Atuarfik Hans Lynge kaffelerisumik pissarsiorpoq

Atuarfik Hans Lynge Nuuk-ip illoqarfiata killingani Qinngorputimiippoq. Atuarfik pinngortitami kusanartumi inissisimavoq, qaqqanit, kuussuanit tasernillu avatangiiseqarluni. Atuarfik Hans Lynge atuarfiuvoq nutaaliaasoq, 2011-mi atuarfiup aallartinnerani atorneqalerluni. Atuarfimmi 1.–10. klassit ingerlanneqarput, 2- aamma 3-sporinik. Massakkut atuartut 494-it ilinniartitsisullu 45-it atuuffiupput.

Sulisoqarnikkut pitsaasumik ingerlasoqarpoq, atuarfik angajoqqaanillu suleqatigiinneq pitsaasoq, oqaloqatigiinnermik tunngaveqartoq, aqutsinerlu ersarissumik takuneqarsinnaasoq, angajoqqaanillu ullormut pitsaasumik suleqatigiinneqarluni.

Suliffiup piffissaa:

Ataasinngorneq–tallimanngorneq: nal. 07.30–15.30

Kaffedame pisariaqartitsineq naapertorlugu, minnerpaamik ullormik ataatsimik nalunaarfigineqarluni, arfininngornermi suliasunut aggersarneqarsinnaavoq (ass. ilinniartitsisut pædagogiskimik ullormut imaluunniit ilinniartitsisunik pikkorissaanermut arfininngornermi ingerlanneqartumut atatillugu).

Suliasut nalinginnaasut:

·Errortineq: Allarutit, marraat allarutaat, erroruutit, asaatit, gardinerit

·Ilinniartitsisut inaat

·Atuartut nerisassaat agguaassineq

Atuarfimmi atuartunut nerisassat:

Pedellit suleqatigalugit 1.–9. klassinut nerisassat agguaanneqartarput nal. 09.00–11.00 akornanni.1.–9. klassinut nerisassat aaneqarnissaat nakkutigineqarpoq.Atuarfiup nerisarfiani igaffimmi errortitsineq isumagineqarpoq.

Ilinniartitsisut inaat (ullormut):

·Nerriviit salinneqartarput

·Ataavartumik aaqqiissuussineq

·Kaffe aamma tii qalanneqartarput nal. 09.15–11.15 aamma 13.15

·Atortussat errortorneqartarput errortivimmillu emptorneqartarput

·Qaputit ullormut taarserneqartarput

Ilinniartitsisut inaat, allaffiit (sapaatip-akunneranut):

·Igalaap saaviit sapaatip-akunneranut marloriarlugit salinneqartarput

·Naasut pisariaqartitsineq naapertorlugu imerneqarput

·Køleskab sapaatip-akunneranut ataasiarlugu (tallimanngorneq) salinneqartarpoq

·Allarutissiat nunguttoqartillugu taarsiineq

Allaffiit sapaatit akunneranut:

·Igalasserfiit nerriviillu sapaatit akunnerini marloriarlutik salinneqartarput

·Naasut pisariaqartitsiffiinni imerterneqartarput

Ataatsimiinnerni (ataatsimiinnerit kaffedamip suliffiata piffissaaniippata):

Atuarfiup aqutsisui ataatsimiinneranni kiisalu ataatsimiinnerni allani kaffe/tii piareersarneqartarpoq, pisariaqassappallu kaagiit saqqummersinneqartarput.

Ataatsimiinneq naammassippat nerriviit salinneqartarput aammalu eqqiaanermut isumagineqartarpoq.

Atuarfimmi ammatitsinermi aaqqissuussani kiisalu aaqqissuussani immikkut ittuni aqutsisunit akuersissuteqartoqarpat kaffedame kaffe/tii qalassinnaavoq eqqiaanermillu isumaginnilluni.Aaqqissuussani assigiinngitsuni allani ilinniartitsisut namminneq kaffe isumagisarpaat, kingorna eqqiaanertaqarlutik.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup Pisortaa Ane Marie Lynge Møller , oqarasuaat +299 36 64 51 imaluunniit e-mail: anmm@sermersooq.gl imaluunniiy uunga: Tullersorti Mette Frederiksen, oqarasuaat +299 36 64 53 imaluunniit e-mail: mfre@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 60-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 10.-at, 2026

Atorfik una qinnuteqarfigiuk