FAKTA
Atorfiup suussusaa: Attaveqatigiinnermut siunnersorti
Suliffeqarfik: Royal Greenland
Qinnuteqarfissamut killigititaq: 20. marts
Attavissaq: Merete Lindstrøm meli@royalgreenland.com-imut oqarasuaammulluunniit +299 281820-mut sinerlutit saaffigisinnaavat.
Attaveqatigiinnermut siunnersorti
Kalaallit Nunaanni suliffeqarfiit annersaanni attaveqaatit assigiinngitsut atorlugit periusissiaq naapertorlugu attaveqatigiinnermik suliaqarusuppit? Nunatsinni pingaarnertut inussutissarsiornerup iluani nittarsaassinermik oqaluttuarinninnermillu nunatta iluani nunarsuarmilu tamarmi suliaqarnissamik akisussaaqataarusuppit? Taava immaqa attaveqatigiinnermi suleqatissaraatsigit.
Royal Greenlandip Nuummi qullersaqarfiani attaveqaqatigiinnermut immikkoortortaani suleqatissatit peqatigalugit nunani tamalaani attaveqaqatigeeriaatsit atorlugit Royal Greenlandip nipaata apuuttarnissaa qulakkiissavat – suliffiup iluani avataanilu.
Paasititsillaqqissumik uummaarissumik oqaluttualiorsinnaasumik, tunniusimasumik aamma Kalaallit Nunaanni inuiaqatigiinnik Royal Greenlandimik ilisarisimannilersitsisinnaasumik suleqatissarsiorpugut. Oqariartuutitta paasineqarnissaa allanngueqataanissaallu qulakkeerniarlugit illit pilersaarusiorsinnaassaatit, uuttortaasinnaassaatit inoqatinullu attaveqaatini iliuutsit nalilersorsinnaassallugit.
Suliassatit:
Suliffeqarfimmi Namminersorlutik Oqartussanit pigineqartumi "atuisut" aalisartuullutillu, polikeriullutillu, suliffeqarfiup siulersuisuullutillu piginnittuusut - Tassa Kalaallit Nunaanni Namminersorlutik Oqartussat inuiaqatigiillu tamarmik paasisaqarfigissavat.
Tamatuma saniatigut uku akisussaaffimmik tigusiffigisinnaassavatit:
✔Inoqatinut attaveqaatit imarisassaannik pilersaarusiorneq, suliaqarneq naammassisaqarnerlu (allaaserisat, assit, aalasuliat).
✔ Attaveqaqatigiinnermi suliassanik ukiumoortumik pilersaarusiorneq saqqummersitassanilu pilersaarusiorneq.
✔Tusagassiuutitigut nalunaarutinik, allaaserisanik paasissutissiinermilu atugassanik allanneq nassiussuinerlu.
✔ Kikkunnut sammititsinermi angusanillu uuttuinikkut siunnerfeqarluartumik sunniutilimmillu attaveqaqatigiinnissaq qulakkeerlugu.
✔ Suliffeqarfiup iluani attaveqatigiinnermik nukittorsaaneq – tassunga ilanngullugit intranetimik nutarterineq ineriartortitsinerlu.
Ilinnut tunngasut:
Attaveqatigiinnermik, tusagassiuutilerinermik assigisaanilluunniit ingerlariaqqiffiusumik ilinniarsimavutit ajornanngippallu ukiualunni inuussutissarsiornermik misilittagaqarputit. Tamatuma saniatigut ukunani ataaseq arlallilluunniit angersinnaagukkit iluaqutaassaaq:
- Suliffeqarfimmi annerusumi attaveqatigiinnermik misilittagalik.
- Inoqatinut attaveqaatinut tunngatillugu periusissianik, imarisassanik pilersitsinermik ataatsimoorfinnilu aqutsinermik misilittagalik..
- Oqariartuutinik tigusisussanillu misissueqqissaarnermik misilittagalik.
- Suliffeqarfiup iluani attaveqatigiinnermik misilittagalik - matumani intranet.
Qinnuteqaat:
Piumassuseqarpalaartumik qinnuteqaat, CV ilinniarsimanermullu uppernarsaatit meli@royalgreenland.com-imut kingusinnerpaamik 20.marts 2025 nassiunneqassapput. Allaaserisat, aalasuliat, inoqatinut attaveqaatinut ikkussat allallu suliat suliaqaqataaffigisimasatit ilanngullugit nassiutissagitit kissaatigaarput.
Oqaloqatigiinnerit ingerlaavartumik ingerlatissavavut aamma sulilersikkusutarput erngerluni isumaqatigiinnikkulluunniit sulilersinnaassasoq kissaatigaarput.
Sukumiinerusumik paasisaqarusukkuit suliffeqarfissuarmi attaveqatigiinnermut ingerlatsisoq - Merete Lindstrøm meli@royalgreenland.com-imut oqarasuaammulluunniit +299 281820-mut sinerlutit saaffigisinnaavat.
Qinnuteqarnissamut killissarititaasoq: marsip 20.-at, 2025
Atorfik una qinnuteqarfigiuk
