Tusassimi attaveqaqatigiinnermut siunnersorti

Attaveqaqatigiinnermut paasinnillaqqippit, oqaluttuaasinnaasunik tappillutit oqaatiginiakkallu imaannaanngissinnaasut ersarissumik saqqummiussinnaallugit? Taamaappat illit immaqa uagutsinni attaveqaqatigiinnermut siunnersortaasinnaavutit.

Tusass suliffeqarfiup iluani avammullu attaveqaqatigiinnermik nukittorsaasinnaasumik attaveqaqatigiinermut siunnersortissarsiorpoq. Tamatigoortumik atuuffeqassaatit, tusagassiinermik, tunaartaqartumik suliffeqarfimmilu inuiaqatigiinni pingaarutilimmik inissisimasumi ulluinnarni attaveqarnermik suliaqarlutit.

Attaveqaqatigiinnermut immikkoortortaqarfimmiqitiusumik inissisimalissaatit, suliffeqarfimmipitsaasumik, ataqatigiissumik uppernassuseqartumillu attaveqarsinnaallutit.

Suliassatit qitiusut
Ilaatigut makkuninnga suliaqassaatit:

• Tusagassiuutinut nalunaarutinik, allaaserisanik, suliffeqarfiup iluani nutaarsiassanik allatigullu attaveqaqatigiinermi atugassanik suliaqarlutit.

• Tusagassiorfinnit saaffiginnissutit isumagalugit tusagassianillu suliani inerititaqarluartumik suleqataallutit.

• Tusassimi periusissiaq aallaavigalugu attaveqarnissamut iliuusissanik pilersaarusiorlutillu suliaqarlutit.

• Suleqatitit oqariartuutinik, saaffiginiakkanik attaveqarnermilu aqqutissanik siunnersorlugillu suleqatigalugit.

• Ingerlatsinermi paasissutissanik atuisunullu sammisunik allanik attaveqarnissamut suliaqarlutillu ataqatigiissaaralutit.

• Nittartakkap, intranetip attaveqaqatigiittarfiillu imarisaannik suliaqarlutillu aaqqissuussillutit.

• Tusassip ilisimaneqarnera, tusaamaneqarnera suliffeqarfiullu iluani attaveqatigiinneq nukittorsaaqataaffigalugit.

Illit
Nammineersinnaalluni pitsaasumik attaveqaqatigiissinnaasumik suleqatissarsiorpugut, aaqqissuulluakkamik sulisinnaasumik, naliliisinnaassusilimmik soqutigisat suliassaqarfiillu assigiinngitsut akornanni sulisinnaasumik.

Naatsorsuutigaarput:
Attaveqaqatigiinnerup, tusagassiornerup assigisaataluunniit iluani ilinniarsimasuussasutit.

· Allatatigut ingerlatitseqqiisinnaanermik, tusagassiinermut digitalimillu attaveqatigiinnermik misilittagaqartutit.

· Suliassat imaannaanngissinnaasut ersarissumik oqariartuutinngortissinnaallugit.

· Attaveqaqatigiinermik, suliffeqarfimmik avammullu susassareqatigiinnermik paasisimasaqarluartuusutit.

· Namminersorsinnaasutit, akisussaassuseqarlutit, mikisualuit tamakkiisorlu tappiffigalugit.

· Kalaallisut, danskisut tuluttullu oqaatsit atorsinnaagitit.

Inuttut ilassiortuuvutit, suleqatikkuminarlutit tatiginarlutillu. Ullormut suliat nikerarsinnaanerat iluarivat, pitsaassutsimut, ataatsimut naliliisinnaallutillu tulleriiaarisinnaallutit.

Neqeroorutigaarput

Tusassimi atorfik pissanganarlunilu tamatigoortoq, suliffeqarfimmi inuiaqatigiinni kalaallini qitiusumik inissisimasumi. Suliffeqarfiup iluani attaveqatigiinnermik sulinissannut periarfissaqassaatit, Tusassip saqqumilaarnissaa inissisimaneralu piorsarlugit. Suleqatigiinnut imminnut ataqatigiilluartunut ilaalissaatit, persuarsiorfiuinnanngitsumi, ulluinnarnilu sulinermi isumasioqatigiissinnaaneq, suleqatigiinneq isumassarsiorsinnaanerlu pingaartinneqarlutik.

Attaveqaqatigiinnermut aqutsisup ataani inissisimassaatit suliffeqarfimmilu tamakkiisumi suleqatit allat aqutsisullu qanimut suleqatigalugit.

Qinnuteqaat

Suliffik: Nuummi qullersaqarfik

Qinnuteqarnissamut killigititaq: Ataavartumik oqaloqatigiittoqartarpoq

Atorfiniffissaq: Isumaqatigiissuteqarneq naapertorlugu

Atorfik pillugu apeqqutissaqaruit Attaveqaqatigiinermut aqutsisoq Paarnaq Hansen-Zeeb mailikkut panah@tusass.gl imaluunniit mobilikkut +299241918 attavigisinnaavat.

Qinnuteqaatit tigunissaa qilanaaraarput.