Atuarfik Inussuk allaffimmiumik pissarsiorpoq

Kalaallit Nunaanni meeqqat atuarfiannik pitsaanerpaamik pilersitseqataarusuppit? Suliffeqarfimmilu uummaarissumi, akuersaarneq, ataatsimoorneq aamma ineriartortitsineq tunngaviusumik naleqartinneqartumi sulerusuppit

Taava atorfimmik ilinnut tulluaqqissaartumik neqeroorfigisinnaavatsigit

2024-mi aggustip qaammataanni Nuummi atuarfik nutaaq - Atuarfik Inussuk - sulisunik atuartunillu maanna illoqarfimmi meeqqat atuarfianneersunik aamma atuarnerup kingorna ornittakkaneersunik tikilluaqqusinissaminut piareersimassaaq.

Atuarfik:

Atuarfik Inussuk atuarfik nutaavissuuvoq 1000-it missaani atuartulik, taavalu 100-inillu sulisoqassalluni immikkoortunut sisamaasunut agguakkanut: Nukarliit, akulliit, angajulliit specialklassillu. Atuarfimmi pisortaqarpoq, pisortap tullii pingasut, allaffissornermi pisortaq, immikkoortuni aqutsisut sisamat specialklassinut ataqatigiissaarisulik. Atorfiit piffissami suliffiusussaq tamaat suliffiupput. Atuarfik Inussuk pillugu annertunerusumik uani paasisaqarit:

https://sermersooq.gl/kl/2023/08/nuummi-atuarfik-nutaamik-ateqalerpoq/

https://sermersooq.gl/kl/nuummi-atuarfissaq-nutaaq/

Ataatsimoorneq patajaatsoq:

Kissaatigaarput Atuarfik Inussuk suliffeqarfiussasoq eqeersimaarfiusoq, tassani pingaarnertut naleqartitat tassaallutik akuersaarneq, ataatsimoorneq ineriartornerlu. Akunnitsinni isumalluartumik akuersaartumillu pissuseqarfigeqatigiinnissaq pingaartipparput, atuarfik suliffeqarfillu pitsaasoq pilersinniarlugu tamatta akisussaaffimmik tiguseqatigiissalluta. Upperaarput qaffasissumik anguniagaqarneq ingerlalluarnerlu ilikkagaqartitsisinnaalluarnissamut ineriartortitsilluarnissamullu pisariaqartuusut, taamaattumillu kikkut tamarmik suliniuteqarnissaat isumalerujussuuvoq - eqqiaasuuppata, aqutsisuuppata, allaffimmiuuppata, isumaginninnermi siunnersortaappata aqqutissiuussisuuppataluunniit, ilinniartitsisuuppata, perorsaasuuppata pedeliuppataluunniit.

Kinaana atorfinitsinniaripput: Pingaaruteqarluinnarpoq illit atuarfipput ataatsimoortoq ulluinnarni pilersitseqataaffigissagit, taamaattumik suliffik nikerartoq pissanganartorlu suliffigissallugu piareersimaffigissavat. Illiussaaq akulikitsunik atuartunik, angajoqqaanillu ikiuisinnaasoq, minnerunngitsumillu atuarfimmi sulisunut ulluinnarni annikinnerusunik annertunerusunilluunniit unammilligassaqartuartoq. Taamaattumik pisariaqartipparput inuk inussiarnersoq, pitsaasumillu kiinnertartoq ulluinnarni sulinitsinni ulapaarfiusumi. Naatsorsuutigissavat atuarfimmi allaffimmiutut atuarfiup aqutsisui qanimut suleqatigilluinnaqqissaarnissai.

Kikkut suleqatigissavigit:Illit piginnaasaqaqatigalugillu suleqatigalugillu sullisissavatit suleqatit 100-it missaaniittut, atuartullu 1000-it missaaniittut.

Allaffimmioq atorfinitsitassarput makkuninnga suliassaqarpoq nakkutigisaqarlunilu:

∙Allaffissornikkut atuartunut, sulisunullu programeq TEA

∙Atortussanik piniartarneq

∙Atuartut nalunaarsorneri/allattorneri

∙SkoleIntramut administrator

∙Akiligassanik fakturanillu bogføring Winformatik atorlugu.

∙Allakkat isertut anisut, kiisalu avataanit saaffiginnittunut sullissineq

∙Journalisering GetOrganized aqqutigalugu

∙Peqanngiffinnik nalunaarsuineq atuartunut ilinniartitsisunullu

∙Akissarsialerineq

∙Suliassallu allat

Neqeroorutigissavagut:

∙Suliffik ulapaarfik, kisianni aamma allanngorartoq pissanganartoq ilikkagaqarfiusinnaasorlu

∙Suliffik nikerarsinnaasoq piffissatigut

∙Suliassanik nammineerussisinnaaneq

∙Suleqatinik qanimut suleqatiginninneq

Naatsorsuutigaarput:

∙Allaffimmiutut ilinniarsimassasutit

∙Nammineersinnaasutit aammalu nammineq suliaqarsinnaallutillu sulisinnaasutit

∙Allaffissornikkut suliassanik ilisimaarinnittutit

∙IT-mut programminullu atuuttunut pikkoriffigigitit

∙Tunniussassat nallertinnagit tunniussisarnissaq pingaartipparput

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Sapaatip-akunneranut akunnerit suliffissat:

40 tiimit sapaatip-akunneranut 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Administartionschef Nuka Bilo Heilmann, oqarasuaat +299 36 62 02 imaluunniit e-mail: nbhl@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 432-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 21.-at, 2025

Atorfik una qinnuteqarfigiuk