Attaveqarnermut nittarsaanermullu siunnersorti

Illit attaveqatigiinnermut, nittarsaanermut aamma suliniutinik aqutsinermut pikkorissoq nutaaliorsinnaasuutut suleqatitaaritigutInuuit isumassarsiortoq uummarissorlu, erseqqissuliornermik aallussinermillu nuannarisalik?Iliuusissat aamma immikkuualuttut nakkutigisinnaavigit, aamma ataqatigiissaarinermut, suleqatigiinnermut isumassarsiorlunilu ineriartortitsinermut qitiusutut inissisimarusuppit? Taava illit ujartorpatsigit! GrønlandsBANKEN-imi attaveqatigiinnermut nittarsaassinermullu siunnersortissarsiorpugut, ataqatigiissaarisinnaasumik aamma allannguisunik paasititsiniaanermut imarisanullu iliuusissanngortitsisinnaasumik. 

Suut suliassarissavigit? 

• Paasititsiniaanerit najoqqutassiamit ineriartortitsinermit naliliinermut. 

• Inuit attaveqaqatigiittarfii aamma nittartagaq, allaffissorneq aamma imarisanik pilersitsineq. 

• Nutaarsiassanik ingerlatitseqqiineq, aningaaseriviup iluani aamma avataani, tassunga ilanngullugit kalaallisut aamma danskisut kukkunersiuineq. 

• Ilusilersukkanik aamma takusassianik pilersitsineq, inissitsiterineq, assinik aamma videonik naatsunik paasissutissiineq, kiisalu killuineq. 

• Avataani suleqatigisartakkanik ataqatigiissaarineq matuma ataani allattoqarfinnik, siunnersortinik aamma assiliisunik. 

Kinaavit? 

Takorloorparput, inuusutit, allat qanimut suleqatigalugit suliniuteqarnermik kiisalu inernerusunik pilersitsinermik nuannarisaqartutit. Taamaattumik takorusussinnaavarput: 

• Pilersaarusiornermik paasinnissinnaasutit aamma attaveqatigiinnermi aamma nittarsaassinermi iliuusissanik piviusumik suliniutinngortitsinermik misilittagaqartutit. 

• Suliniutinik ingerlatsisinnaasutit, pingaartumik paasititsiniaanernik isumassarsiamit naliliinermut. 

• Digitalimik aamma isumassarsiornermik piginnaasaqartutit kiisalu inuit attaveqaqatigiittarfiinik, ilusilersukkanik inissitsiterinermik (Adobe/Canva) aamma videoliornermik misilittagaqarlutit. 

• Oqaatsitigut kulturikkullu piginnaasaqartutit, kalaallisut aamma qallunaatut oqallorissuusutit, kiisalu ataqqinnillutit isumalimmillu attaveqaqatigiinnissamut piginnaasaqartutit. 

• Iliuuseqarsinnaassusermik aamma uummaarinnermik takutitsisutit kiisalu periarfissat takusatit iliuuseqarfigisinnaallugit. 

Immikkoortortaq aamma GrønlandsBANKEN pillugit: 

GrønlandsBANKEN arfinilinnik immikkoortortaqarpoq, qullersaqarfik Nuummi inissisimalluni. Ulluinnarni sulinerput persuarsiorfiunngilaq, pingaartitatsinnik sisamanik aallaaveqarpugut; tunniusimaneq, sullitanik pingaartitsineq, peqqissaarneq, aamma ineriartortitsinermik pingaartitsineq. Attaveqatigiinnermut aamma nittarsaanermut immikkoortortamiipput, atorfiup matuma saqqummiunneqartup saniatigut, attaveqatigiinnermut aamma nittarsaanermut siunnersorti ataaseq, nittarsaanermut siunnersorti ataaseq aamma attaveqatigiinnermut aamma nittarsaanermut pisortaq.Immikkoortortami pingaartipparput oqaluttuanik pitsaanerpaanik, allakkatigut, assitigut, ilusilersukkatigut aamma filmikkut oqaluttuarnissaq. Immikkoortut akimorlugit sulisarpugut, aningaaserivimmilu tamarmi immikkoortortat tamaasa qanimut suleqatigisarlugit. 

Sooq toqqassavitigut? 

Maani suliffeqarfimmi nukittuunik pingaartitaqarfiusumi aamma inuiaqatigiinnut akisussaaffeqarfiusumi qitiusumik inissisimalissaatit.Suleqatigiinnut ineriartortunut ilaalissaatit, isumassarsiatit, ineriartornermik aamma suleqatigiinnermik inissaqartitsisumut, suliatillu piviusumik allannguuteqassapput.

Neqeroorutigaarput: 

• Atorfik pilerinartoq akissarsiarissaarfiusorlu, annertuumik sunniuteqarfiusoq ineriartornissamullu periarfissaqarluartoq. 

• Ataqatigiinneq nukittooq sulianut piginnaasaqarfiusoq tunniusimaffiusorlu. 

• Isumaqatigiissutit atuuttut naapertorlugit atorfininnermi atugassarititat.

• Atorfininneq sapinngisamik piaartumik pissaaq – oqaloqatiginninnerit ingerlaavartumik ingerlanneqassapput. 

Paasissutissat: 

Atorfinitsitsineq Grønlands Erhverv aamma Finansforbundet akornanni isumaqatigiissut naapertorlugu pissaaq. Atorfik pillugu apeqqutissaqaruit Attaveqatigiinnermut Nittarsaassinermullu pisortaq Peter Rex saaffigiuk. Apeqqutit nalinginnaanerusut pillugit saaffigineqarsinnaapput HR-imi pisortaq Patricia Lund Olsen imaluunniit HR-imi suleqat Louise Bro Kaae.