ineqarneq

Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfimminut atatillugu ineqareeruni sulisutut inissaqartinneqarsinnaatitaaginnassaaq. Sulisunut inissiaq atorfimmut atassaaq, atorfimmillu soraartoqarnerani qimanneqassaaq.

Qinnuteqaammik, CV-mik, ilinniakkanut pikkorissarnernullu uppernarsaatinik allakkianillu naleqquttunik allanik nassiussigit ”Qinnuteqaat nassiuguk” toorlugu.

Qinnuteqaatit e-mailikkut nassiussat suliarineq ajorpavut.

Qinnuteqaat nassiuguk