Atorfinnut inuttassarsiuineq Royal Greenland-mut uterit Global HR-imut ineriartortitsinermut pisortaq (Head of Global HR Development)

HR-ip siunissaa ilusilersueqataaffiginissaa soqutigaajuk? Suliffeqarfik nunarsuarmi tamarmi suliaqartumi, Nunatsinni aallaavilik ineriartortitseqataaffigalugu.

Kulturit, suliffeqarfiit, sulisunillu ineriartortitsineq aqqutigalugu siuarsaaqataasinnaavit?
HR-ikkut suliniutinik allanngueqataasinnaasunik pilersitsinissaq, aqutsisunik ineriartortitsineq, talentinik aqutsineq, inuttut pitsaasumik atugaqarneq kiisalu suliffeqarfiup ineriartortinneqarnera pillugit suliaqarnissamut kajumissuseqarpit? Suliffeqarfimmi aqutsisunik qanittumik suleqateqarnissamut sunniuteqarnermillu misilittagaqarpit?
Takorloorpiuk periuusissatigut sunniuteqarsinnaallutit aammalu angusanik ersarissunik pilersitsisinnaallutit?

Taava periarfissaq immikkut ittoq una ilinnut tulluarsinnaavoq.

Atorfik pingaarutilik nunarsuarmi akisussaaffilik

Head of Global HR Development-itut Royal Greenlandip immikkoortortaqarfiini Kalaallit Nunaanni, Europami kiisalu Nordamerika-mi suliffeqarfiini HR-imut ineriartortitsinermik ataatsimut ingerlatsinissaq akisussaaffigissavat.

Royal Greenlandimi inuiaqatigiinnut qanittumik attuumassuteqarpugut, aammalu Kalaallit Nunaanni suliffissaqartitsineq ilinniartitaanerlu pillugit akisussaaffeqarpugut. Tamanna HR-imut tunngatillugu sulinitsinni erserpoq, tassanilu suliffeqarfiup nukittorsarnissaa, inuiaqatigiillu iluaqutissarsitinneqarnissaat siunertaralugu, suliniutinik ineriartortitsinermi pingaarutilimmik inissisimalissaatit – nunatsinni aammalu nunarsuaq tamakkerlugu.

HR-imi aqutsisut akornanni ilaassaatit, Sulisoqarnermut attaveqaqatigiinnermullu Pisortaanermut toqqaannartumik nalunaaruteqartassallutit. Tamatuma saniatigut suleqatigiit tallimaasut assigiinngitsutigut immikkut ilisimasallit aqunnissaat akisussaaffigissavat.

Atorfik Nuummi, Royal Greenlandip qullersaqarfiani inissisimavoq.

Suliassatit pingaarnertut inissisimasut makkuupput:

·Ataatsimut aqutsisunik ineriartortitsineq

·Suliffeqarfissuarmi naleqartitat aallaavigalugit ineriartortitsineq

·Talentinik ineriartortitsineq siunissamilu atorfiit inuttalernissaanik pilersaarusiorneq

·Ilinniarneq ineriartortitsinerlu

·Sulisunik atugarisaanik misissuisarneq malitseqartitsisarnerlu

·Sulisunut anguniagassanik ineriartortitsinermillu ingerlatsinerit

·Ilinniartitaaneq pillugu suliniutit

·Suliffimmi avatangiisit isumannaatsuunissaat

·Suliffeqarfiup strategianik pingaarnertigut ineriartortitsinermik tapersersuineq HR aqqutigalugu

Nammineq immikkoortortaqarfiit akisussaaffigissavat, aammalu HR Operations aamma HR Business Partnering qanimut suleqatigisarumaarpatit, suliffeqarfissuarmi HR-imi suliat ataqatigiilluartumik naleqartitsilluarnissaai qulakkeerniarlugu.

Illit Kinaavit?

Ilinnut naatsorsuutigut:

·HR-ip iluani imaluunniit organisationip ineriartortinneqarnerani misilittagaqartutit

·Suliffeqarfinni angisuuni pisariusunilu HR-imik ineriatortitsinermut suliniutinik aqutsinermik misilittagaqarputit

·Strategiskimik pilersaarusiornikkut ingerlatsinikkullu nukittooq

·Immikkut ilisimasalinnik imaluunniit HR-imi suleqatigiit aqutsinermik misilittagaqartutit

·Kulturinik assigiinngitsut akornanni ingerlaarsinnaassuseqartutit

·Aaqqissuussamik sulisarputit, suleqatigiinneq nukittorsartarlugua aammalu suliassat suliniutillu siuariartornissaat qulakkeertarlugu

·Aqutsisut qullersaasa suleqatigalugit sulisinnaasutit maligassiuisinnaallutillu

·Ilinniagaqarnikkut attuumassuteqartumik tunuliaqutaqartutit, soorlu uku iluni: HR, attaveqaqatigiinneq, suliffeqarfiup aaqqissuussaaneranik ineriartortitsineq iluani il.il.

Royal Greenland iluani kalaallisut, danskisut, tuluttut oqaatsit allallu atorneqartarput. Oqaatsinullu piginnaasaqarluarnissat kissaataavoq.

Uagut neqeroorutigaagut:

Royal Greenlandimi suliffeqarfimmi Kalaallit Nunaanni tunngaveqartumi nunarsuarmilu ingerlatsiviusumi suliffissaqartinneqassaatit.

·Atorfik pingaaruteqartoq sunniuteqarfiulluartoq

·Suliffeqarfiup iluani piginnaasanik ineriartortitsinermik sunniuteqarnissamut periarfissaqarluartoq

·Kalaallit Nunaanni nunanilu tamalaani suliffigisaq, pisariusunik suliassaqartoq angusaqarusussuseqartorlu

·Suleqatit piginnaaneqarluartut kiisalu suliffeqarfiup iluani aqutsisut assigiinngitsut qanittumik suleqatigalugit

Alloriarneq tulliusoq piareersimaffigiviuk?

Atorfik soqutiginartikkukku i tusarfiginissat qilanaaraarput.

Atorfik soqutiginartikkukku imalunuunniit apeqqutissaqassaguit tikilluaqqusaavutit attaviginissatsinnut. Attavigineqarsinnaavoq: Sulisoqarnermut attaveqaqatigiinnermullu Pisortaaneq, Bodil Marie Damgaard, bomd@royalgreenland.com, +299 560644

Qinnuteqaatit mailikkut nassiunneqartut isiginiarneqassanngillat/nalilersorneqarnavianngillat.