Attaveqaqatigiinnermut siunnersorti suliffeqarfiup iluani attaveqatigiinnermik pingaartitsisoq

Attaveqaqatigiinnermut siunnersorti suliffeqarfiup iluani attaveqatigiinnermik pingaartitsisoq

Kalaallit Nunaanni suliffeqarfiit annersaanni ataatsimoornermik paasissutissiinermillu nukittorsaasussatut suleqataarusuppit? Royal Greenland attaveqaqatigiinnermut siunnersortissarsiorpoq, oqaatsit, immikkoortortat nunallu assigiinngitsut akimorlugit suliffeqarfiup iluani erseqqissumik ataqatigiissumillu attaveqatigiinnerup qulakkeerneqarnissaanik nuannarisaqartumik.

Atorfik pillugu

Attaveqaqatigiinnermut siunnersortitut Royal Greenlandip iluani attaveqatigiinnermik pilersaarusiorneq, suliaqarneq ataqatigiissaarinerlu akisussaaffigissavat.

Qullersaqarfimmiit nunani assigiinngitsunut suliffissuarmi suleqatitsinnut nunanit tamalaaneersunut aqutsisut sulisullu attaveqaqatigiinnerannut ataqatigiissaarisuussaatit.

Paasissutissat pingaarutillit ingerlateqqinneqarnissaat suleqatinillu oqaluttuat nuannersut oqaluttuarineqarnissaannik qulakkeerinninneq isumagissavatit. Nammineerlutit sulisinnaasuussaatit, kikkunnut oqariartuutit anngunneqassanersut eqqarsarsinnaallutit, attaveqaqatigiinnermillu pimoorussinermik ineriartortitsisinnaallusutit pingaartippavut.

Illit suliassannut pingaarnernut ilaapput:

• Intranetikkut, SharePointikkut, infoskærmikkut allatigullu suliffeqarfiup iluani attaveqaqatigiinnermut tunngasunik suliaqarneq saqqummiussinerlu

• Tunisassiorfinni aqutsisut ataavartumik attaveqatiginissaat najukkannilu attaveqaqatigiinnermut tapersersuineq

• Suliffeqarfimmiit tamarmiit oqaluttuanik nutaarsiassanillu katersineq siammarterinerlu

• Sulianut ataqatigiissaarinermut atortorissaarutinillu aaqqissuussinermut (Townhall-inut, suliniutinut, Teams-imii aaqqissuussinerit il.il.)

• Qarasaasiakkut atortut atorlugit ataatsimiinnerni eqikkaaniliorneq

• Royal Greenlandip Facebookimi quppernerani oqaaseqaatit nakkutigineri

• Kalaallit oqaasii qallunaatullu oqaatsit eqqoqqissaarlugit atuaqqissaarneri

Naatsorsuutigaarput:

• Tusagassiornermik attaveqaqatigiinnermilluunniit ilinniagaqarsimaneq

• Kalaallisut qallunaatullu oqalussinnaallunilu allassinnaaneq

• Allat attaveqarfiginissaat misilittagaqarfigaat, aamma annikitsutigut pingaaruteqartut takusinnaallugit

• Attaveqarfigisassanut naleqqussarsinnaassuseqarneq, aamma suut qanoq paasitinneqarnissaannik naliliisinnaassuseq

• Ulluinnarni suliassarpassuaqarnermi aaqqissuussaasumik sulisarlutillu pilersaarusiortuarsinnaavutit

• Namminersorlutit sulisarsinnaavutit suliassatillu naammassisinnaallugit

Suna neqeroorutigivarput?

Suliffeqarfimmi inuiaqatigiinni kalaallini sorlaqarluartumi nunanullu allanut attaveqarluartumi sulineq pissanganartoq isumaqarluartoq. Attaveqaqatigiinnermut immikkoortortaqarfimmilu sulisunut suliaminnut tunniusimasunut ilaalersinnaavutit, suliffeqarfiullu iluani attaveqatigiinnermut sunniuteqarsinnaallutit – Royal Greenlandimi tamanii ataqatigiinnermut suleqatigiinnermullu iluaqutaasumik.

Immikkoortortaqarfimmi siunnersortinik pingasunik, ilinniartumik ikiortimik ataatsimik, nutserisumik aammalu attaveqaqatigiinnermullu pisortamik suleqateqassaatit. Suleqatigiit ikittunnguulluta suliffeqarfik annertuumik sunniuteqarfigalugu sulivungut, tassanilu pingaartillugit oqaloqatigiinneq, illalaarneq imminnullu tigulluarsinnaaneq. Ulapaartuarpungut anguniagaqartuarluta suliatsinnillu ilisimasaqarluarluta Royal Greenland inuiaqatigiillu pillugit sunniuteqarluarniarluta, qanilaartumillu oqaluttarluta.

Sukumiinerusumik paasisaqarusukkuit suliffeqarfissuarmi attaveqatigiinnermut ingerlatsisoq - Merete Lindstrøm meli@royalgreenland.com-imut oqarasuaammulluunniit +299 281820-mut sinerlutit saaffigisinnaavat.

Atorfiniffissaq: Marts-ip aallaqqaataat 2026 imaluunniit isumaqatigiissuteqarnikkut

Qinnuteqaat:

Piumassuseqarpalaartumik qinnuteqaat, CV ilinniarsimanermullu uppernarsaatit ataani tuugassaq “Atorfik una qinnuteqarfigiuk” aqqutigalugu kingusinnerpaamik 15. januar 2026 nassiunneqassapput. E-mailikkut qinnuteqartoqarsinnaanngilaq.

Qinnuteqarnissamut killissarititaasoq: januaarip 15.-at, 2026

Atorfik una qinnuteqarfigiuk