TUSASS ilisarnaataa
Atuisunut siunnersorti
Fakta
Atorfiup suussusaa: Atuisunut siunnersorti
Suliffeqarfik: Tusass
Qinnuteqarfissamut killigititaq: Ingerlaavartumik
Attavissaq: Tippu Kielsen Blytmann mailikkut dkt@tusass.gl
Atorfik pillugu
Inniminniisut immikkoortortaqarfianni atuisunut siunnersortissarsiorpugut.Atuisunut siunnersortimik sullisserusussusilimmik aaqqissuussamillu sulisinnaassusilimmik ujartuivugut.
Atuisunut siunnersortitut ulluinnarni ingerlatsinitsinni ilaalissaatit, tassuuna Tusassip inuit aammalu suliffeqarfinni atuisuinut pitsaasumik atuisunut sullissisinnaaneq qulakkiissavat.
Attaveqaqatigiinnernut niuerutinik inniminniisarnerit, atuutsilersitsinerit aamma atuisuuffinnik allannguinerit aammalu atuisut paasissutissaataannik eqqortunik tigumminninneq suliarisassavatit.
Tamatuma saniatigut Field Service-imut, pisiniarfinni sulisunullu ikiugassanngortillugit tapertaalluartassallutit, inniminniigallu eqqortumik pitsaasumillu – pitsaassusaanik aammalu atuisut misigisaat pitsaasuunissaannik pingaartitsinikkut qulakkeereqataassallutit.
Piginnaasatit
Naatsorsuutigaarput:
- Atuisunik sullissineq misilittagaqarfigigit aammalu atuisunik toqqaannaq attaveqarnissaq ajornartinnagu
- Oqalunnikkut allattariarsornikkullu, pitsaasumik ersarissumillu Kalaallisut, Qallunaatut Tuluttullu attaveqarsinnaassuseqartutit.
- Ajornartorsiutaasunik aaqqiissutissaqapallassinnaassuseqartutit, sukkasuumillu iluaqutissanik aalajangiipallassinnaallutit
- Misiginneqataasinnaassuseqartutit, atuisorlu oqaloqatigiinnermi malinnaallutit utaqqisinnaassuseqartutit
- Ulluni ulapaarfiusuni assigiinngitsunik suliaqarsinnaasutit pingaarnersiuisinnaassuseqarlutillu
- Teknikkikkut paasinnissinnaassuseqartutit, suleqatinillu illup iluaneersunit avataaniillu suleqateqarluarsinnaassuseqartutit
- Pisariaqartoqartillugulu suliffeqarfiup iluani immikkoortortani assigiinngiiaaraluartuni suliassanik ikiuunnissannut ammasuusutit
- Sulinermilu paarlakaajaaffiusumi ualikkut sulisinnaasutit
Neqeroorutigaarput
- Suliffeqarfik pissanganartoq, suliassanik assigiinngitsunik suliaqarfik, suliffeqarfiullu iluani immikkoortortaqarfinni assigiinngitsuni suleqatinik qanimut suleqateqarfik
- Atuisutsinnut, sullissinermullu pitsaasumut sunniuteqarfik
- Suliffeqarfik suleqatigiissinnaanermut, pitsaassutsimut aammalu ineriartorsinnaanermut ukkassisoq
- Isumaqatigiissutit aallaavigalugit sulilernermut atugassarititaasut naapertorlugit akissarsiassaqartitsisoq
- Sulianut tunngatillugu ineriartorfissalik, suleqatinullu piginnaasalinnit avitseqateqarsinnaaffik
Soqutiginnippit?
Atorfininneq ingerlaannaq pissaaq, taamaattorli atorfinittussaq tulluartoq ujarneqarluni.
CV qinnuteqaatillu toortagaq talerperlermiittoq aqqutigalugu nassiukkit.
Emailikkut qinnuteqaatit tiguneq ajorpagut.
Atorfimmut apeqqutissaqaruit Atuisunut Sullissivimmi pisortaq Tippu Kielsen Blytmann mailikkut attavigisinnaavat dkt@tusass.gl
Tusarfiginissat qilanaaralugu.
Qinnuteqarit
