Atuarfik Hans Lyngemi nerisassiornermi iggavimmiluunniit ikiortimik suleqatissarsiorpugut

Suliffimmi pitsaasumik kiffartuussisinnaavit, akisussaaffeqarlutillu ulluinnarnilu pingaaruteqartunik suliaqarsinnaavit? Taava illit pisariaqartippatsigit!

Atuarfitsinni atuartunut ilinniartitsisunullu ingerlaavartumik pitsaasumik ingerlanissamik qulakkeerisinnaasumik pikkorissumik ikiortimik imaluunniit igaffimmi ikiortimik suleqatissarsiorpugut. Atorfik pineqartoq assigiinngitsunik suliaqarfiusussaassaaq – pingaartumik igaffimmi ilinniartitsisullu inaanni, atuarfimmilu suliassat assigiinngitsut peqataaffigisassallugit.

Suliassatit tassaasinnaapput ilaatigut makku:

∙Atuartunut atortussanik agguaasarneq

∙Errugassanik isumaginninneq atortussianillu piareersaaneq

∙Ilinniartitsisunut kaffimik tiimillu isumaginninneq

∙Naasunik imerterisarnerit

∙Igaffimmi ilinniartitsisullu inaanni eqqiaaneq (pujoralaajaaneq allarterinerillu)

∙Erruivik imaarsarlugu

∙Pedelit suliassaannut ikiuunneq

∙Nal. 16.00 sioqqullugu matunik igalaanillu parnaartiterineq

Uagut naatsorsuutigaarput:

∙Suliffimmut piffissaq eqqorlugu suliartortoqarsinnaanera, akisussaaffeqarsinnaaneq aaqqissuussaasumillu suliartortoqarsinnaanera

∙Ulluinnarni suliassanik assigiinngitsunik suliaqarnissamut piumassuseqarneq

∙Atuartunik inersimasunillu suleqateqarluarsinnaaneq

∙Eqqiaanermik, igaffimmi sulinermik imaluunniit assingusumik misilittagaqarneq – piumasaqaataanngilarli

Neqeroorutigaarput:

∙Atuarfimmi atorfik pineqartoq ulluinnarni tamanut pingaarutilik pinngitsoorneqarsinnaanngitsoq

∙Suleqatit pitsaasut, suliffimmilu avatangiisit pitsaasut

∙Suliffik ataavartoq namminersorluni akisussaaffeqarluni sulinissamut periarfissaqarluartoq

∙Atuartunut sulisunullu allanut sunniuteqarluarnissamut periarfissatsialak

Suliffeqarfik: Atuarfik Hans Lynge

Sulliffik sapaatip-akunneranut: 40 tiimit

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup Pisortaagallartumut Laila Vivian Petersen, oqarasuaat +299 36 64 51 imaluunniit e-mail: lavp@sermersooq.gl imaluunniit uunga: Allaffimmiu Najakkuluk Filemonsen, oqarasuaat +299 36 64 52 imaluunniiy e-mail: ahl@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 749-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 8.-at, 2025

Atorfik una qinnuteqarfigiuk