FAKTA
Atorfiup suussusaa: Atuisunut ikiorti
Suliffeqarfik: GrønlandsBANKEN
Qinnuteqarfissamut killigititaq: 31. juli
Attavissaq: Line Vestergård Villadsen oqarasuaat 34 78 53 imaluunniit lvv@banken.gl
GrønlandsBANKENip Nuummi immikkoortortaqarfianni kunde-supporterimik ujaasivoq
Attaveqatigiinneq pikkoriffigaajuk? Sullissilluarnissarlu anersaaqarfigaajuk?
Taava GrønlandsBANKENip Nuummi immikkoortortaqarfianni kundeservicetaani suleqataanissamut periarfissaqarputit. Kundeservice Nuummi immikkoortortaqarfimmi sullitanut ilassinninnerit sullissinerillu ilaatigut isumagisarpaat.
Suliffik pillugu
Ulluinnatit pissanganarlutillu allanngorassapput, ullunik marlunnik assigiittoqanngilaq. GrønlandsBANKENimi kundeservicemi sullitat oqarasuaatikkut aamma digitalimik saaffiginnissutai akisarpagut.
Suliassatit ilaatigut ukuusinnaapput, sullitap ulluinnarni aningaasaqarnermut apeqqutai akillugut, aningaaseriviup imminut sullinnissamut nioqqutai qanoq atussanerlugit nassuiaaneq, sullitallu atorfissaqartitaanik qulaajaaneq.
Kundeservicemi pikkornnerulernissaq ukkatariuaannarparput sullissinittalu pitsaassusaa qaffakkusuttuarlugu.
Naatsorsuutigaarput:
Allaffimmiutut imaluunniit niuernermut ikiortitut attuumassutilimmilluunniit ilinniagaqassasutit
Nammineq sulinnaanissat aammattaarlu suleqateqarlutit sulisinnaanissat
Sullitat inuinnaat assigiinngitsorpassuit attaveqaqatigilluarsinnaagitit
Sullissilluarnissaq misilittagaqarfigalugulu kajumigigit
Suliassat assigiinngitsut allanngorartullu suliarissallugit iluarisimaaritit
Sulianut aalajaatsuusutit peqqissaartuusutillu
Kalaallisut qallunaatullu oqalussinnaasutit
Neqeroorutigaarput:
Aningaaserivik qajannaatsumi atorfik pilerinartoq akissarissaartorlu, inuttut suliffiullu tungaatigut ineriartornissamut periarfissagissaartoq.
GrønlandsBANKENi suliffeqarfiuvoq inussiarnerpalaartumik oqaloqatigiffiusoq, naleqartitanut aallavilik: pimoorussineq, peqqissaarneq, sullitanut sammisoq kiisalu ineriartornissamut sammisoq.
Suleqatit pimoorussisut akornaniissaatit namminerlu ulluinnatit sunniuteqarfigingaatsiassavatit.
www.banken.gl -imi pilluta paasisaqarnerusinnaavutit
Atorfik pillugu paasissutissat amerlanerit uunga paasiniarneqarsinnaapput inmikkoortortaqarfimmi aqutsisoq Line Vestergård Villadsen oqarasuaat 34 78 53 imaluunniit lvv@banken.gl
Qinnuteqaat uunga nassiunneqassaaq HR-imi pisortaq Patricia Lund Olsen plo@banken.gl qinnuteqaatillu ingerlaavartumik suliarineqassapput.
Tusarfiginissat qilanaaraarput.
