Atuakkialerinermik paasissutissiisartoq

Nunatta Atuagaateqarfiani Team Nunarput kalaallisut atuakkanik atuakkialerinermillu paasissutissiisartumik suleqatissarsiorpoq.

Marsip aallaqqaataani 2026-mi sulilertussamik imaluunniit isumaqatigiissuteqarnikkut sulilertoqarsinnaavoq.

Team Nunarput, Nuummi innuttaasunut nunattalu sinneranut, kalaallisut atuakkat takussaanerulernissaannik siammarterneqarnissaannillu suliaqarpoq. Suleqatigiit suliassaasa pingaarnersaraat atuarusulersitsinissaq ilikkagaqarusussuseqartuarnissamullu ikorfartuinissaq piginnaasaqarnerulersitsinissarlu. Nunatta Atuagaateqarfiata kalaallisut atuakkanik paasissutissiilluni siammarterisut annerpaat ilaannut ilaanissani anguniagarivaa. Tassani illit atuakkialerinermik paasissutissiisartutut pingaarutilimmik suleqataassaatit.

Suleqatigiit pitsaasunik, assigiinngisitaartunik ullumikkummullu naleqquttunik ukkataqarluni atuakkanik nittartakkakkut inuillu attaveqatigiittarfiitigut paasissutissiilluni siammarterisarpoq. Oqalugiarnerit, saqqummersitsinerit aaqqissuussinerillu aqqutigalugit kalaallit naleqartitaasa ileqquisalu ilanngunneqarnissaat qulakkeertarparput aamma aaqqissuussinerit oqaatsivut, kulturerput kinaassuserpullu ataqqillugit ingerlanneqartarnissaat qulakkeertarlugu.

Tamatuma saniatigut suleqatigiit atuagaatilerinermik siunnersuisuusarput sinerissamilu atuagaateqarfiit tamaasa pikkorissartarlugit.

Nunatta sineriaaniittunut atuagaateqarfinnut siunnersortaavugut pikkorissaasarlutalu.

Pingaarnertut suliassatit:

• Meeqqanut, inuusuttunut inersimasunullu kalaallisut atuakkianik uummaarissumik innuttaasunullu qanittumik paasissutissiilluni siammarterisarneq – nittartakkakkut inuillu attaveqatigiittarfiitigut, kiisalu atuagaateqarfimmi inimi tamanut ammatitami saqqummersitatigut

• Kalaallinik atuakkiortunik atuakkioriaasiinillu saqqummersitsineq, kiisalu ukiumoortumik atuakkiortumik malunnartitsinissamuut pilersaarusiornermik akisussaaqataaneq

• Suleqatigiinnut aqutsisoq suleqatigalugu nunatta sineriaaniittunut atuagaateqarfinnut atuakkanik kalaallisuunik saqqummersinneqarsimasunik paasissutissiilluni ingerlatitseqqiineq agguaassinerlu.

• Nunatta sineriaani atuagaateqarfinnit atuagaateqarfeqarnermut tunngasunik apeqqutissaqartoqartillugu ilitsersuisuusarneq.

• Kalaallisut atuakkianik atuagaateqarfiup sillimmataasivianiittussanik tuniniagassanik inniminniisarneq, nalunaarsuisarneq tuniniaanerlu.

• Atuagaateqarfimmiittuutisiaqartitsinermut tunngasunik suliassanut suleqatigiinnut aqutsisoq peqatigalugu akisussaaqataaneq.

• Suliffeqarfitta iluani avammullu paasissutissiissutaasussanik kalaallisut allaqqasunik kukkunersiuisarneq.

• Meeqqanut inersimasunullu atuagaateqarfimmi atuagaatilerisut paarlakaallutik sullissisarnerannut peqataasarneq.

Kissaatigaarput:

• Atuagaatilerisutut DB-itut, cand. mag-itut imaluunniit tassunga naleqquttumik kulturimut tunngasumik ilinniagaqarsimasuussaatit

• Kalaallisut atuakkialerinermik soqutigisaqarlutillu ilisimasaqarnissat

• Kalaallisut qallunaatullu atuarsinnaallutillu allassinnaassaatit.

• Kiffartuussinissamut piginnaaneqassaatit atuisunullu assigiinngitsunut sullissisinnaassallutit.

• Akisussaassuseqarnermik, suliassanut tulleriiaarillaqqinnermut, namminersuuteqanissamik, suleqateqarsinnaanissamillu pingaartitsisuussaatit.

Uagut pilluta:

Nunatta Atuagaateqarfia Nuummi innuttaasunut atuagaateqarfiuvoq nunatsinnilu qitiusumik atuagaateqarfiugami innuttaasunut tamanut sullissisuuvoq. Illoqarfiup qeqqani inissisimanermini innuttaasunit atorluarneqartarpoq.

Suliffeqarfik suleqatigiinnut sisamanut agguataarneqarpoq: Suleqatigiit Groenlandica, Suleqatigiit Nunarput, Suleqatigiit Sammisassaqartitsisut aamma Suleqatigiit Kiffartuussisut. Atuagaateqarfik kulturikkut atuakkialerinikkullu paasissutissanik ingerlatitseqqiinikkut aaqqissuussarpassuaqarfiusarpoq, soorlu atuakkiortunik malunnartitsinerit ukiumullu ataasiarluni Unnuk Kulturisiortitsisarnerit. Illoqarfiullu kulturikkut pikialaartitsinerani peqataasarpugut, soorlu Suialaa Arts Festivaleqaleraangat.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk