Atuarfik Inussuk Allaffissornermi pisortassarsiorpoq

Ataatsimoorneq patajaatsoq:Atuarfik Inussummi allaffissornermik aqutsinermi sinaakkutissanik pitsaanerpaanik pilersitseqataarusuppit, suliffeqarfimmilu eqeersimaarfiusumi akuersaartuunermik, ataatsimoornermik aamma ineriartornermik tunngaviusumik naleqartitsisumi ilaarusuppit?

Taava atorfimmik ilinnut tulluaqqissaartumik neqeroorfigisinnaavatsigit!

Nuummi meeqqat atuarfiat nutaaq takorluukkanik piviusunngortitseqataaffigiuk:

Atuarfik atoarneqarsinnaalernerminut akuerineqariarpat iserternissatsinnut piareeqqavugut. Atuarfik atorneqaleruni aallaqqaammut ukioqatigiaanik sisamanik ingerlasoqassaaq 1000-t missaannik atuartoqarluni 140-llu missaannik sulisoqarluni. Taakkua saniatigut timersortarfik, inersuaq katersuuttarfik aamma atuartitsissutinut aalingersimasunut sammivilinnut atuartitsiviit atuarfiup ammanerata avataani peqatigiiffinnit kulturilerisuniillu atorneqartassapput.

Ataatsimoorneq patajaatsoq:

Kissaatigaarput Atuarfik Inussuk suliffeqarfiussasoq eqeersimaarfiusoq, tassani pingaarnertut naleqartitat tassaallutik akuersaarneq, ataatsimoorneq ineriartornerlu. Akunnitsinni pitsaasumik akuersaartumillu pissuseqarfigeqatigiinnissaq pingaartipparput, atuartitsiviit pitsaanerpaat suliffeqarfillu pitsaasoq pilersinniarlugit tamatta akisussaaffimmik tiguseqatigiiffissarput. Upperaarput qaffasissumik anguniagaqarneq nalerisimanerlu ilikkagassanik pigiliussinermut ineriartorsinnaanermullu pitsaanerpaanik periarfissaqartitsilersartut, taamaattumik kikkut tamarmik suliniuteqarnerat isumalerujussuuvoq - eqqiaasut, aqutsisut, allaffimmiut, isumaginninnermi siunnersortit aqqutissiuussisut, ilinniartitsisut, perorsaasut pedelilluunniit.

Aqutsisoqatigiit:

Aqutsisoqatigiuvugut, atuarfiup pisortaa atuarfiullu pisortaata tullersortai pingsut kiisalu atuareernerullu kingorna paaqqinnittarfiup pisortaa, taamaattuminguna Allaffissornermi aqutsisumik aqutsisoqatigiinni ilaalersussamik ujaasisugut. Aqutsisoqatigiinni qanimut aaqqissuussaasumillu suleqatigiinneq pingaartitaraarput, peqatigiilluni aaqqiissutissat pitsaasut suliarineqarfiat taamaattumik aamma pingaaruteqarpoq, atuarfittut aaqqissuussaq tamakkiisoq nalerisimanermik ineriartornermillu isiginnittaaseqarfigineqarnera.

Allaffissornermi aqutsisutut illit:

Allaffissornermi aqutsisutut nutaatut illit allaffimmiunut, teknikkimik sulialinnut aamma igaffimmiunut aqutsisuusaatit aamma atuarfiup illorsua tamakkerlugu akisussaaffigissavat. Taakkununnga ilanngullugit avataanit pisiniartarfinnut attaveqartuussaatit soorlu eqqiaanermik ingerlatsivimmut aamma atuarfimmi nerisaqartitsinermi pisiniartarfimmut.

Illit aqutsisutut tulliuttunik naammassinnissinnaaguit tassaavutit aqutsisorerusutarput:

∙Suliassat pingaarnersaat tassa atuarfiup takorluugaanik piviusunngortitsineq 

∙Allaffissornermut piginnaasaqarneq, aaqqissuussaasumik suleriaaseqartoq aamma allanut tamakkiisumik isiginnittaaseqarluni erseqqissaasinnaasoq

∙Atuisut tamarmik illorsuarmik, pequtinik atortunillu paarsilluarnissaannut siuttuujumasoq

∙Tutsuiginnissuseqartutit saaffigiuminarlutillu aamma atuarfimmi sulisunut tamanut atuartunullu atuisunullu allanut kikkunnulluunniit qanimut attaveqariaaseqartutit

∙Ineriartortitsinissamut akuersaartuusutit aamma nukissaqassusermik takunnissinnaassuseqartutit

∙Pissusissamisoortumik ileqquliussassanut maligassiuisuusutit

∙Isumagissaartuusutit allanullu sunniilluarsinnaasutit

Allaffissornermik suliassaqarfinnik allanik akisussaaffittut ataatsimoorussat assersuutissartaat:

∙Atuarfiup missingersuutaanik naatsorsuutaanillu tamakkiisumik takunnissinnaaneq

∙Tiimimusialinnut aningaasarsianik isumaginnittoq

∙Ptsaassutimik nalunaarusiaq

∙Oktobarimi nalunaarusiorneq

∙Ininik attartortitsinermi akisussaasoq tassunga ilaallutik isumaqatiissutinik atsiornerit, attaveqaataaneq aamma matuersaatinut akisussaasuusoq

∙Illorsuit pitsaaliineranut akissussaasoq

Taassuma saniatigut pingaartipparput illit:

∙Allaffissornermik ilinniakkamik ingerlatsisimasutit imaluunniit ilinniartitsisutut ilinniaqartutit

∙Aqutsisutut misilittagaqartutit aamma/imaluunniit sulisunik aqutsinermik piginnaasaqartutit

∙Ajornanngippat pisortatut ilinniagaqarsimasutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortaa Dorthe Bidstrup, oqarasuaat +299 53 98 59 imaluunniit e-mail: dbid@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 998-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 15.-at, 2025

Atorfik una qinnuteqarfigiuk