Fakta
Atorfiup suussusaa: Atuakkialerinermik nittarsaassisoq
Suliffeqarfik: Grønlands Landsbibliotek / Nunatta Atuagaateqarfia
Qinnuteqarfissamut killigititaq: novembarip 13.-at, 2025
Attavissaq: Henriette Christensen+299 36 23 90
Groenlandica, nunarput inuilu pillugit atuagaateqarfimmi atorfik atuakkialerinermik nittarsaassisoq inuttassarsiuunneqarpoq decembarip aallaqqaataaniit 2025 isumaqatigiissuteqarnikkulluunniit sulilersussamik.
Groenlandica Nunatta Atuagaateqarfiata immikkoortortaraa. Ilimmarfimmi inissisimavoq Ilisimatusarfiullu atuagaateqarfia illoqatigalugu. Tamanut saqqummersinneqarsimasut kulturitsinnik tammatsaalisassat katersorlugit, nalunaarsorlugit toqqortaatiginissaallu suliarisarpagut. Atuakkat atuagassiallu nunarput nunallu issittut pillugit ilisimatusaatitut saqqummersinneqarsimasut atuagaateqarfitsinniittuutigaagut.
Suliassat:
- Saqqummersitsisut tunniussisussaatitaaneq malillugu saqqummersitaannik piniarnissamut akisussaasoq
- Saqqummersitanik atorniarneqarsinnaasunik piniarnissamut akisussaasoq
- Saqqummersitanik nutaanik nutaanngitsunillu nalunaarsuineq
- Atuakkialerinermut nittarsaassineq atuagaateqarfimmi nittartakkatigullu
- Saqqummersitassanut avammut nittarsaassineq
- Annikitsumik nutsigassanik suliaqarneq
- Ilimmarfiup Atuagaateqarfiata ammanerani atuisunut sullissineq
Naatsorsuutigaarput:
- Kalaallit kulturiat, oqaasiilu pillugit atuakkialerinermiluunniit ilinniarsimasuussuutit
- Bibliotekssystemi Cicero imaluunniiit biblioteks systemit allat misilittagaqarfigigitit piumasaqaataanngilarli
- Tulleriiaarillaqqissuusutit suliannullu peqqissaartuusutit
- Kiffartuussinissamut atuisunullu assigiinngitsunut sullissisinnaasutit
- Kalaallisut qallunaatullu allannermi oqalunnermilu piginnaasaqassaatit
- Avammut nittarsaassinermi ersaarissumik allallutit oqalullutillu piginnaaneqassaatit
Uagut pilluta:
Suliffeqarfik suleqatigiinnut sisamanut agguataarneqarpoq: Suleqatigiit Groenlandica, Suleqatigiit Nunarput, Suleqatigiit Sammisassaqartitsisut aamma Suleqatigiit Kiffartuussisut. Atuagaateqarfik kulturikkut atuakkialerinikkullu paasissutissanik ingerlatitseqqiinikkut aaqqissuussarpassuaqarfiusarpoq, soorlu atuakkiortunik malunnartitsinerit ukiumullu ataasiarluni Unnuk Kulturisiortitsisarnerit. Illoqarfiullu kulturikkut pikialaartitsinerani peqataasarpugut, soorlu Suialaa Arts Festivaleqaleraangat.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
