Pinngortitaleriffimmi Avatangiisinut Aatsitassanullu Immikkoortortaqarfimmi imaani uumassusilinnik ilisimatusarnermut immikkut ilisimasalimmik pissarsiorpugut

Pinngortitaleriffik, Kalaallit Nunaanni Namminersorlutik Oqartussanut, kommuninut aamma oqartussanut allanut uumassusillit pisuussutaannut tunngasunik apeqqutinut siunnersuuteqartartoq, Avatangiisinut Aatsitassanullu Immikkoortortaqarfimmut ilisimatuutut siunnersortimik, ilisimatusarnermi attuumassuteqartumi Ph.d.-mik ilinniagartalimmik, ujarlerpoq. Atorfik 1. januar 2027-mi imaluunniit sapinngisamik piaarnerpaamik inuttalerneqassaaq. 
Suliassat ilaatigut tassaassapput siunnersuineq, ilisimatusarneq aamma avatangiisinik nakkutilliineq. Immikkoortortaqarfik aamma Pinngortitaleriffik pillugit annertunerusumik uani atuarit: www.natur.gl.

Suliassat
Avatangiisinut Aatsitassanullu Immikkoortortaqarfimmi siunnersortitut suliassat aatsitassarsiornermut tunngasunik ingerlatanut avatangiisinut sunniutinik kiisalu silap pissusiata allanngoriartornerata sunniutaannik nakkutilliinermut tunngassapput.

Sammisassat pingaarnertut tassaassapput avatangiisit pinngortitarlu kangerlunni aamma sinerissami, assersuutigalugu immap naqqani uumassusillit avatagiisaasalu ataqatigiinnerat, imarmiut timmissat, imarmiut miluumasut, aalisakkat il.il. Aammattaaq imeqarfiit kuullu imermik kuuttut avatangiisaat suliassanut ilaassapput.

Naatsorsuutigineqarpoq ukunani peqataasarnissat:

• Aatsitassarsiornermik ingerlatsivinnit qinnuteqaatini avatangiisinut tunngasut misissuiffigineranni nalilersornerannilu. 

• Avatangiisinut tunngasutigut allanik ingerlatsinernut attuumassuteqartunik Kalaallit Nunaanni Namminersorlutik Oqartussanut siunnersuinermi.

• Avatangiisinut siunnersuinermi suleqatigisartakkatsinnik suleqateqarnermi.

• Immikkoortortaqarfiup suliassaasa iluanni nunami misissuinerni.

• Immikkoortortaqarfiup sulineranut attuumassuteqartunik suliniutini.

Immikkoortortaqarfimmi sulisut assigiinngitsunik suleqatigiissitaliani arlalinni peqataasarput, illillu Kalaallit Nunaanni, Danmarkimi nunanilu allani ilisimatusartunik suleqateqassaatit.

Piumasaqaatit 
Sulisoq ilinniagartooq qaffasissumik akadeemiskimik ilinniagalik kiisalu immami uumassusilerinermut imaluunniit tamatumunnga assingusumik ilisimatusarnermik sammisaqarluni Ph.d.-mik ilinniagartalik ujartorparput.

Kalaallisut oqaaseqarneq Kalaallit Nunaannilu inuiaqatigiinnik ilisimasaqarnissaq iluaqutaassaaq, piumasaqaataananili. Suliffik Nuummi inissisimavoq. Ilaannikkut nunami misissuinernut ataatsimiinnernullu atatillugu angalanernik ilaannikkut suliassaqartassaaq.

Atorfik sapaatip akunneranut 40 tiimini atorfiuvoq. 
 
Atorfik pillugu paasissutissanik annertunerusunik paasiniaasinnaavutit immikkoortortaqarfimmi pisortamut Karl Zinglersenimut, oqarasuaat +299 361200, kazi@natur.gl, saaffiginnilluni.

Qinnuteqarfissaq kingulleq: 23. november 2026 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.