Atuarfik Tuiisaq pisortassarsiorpoq

Atuarfimmik aqutsineq aamma inuiaqatigiit qanimut suleqatigalugit meeqqat atuarfiannik ineriartortitsineq pingaartippiuk? Taamaappat Paamiuni Atuarfik Tuiisami pisortatut atorfik immaqa ilinnut soqutiginarpoq. Meeqqanut Atuarfeqarnermullu Ingerlatsivimmit atuarfeqarnermut takorluukkanik atuutsitsilernermut siuttuujumasumik Kommuneqarfik Sermersuumi Paamiuni Atuarfik Tuiisaq pisortassarsiorpoq.

Atuarfik Tuiisaq meeqqat atuarfigaat Paamiuniittoq 156-illu missaannik atuartoqarluni, atuartitsinernut klassit nukarlerniit angajullernut agguataagaasut. Atuarfik tunniusimasunik suliatigullu pikkorissunik 24-nik ilinniartitsisoqarpoq kiisalu allanik perorsaasunik sulisoqarluni. Atuarfik illoqarfimmi katersuuffiuvoq pingaarutilik aamma atugarissaarnissamik, suliatigut ilisimasaqarnissamik angajoqqaanillu aammalu najukkami inuiaqatigiinnik suleqateqarluarnissamik annertuumik pingaartitsisoq.

Ineriartortitsinermik qitiutinneqartut:

Atuarfik Tuiisaq massakkorpiaq ingerlatsivik qanimut suleqatigalugu Suliniummik tunngaveqartumik ilinniarnermik (PBL) atuutsitsiniarfiusumiippoq. Atuarfimmit atuartitsinermik ineriartortitsinissamut siunnerfeqarluni sulisoqarpoq, taamaalilluni atuartut eqeersimaartumik peqataanissaannut, akimut suleqateqarnissamut, nutaaliornissamut piviusumillu naammattuugassanik ilinniagaqarnissamut annertuumik tapersiiniassammat. Atuarfimmi pisortaq aqutsinermik qitiusumik atuuffeqassaaq, sulisut ingerlatsivillu qanimut suleqatigalugit perorsaanikkullu ineriartortitsinermut tapersiilluni atuutilersitsillunilu.

Atorfik

Atuarfiup pisortaatut atuarfiup perorsaanikkut, sulisoqarnerup tungaatigut, allaffissornikkut aningaasaqarnikkullu aqutsinissannut pingaarnertut akisussaasuussaatit. Ingerlatsivik qullersarissavat aamma atuarfiup siulersuisui, suleqatit suleqatigisartakkallu suliaffiup avataaneersut qanimut suleqatigisassavatit.

Ilaatigut makku pingaarnertut suliarisassavatit:

·Tamakkiisumik aqutsineq aamma atuarfiup suliatigut perorsaanikkullu suliaanik ineriartortitsineq

·Sulisunik aqutsineq, matumani ilinniartitsisunik sulisunillu allanik, taakkununnga ilanngullugit atugarissaarneq piginnaanngorsaanerlu

·Inatsisinik atuuttunik, politikkikkut aalajangiussanik kommunillu periusissiaanik atuutilersitsinissamik qulakkeerinninneq

·Ingerlatsivik suleqatigalugu aningaasaqarnermik aqutsineq allaffissornikkullu aqutsineq

·Angajoqqaanik, atuarfiup siulittaasuinik najukkamilu inuiaqatigiinnik suleqatiginninneq

·Atuartunut tamanut toqqissisimasumik, peqataatitsisumik ineriartortitsiffiusumillu ilinniarfiusumik avatangiiseqarnissamut tapersiineq

Atuarfimmi pisortamik imaattumik pissarsiorpugut:

·Atuarfimmut aallussisoq meeqqat inuusuttullu ilinniagaqarnissaannut sullisserusuttoq kiisalu atuarfiup ineriartortinnissaanut siuttuusinnaasoq, atuarfiup siulersuisuinik, sulisunik, atuartunik suleqateqarluni

·Ullormut ingerlatassanik aamma suliffimmi nuannaarnermik, atuarfiullu sulisuisa atugarissaarnerannik pilersitsisoq

·Ammasoq takussaasorlu ersarissumik pissusilik sumiiffimmilu atuarfiup pisortaarusuttoq

·Perorsaanermik, allaffissornermi suliassanik sulisunillu aqutsinermik misilittagalik soqutigisalillu

·Atuarfiup siulersuisuinut atuartoq qitiutillugu aammali atuartunut tamanut naammaginartumik annertuumik anguniagaqartitsisoq

·Sermersuup atuarfiini assigiinngitsunik suleqateqarnissamut takunnissinnaasoq, suliassanik aaqqiisinnaasoq aamma ineriartortitsisinnaasoq, ilaatigullu atuarfiup atualersimanngitsunullu immikkoortortaqarfiup akornini suleqatigiinnerup ineriartortinnissaa

·Ilinniartitsisutut assigisaanilluunniit ilinniarsimasutit, ajornanngippat kandidatitut ilinniagaqaqqissimasoq

·Suliassanik arlalinnik suliaqarsinnaasutit tamakkiisumik isiginnillutit

·Atuartut atugarissaarnissaannik pingaarnersiuisoq atuartunullu tamanut qaffasissumik angusaqarluarniartoq

·Atuartunut angajoqqaanullu ataatsimut akisussaaqataanermik pilersitseqataasinnaasutit

·Takorluuisinnaasutit angusaqarniartuusutillu

·Meeqqat atuarfiat pillugu inatsimmik nalunaarutinillu ilisimasaqarluartutit

·Ilinniartitsisunut aamma sulisut sinnerinut isumaqatigiissutit pillugit ilisimasaqarluartuusutit

·Programminik soorlu TRIO, Tabulex TEA aamma Skoleintramik atuisinnaasutit

·Ajornanngippat marluinnik oqaasilik - kalaallisut/danskisut. Tuluttut iluaqutaassaaq aamma

Neqeroorutigaavut:

·Atuarfik ineriartornissamik avatangiiseqartoq inuttut suliatigullu ineriartornissamut periarfissalik

·Atuarfeqarfimmi atorfik pissanganartoq, matumanilu meeqqat atuarfiat pillugu inatsit atuuttoq aallaavigalugu perorsaanikkut ineriartortitsinissaq pingaartinneqartoq kommunimilu atuarfeqarneq politikkikkut pingaartinneqartoq

·Sulisutsialaat ineriartornissamut eqqumaffillit

·Takorluukkanik ineriartortitsinissamut periarfissat pitsaasut

·Atuarfiup pisortaatut ilinniarneq, pigeriinngikkaanni

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Akitsinnguaq Lulu Jensen, oqarasuaat +299 36 73 26 imaluunniit e-mail: ajla@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 409-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 11.-at, 2026