Arnanut meeqqanullu nakuusernermik eqqugaasimasunut Qimarnguimmut immikkoortortami aqutsisoq

Kommuneqarfik SermersooqAqutsineq uummateqarfiusoq, siunnerfilik akissussaaffeqarfiusorlu

Kommuneqarfik Sermersuumi qimarnguimmi, arnanut meeqqanullu nakuusernermik eqqugaasimasunut suliniuteqarnitsinnut suliatigut ilisimasaqarnermik inuttullu naleqartitsinermik tunngaveqarfiusumi siuttoorusuppit?

Ulluinnarni ajornakusoortunik ajornartorsiuteqarfiusumi allanngorartumillu pisariaqartitsiffiusumi aaqqissuussaanermik, eqqissisimanermik ersarissumillu siunnerfimmik pilersitsisinnaavit?Suliffimmilu aqutsisutut inuunermut nakuusernermik toqqissisimannginnermillu eqqugaaffiusumut toqqaannartumik sunniuteqarfiusumi sulisunik aqutsinissaq kissaatigaajuk?

Taava immaqa illit kommunimi qimarnguimi immikkoortortami aqutsisussaraatsigit.

Atorfik pillugu:

Kommuneqarfik Sermersuumi arnanut meeqqanullu nakuusernermik eqqugaasimasunut Qimarnguimi immikkoortortami aqutsisutut ulluinnarni ingerlatsinermut, suliatigut pitsaassutsimut sulisunillu aqutsinermut pingaarnertut akisussaasuussaatit. Atorfik kommunip suliniuteqarfiani qitiusumik inissisimavoq tassanilu ingerlatsivimmi immikkoortortat sinneri kiisalu avataaniit suleqatigisartakkat qanimut suleqatigineqarput.

Qimarnguimmi arnanut meeqqanullu nakuusernermik eqqugaasimasunut imaluunniit nakuuserfiusumi inuusunut najugaqarallarnissaq, ikorfartorneqarnissaq isumannaatsuunissarlu neqeroorutigineqartarput. Suliniummi inatsit atuuttoq, kommunimi periusissiat aamma meeqqanut ilaqutariinnullu isiginnittaaseq pitsaasoq aallaavigineqarput.

Pingaarnertut akisussaaffeqarfiit:

∙Qimarnguimi tamakkiisumik aqutsisuuneq, tassa imaappoq suliatigut, sulisoqarnikkut allaffissornikkullu

∙Ersarissumik aaqqissuussinermik, ersarissunik suleriuseqarnermik ataatsimullu suliatigut siunnerfeqarnermik qulakkeerinninneq

∙Arnanut meeqqanullu suliniuteqarnermi pitsaassutsimut ataqatigiinnermullu tapertaaneq

∙Sulisunut toqqissisimasumik, suliatigut ilisimasaqarfiusumik ineriartorfiusumillu sullivimmi avatangiisimik pilersitsineq

∙Pilersaarusiorneq, aningaasatigut tamakkiisumik takussutissiorneq uppernarsaasiornerlu

∙Kommunimi immikkoortunik attuumassutilinnik qanimut suleqateqarneq, tamatumunnga ilanngullugit meeqqanut ilaqutariinnullu suliassaqarfik

∙Politiinik, peqqinnissaqarfimmik, inuiaqatigiinnik oqartussanillu allanik suleqateqarneq

∙Kommunimut tunngatillugu neqeroorummik ingerlaavartumik ineriartortitsinermut naleqqussaanermullu tapertaaneq

Immikkoortortami aqutsisumik pissarsiorpugut:

∙Sulisunik aqutsinermik misilittagalimmik, ajornanngippat isumaginninnermut imaluunniit qimarnguimmut suliassaqarfimmit

∙Qanilaassuseqarluni, toqqissisimanartumik aalajangiisinnaassuseqarlunilu aqutsisinnaasumik

∙Naleqqussarsinnaasoq aamma suliffimmi pisuni ajornakusoortuni naatsorsorneqarsinnaanngitsunilu sulisinnaasumik

∙Aaqqissuussaasumik sulisinnaasumik aamma akisussaassuseqarluni pingaarnersiuillunilu sulisinnaasumik

∙Ersarissumik, ataqqinnittumik tatiginnilersitsisumik attaveqateqarsinnaasumik

∙Kalaallit Nunaanni innuttaasunut atugassarititaasunik kulturikkullu sinaakkutaasunik ilisimannittumik – imaluunniit paasisimasaqartumik

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Ilanngullugit pingaartippavut illit:

∙Pitsaasumik inunnut isiginnittaaseqartutit aamma arnanik meeqqanillu ataqqinnillutik naleqartitsillutillu naapinnittartutit

∙Sulisut akornanni peqatigiinnermik siunnerfimmillu pilersitsisinnaasutit

∙Aalajangiinissamut sapinngitsutit aamma aqutsisutut akisussaaffeqarnermi aalajangiusimasinnaasutit

∙Suliatigut, inuttut aaqqissuussaanikkullu isiginnittaatsinik takunnissinnaasutit

Kommuneqarfik Sermersuup neqeroorutigai:

∙Aqutsisutut atorfik inuiaqatigiinnut annertuumik sunniuteqarfiusoq

∙Kommunimi qimarngueqarnermut suliniuteqarnermi ineriartortitsinermut sunniuteqarnissamik periarfissaqarneq

∙Sulisut tunniusimalluartut suliatigullu tunniusimasut

∙Suliffeqarfik uummateqarfigisap, suliatigut ilisimasaqarnerup aaqqissuussaanerullu imminnut ataqatigiiffigisaat

∙Aningaasarsiatigut atorfinitsitaanermilu atugassarititaasut isumaqatigiissut atuuttoq naapertorlugu pissapput

Pisariaqartinneqarnerpaaffiani toqqissisimanermik, siunnerfimmik neriuummillu pilersitseqataarusuppit?

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchefi Maliina Junge Jørgensen, oqarasuaat +299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 358-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 22.-at, 2026